الموضوع: عملت التشميع للساجا

المشاركة الأصلية كتبت بواسطة alarabiya11

بجيب علبة الفورميلا وان 35 جنيه الشمع وجايب صاروخ تلميع من السبتيه 75 جنيه وشامبو فورميلا 25جنيه وعلبة اسبراى لطبلوه 20جنيه وعلبة اسبراى كاوتش 31 جنيه وبيعقدوا كتير وبنزل الجراج اعمل فيها باميلا اندرسون والواد ابنى يلعب فى الميه اروح البنزينه بس عشان اغسل العفشه بس وشفط تراب الصالون على الناشف
وعادى يعنى

ممكن شرح اكتر للمكان بتاع صاروخ التلميع؟؟ عايز اجيبوووو

ابو مريم والناس الحلوه المهتمة بالموضوع فى عيال فى اول مدخل السبتيه من ناحية كوبرى الليمون بييبيعوا مستعل قلهم انا عاوز صاروخ تلميع بتاع دوكو وتجيب طقم تلميع جلخ عبارة عن سفنجة بتركب على الصاروخ من عند بتاع البويات يكون بيبيع مستلزمات بتوع الدوكو

ممكن برده بيتباع انواع منه عند بتوع بويات السيارات فى نوع صينى مشهور لسبس مش فاكر اسمه اسال الواد الا جنبى بكره ممكن يكون غالى شويه عشان جديد بس فى منطقة السبتيه تروح ميدان رمسيس من ناحية موقف الميكروباص بتاع المنصورة وطنطا وكده وتسال على بتوع العدد والالات وتسال على الا بيبيعوا مستعمل
وممكن برده تروح شارع الجمهورية من ميدان رمسيس سوف تجد كل شىء فى العدد والالات بس دول جديد

والله بص الانواع سوف تكون شمع فورميلا ثمنه 35 جنيه تدهن وتدعك بسفنجه
وعلبة شامبو نفس النوع 25 فورميلا برده تغسل بيها وبعدين تدهن
وخلى عندك كمبوند تدعك بالقطن وده قبل الغسيل و التشميع وقلم دوكو حسب لون سيارتك ازالة الخدوش بس تدهن جاز الاول ابقل ماتستخدموا
وزجاجة اسبراى لونها اصفر كده 20 جنيه لطابلوه والفرش الجلد ترش وتمسح مش فاكر اسمها دلوقتى اعطيك اسمها قريبا
وزجاجة اسبراى طويلة للاطارات ترشح على الكفرات بدون متستخدم ميه وتسبها سوف تبقى فوله
وتجيب مكنسه طبعا
وخلى معاك اكتر من فوطه وسفنجه
الا تستخدموا لطبلوه لا يستخدم لبودى وسفنجة الجنوط لا تستخدم الا لجنوط
وتخلى عندك شوية بنزين تنظيف
وزجاجة جلانس ومساحة زجاج
وشورت وفانله...................................... .............
وعيش اللحظة...................................... .........

المشاركة الأصلية كتبت بواسطة vsaga

يا ولاد الايه .. ده انتوا طلعتوا رجالة جامدة .. هو الواكس ده ممكن انا اجيبه واتعايش به .. انا شوفت العلبة هى اسطوانة كده طويلة ومكتوب عليها RX سويسرى .. بس هو كان بيدهن وبعدين يلمع كده بصاروخ فعلا عليه سنفجة مدورة .. هو ده الصاروخ اللى قصدك عليه يا alarabiya11 باشا ؟؟؟
ولو حبيت اشترى الحاجات دى اشتريها منين ؟؟ من كارفور ؟؟ ونفسى فعلا اجيب حاجة تنظف التابلوه لان انا من النوع اللى بحب شكل التابلوه يبقى نظيف فلو حد يعرف نوع معين بس يكون بيدى نفس النتيجة كده بتاعت الغسيل الكيماوى يفدنى .. وانا اشترى الحاجات دى وابقى اتعايش انا فى النظافة كل جمعه مع نفسى .. وشكرا للشباب الجامد

علشان تنظف عربيتك من النهاية ادخل علي اللينك ده و هتشوف الفرق بنفسك
http://www.nilemotors.net/Nile/95922-a.html