ماالاجراء المتبع فى..... سيارات الشرطه المخالفه ..

سيارات الشرطه المخالفه التى تسير عكس الاتجاة ...والتى ممكن تتسبب فى حوادث هل لها مخالفه ام ماذا ؟
كذلك توجد سيارات وموتوسيكلات شرطه تقطع الاشارة وتسير عكس الاتجاة فى وجود ضابط
واذا كانت هذه السيارة تابعه للمرور او لجنه المرور ....ماالاجراءات المتبعه فى ذلك
ام ستعفى هذه السيارة لانه من الصعب ان ضابط يسحب رخصه ضابط او لانها تابعه للداخليه
واذا كان قائد السيارة من النيابه او المستشارين ومخالفا
هل سيتم عليه تطبيق القوانين ؟ ام ........؟
واذا كان هناك شكاوى ستقدم او الاتصال بارقام التليفونات للابلاغ عن المخالفين .... هل سيتم الاهتمام بهذه الشكاوى ومحاسبه المخالفين

للاسف لا في مخالفات ولا في عقوبات ولا تقدر تشتكي !!!!!!!!!!!!!!!!!!!!!!!!!!!!!!!!!!!!

الحمد لله :-)

ممكن تدعى عليهم

ادعى عليهم بس يا باشا الناس دول ممكن يفكوا النمر ويعملوا نمر عموله و ممكن كمان يوزد رقم ولا حاجه ولو حد قالوا الرخص بالتليفون اومرك يا سعدت البيه ولو بنفسه يطلع بس يادوبك الكارنيه هطلقى الكل الى واقفين فى اللجنه بيمسحوا العربيه ده لو مستشار كبير ولا حاجه مهمه

لا يوجد اى بند فى القانون يغرم الناس دى او يحاسبهم ولو موجود قانون بيبق شكلى مش اكتر

السلام عليكم
والله يافندم هوا موضوع ينقط فعلا لما تشوف اللي بيطبق علينا القانون هوا نفسوا ما بيطبقوش على نفسوا ودي قمة التناقض وعدم الأيمان والأقتناع بالعمل بتاعهم وبالتالي لو أحنا في مجتمع متوازن المفروض منتحاسبش إلا أن كلنا نضظبط مع بعض على نظام واحد بس المهم بالنسبة لسؤال حضرتك هما المفروض عندهم جهاز رقابي أسمة شرطة الأنضباط ودي ذي الشرطة العسكرية بس تواجدهم أقل بكتييير من الشرطة العسكرية اللي أعرفوا أن ليهم تواجد أمام مستشفى الشرطة اللي في العجوزة وواحد تاني في مدينة نصر بعد صنية رابعة العدوية والأتنين ما بيبصوش إلا على حالة العربية والرخص والسواق وتصريح السير وغالبا ما بيبقاش في مخالفات سير في الأماكن دي والأغرب أن كل المخالفات بتحصل بعيد عن الأماكن دي ومحدش بيتمسك ولا أي حاجة فهي ماشية كدا ومظنش أنها هتتغير إلا لو الناس أتغيرت(أخلاق أو ككيان)

يا جماعه انا من يومين بالظبط والله شايف بعنيا عربيه ماشيه في الدقي عكس الاتجاه في الطريق من شارع التحرير لميدان الدقي للمتجه للمهندسين

في البدايه العربيه الاول كانت ماشيه عادي مع الطريق في شارع التحرير , وبعد ما دخل من جنب كوبري الدقي كانه رايح المهندسين الظاهر حس انه غلطان ولا ايه , فوقف الشارع وراه وبدأ يلف بالعربيه 180 درجه بالظبط (طبعا طالع لقدام وراجع لورا) والناس كلها متعطله وفي الاخر اصبح وش عربيته في وش عربيات الناس , وبدأ كمان يكبس على الناس عشان يمشي في شارع الدقي عكسي ويطلع تاني على ميدان الدقي عشان يكمل كانه رايح على مقار !!!!

علماً بان دايما تحت الكوبري في ميدان الدقي في ونش كبير متمركز وعربيه شرطه واحيانا ظابط كبير كمان

لكن كانو واقفين بيتفرجو ومستمتعين جدااااااااااا , ياترى ايه السبب ؟؟؟؟؟؟؟؟

السبب هو ان نمر العربيه مكتوب عليها ((((( رئاسه الجمهوريه )))))) !!!! مع انها عربيه فيات 128واللي سايقها عسكري بس محدش فكر حتى يعلق على تصرفاته

والله العظيم ياجماعه في الحركات اللي كان بيعملها دي واثناء سيره عكسي كان هيفررررم واحده ست وابنها ماشيين وشاب بيعدي الشارع !!!!!

اى كمين مرور واقف فى الشارع تلاقى فيه الظابط الغير محترم بيقولك الرخص و يسالك على الطفاية و على الهيافة و الغتاتة و عربية الحلوف زجاجها كله فاميه سوبر بلاك .

المفروض السادة مفتشين الداخلية ينزلوا الشوارع و يشوفوا الظباط عاملة ايه فى الناس

ده قانون سكسونيا

المفروض انهم يكونو قدوة لينا .... يعني لما واحد يشوف حاجة زي كدة هيقول
اذا كان الظابط نفسة بيكسر الاشارة ولا بتوع المرور بيمشو عكسي يبقي اشمعني احنا بيتتطبق علينا القانون

وعلي راي المثل

اذا كان رب البيت بالدف ضارب ... فشيمة اهل البيت الغناء والرقص

يعني اذا كان رئيس البيت بيطبل و يغني يبقي اللي ساكنين في البيت يقومو يرقصوا

بمعني تاني انو لو هما بيمشو عكسي ويكسرو الاشارات يبقي احنا المفروض نعمل اكتر من كدة كمان

لا تملك الا قول حسبي الله و نعم الوكيل انا مرة كنت خارج من عند البيت في طريقي عادي و جه بوكس شرطة ركبة مقدم ماشي عكس الاتجاه فبقينا في وش بعض لقيته بيشارلي انه ادخل يمين علشان يعدي و اليمين ده عبارة عن حفرة عملاقة تبهدل العربية و ده طريقي فرفضت اني امشي فالباشا نزل و قللي هتمشي غصب عنك قلتله ده طريقي و انت عكس الاتجاه قللي مش انت اللي تقولي انا اللي اقول اذاا كنت عكس الاتجاه و لا لأ و طلب من العسكري بتاعه يجيب اللاسلكي علشان يكلم الونش يشيل عربيتي و قللي هعرفك دلوقتي مين اللي ماشي عكس الاتجاه فبيني و بينكم قلت ملهاش لزمة الدخول في صراع مع الفئات دي و النتيجو طبعا محسومة لصالحة فتاخرت لغاية ما عدي و انا كملت المفاجأ ة اني العربية تابعة لاحد ادارات المرور و رحتي شغلي بغلي و هجنن بس كنت هعمل ايه واحد زميلي قللي كنت انزل من العربية و اقفلها و اقف بموبيلك صور و اطلع علي مكتب الوزير و اشتكي بس متهيالي اني برده انا اللي هبقي خسران في الاخر و حسبي الله و نعم الوكيل.

ابسط حاجة هيقولو انه كان بيطارد حد او فى ظرف طارىء استدعاه

اخى جى من الصعيد من اسوان والغريب اعم والساعه كام ......قولى كده ......الساعه 1.30 ليلا ومش عارف الطريق لقى امامه سيارة شرطه مشى وراها ....تصورا طلعت ايه ......كمين والمصيبه ان هو ماشى عكسى وسحب رخص اخوى وقاله ان ده عكس الاتجاة وهو يقولوا انا مش من هنا انا من اسوان ومعرفش الطريق والرخص معاك وممكن تتاكد من كده وبمنتهى البرود
يرد الظابط وانا اعملك ايه ..... ويقوله بالحرف الواحد عربيه الشرطه ماشيه غلط ايه اللى يمشيك غلط .....شوفوا قله الذوق
المهم انا عرفت اسم الضابط ورتبته من المحضر اللى عمله
الواحد يعمل ايه علشان يشتيكه فى الداخليه .....اكيد طبعا فى ضباط محترمه وولاد ناس يعرفوا يجيبوا للناس حقوقهم .... وربنا يبارك فيهم

اقتباس:

---

المشاركة الأصلية كتبت بواسطة mahdyez

اخى جى من الصعيد من اسوان والغريب اعم والساعه كام ......قولى كده ......الساعه 1.30 ليلا ومش عارف الطريق لقى امامه سيارة شرطه مشى وراها ....تصورا طلعت ايه ......كمين والمصيبه ان هو ماشى عكسى وسحب رخص اخوى وقاله ان ده عكس الاتجاة وهو يقولوا انا مش من هنا انا من اسوان ومعرفش الطريق والرخص معاك وممكن تتاكد من كده وبمنتهى البرود
يرد الظابط وانا اعملك ايه ..... ويقوله بالحرف الواحد عربيه الشرطه ماشيه غلط ايه اللى يمشيك غلط .....شوفوا قله الذوق
المهم انا عرفت اسم الضابط ورتبته من المحضر اللى عمله
الواحد يعمل ايه علشان يشتيكه فى الداخليه .....اكيد طبعا فى ضباط محترمه وولاد ناس يعرفوا يجيبوا للناس حقوقهم .... وربنا يبارك فيهم

---

انا لو مكانك اعمل مذكره وابعتها بأي طريقه لوزير الداخليه مباشره , هي ملهاش حل غير كده

انا فاكر ان فيه واحد من الاعضاء لقى بوكس ماشى عكسى على مزلقان كمان
صوره
وبعت الصور الداخلية
بعدها عرف ان الظابط والسواق - كان امين شرطة -اتجازوا
وعلى فكرة
الجزا ساعات بيفرق معاهم فى الترقية جامد ولو شكوى فى رتبة كبيرة ممكن تتسبب فى خروجه على المعاش

اللى عايز يشتكى
يصور
يبعت على مكتب الوزير
وتفتيش المديرية التابع لها الواقعة

السلام عليكم حكاية حصلت معايا حقيقي انا كنت راجع من الغردقه يوم 6-4 -2010 وكان معايا عربيتي 4*4 وكانت مش ممكن تعدي سرعه 100 ابدالانها كانت بتعوم وانا متاكد اني معديتش سرعة 100 اطلاقا المهم اول ما وصلت راس غارب لقيت السكة بتهدي وفي كمين طبعا امين الشرطة طلب مني الرخص سالتة عن السبب قالي هات الرخص الاول لما ركنت لقيت الظابط بيقولي سحب رخص السرعة 140 المهم قعدت احفلة ان سرعة عربيتي مش ممكن تتجاوز 100 الظابط ردة كان صريح معايا هتدفع 150ج هتعدي مش هتدفع هتفضل واقف للصبح وكان معايا ناس كتير بالشكل دةواظن الظابط دة لم تقريبااكترمن10000ج ف الوقفه بتعته دي

اقتباس:

---

المشاركة الأصلية كتبت بواسطة tuttoo

السلام عليكم حكاية حصلت معايا حقيقي انا كنت راجع من الغردقه يوم 6-4 -2010 وكان معايا عربيتي 4*4 وكانت مش ممكن تعدي سرعه 100 ابدالانها كانت بتعوم وانا متاكد اني معديتش سرعة 100 اطلاقا المهم اول ما وصلت راس غارب لقيت السكة بتهدي وفي كمين طبعا امين الشرطة طلب مني الرخص سالتة عن السبب قالي هات الرخص الاول لما ركنت لقيت الظابط بيقولي سحب رخص السرعة 140 المهم قعدت احفلة ان سرعة عربيتي مش ممكن تتجاوز 100 الظابط ردة كان صريح معايا هتدفع 150ج هتعدي مش هتدفع هتفضل واقف للصبح وكان معايا ناس كتير بالشكل دةواظن الظابط دة لم تقريبااكترمن10000ج ف الوقفه بتعته دي

---

واضح انه شييلك مخالفه بدل حد تاني والله اعلم !!!!!!

عالعموم انت اشتريت نفسك بالـ 150 جنيه , وكان ممكن تشتريها بردو بمكالمه تليفون او اسم ظابط كبير

والله ياما حصلت معايا , وكانت سير عكس الاتجاه في شوارع حيويه , وكان حلها معايا خد كلم فلان بيه عايز يسلم عليك !!!

احنا عندنا شرطه المرور بجد مفهاش حاجه صح تقريبا , من بدايه استخراج الرخص (قياده وسياره) لغايه تطبيق القوانين

عندي البابين اليمين في العربيه "حكتهم" عربيه شرطه اللى هي البوكس دي الزرقاء و انا الشاهين عندي لونها ابيض لك ان تتخيل بقي شكل البابين عاملين ازاي و على فكره العربيه اتخبطت و هي واقفه عند المكتب والشارع عرضه مش اقل من 30 متر لحد دلوقتي نفسي افهم ليه و ازاى بس لما طلعت و سئلت قالولي انه كان بيجري و خد الملف ع الواسع قام شايط العربيه عندي

طبعا الكسره اللى في باب الشاهين دي اللى تحت الاوكره الخبطه جت فيها بالظبط و مدخلاها جوه كده و اللون الازرق بتاع الشرطه على جمب عربيتي كله و طبعا هتروح تشتكي مين

عوضك ع الله يا بيه :d

حسبى الله و نعم الوكيل

والله على حسب الظابط ( الرتبة طبعا) يعني لو لواء في حملة مثلا وشاف عربية شرطة مخالفة ممكن يديها مخالفة غير كده ماظنش


http://img105.herosh.com/2010/08/03/481499434.jpg

الصورة اللى فيها عربيه الشرطه متكلبشه بجد
مع احترامى لصاحب الموضوع انا لا اقصد حاجه
بس دة صورة جامده ولو حقيقيه ده نقطه فى صالح الداخليه وياريت الداخليه تتباع موضوع اللجان

المواضيع دي عايزة حد قلبه جامد وفاضي ...

امبارح على المحور عند النزلة بتاعة ميدان لبنان ونش ماشى عكسى بالليل ومنور العالى وطوز فى الماشين ومش شيفين حاجة بسسب نورة العالى

حد شاف ظابط لابس الخوذة على موتوسيكل؟؟

اقتباس:

---

المشاركة الأصلية كتبت بواسطة bondjames

ممكن تدعى عليهم

---

+9999999999999

http://sphotos.ak.fbcdn.net/hphotos-..._4520922_n.jpg
الصوره دي في اسكندريه من يومين وطبعاً 100% كان معدي ظابط رتبه او حد من مفتشين الداخليه
انما غير كده قول حسبي الله ونعم الوكيل هو ربنا اللي قادر عليهم

سيارات الشرطة لها تراخيص ومخالفات عادى جدا
وممكن شكوى برقم العربية لمديرية الأمن وعلى فكرة العقاب قاسى
جدير بالذكر أنه ليس من حق ضباط الشرطة قيادة سيارات الشرطة وهذه المهنة للعساكر فقط