مشكلة في اللاب توب ومحتاج مساعده

**mr_sameh** · 31-07-2010 09:28 PM

انا عندي لاب ايسر اشتريته من حوالي سنة ونص وكان شغال زي الفل والاستخدام كان عادي جدا من فترة شلت البطاريه لاني بستخمده بالكهربا ومن يومين جيت اشغله مشتغلش نهائي روحت لواحد صاحبي شغال في الكمبيوتر قالي دائرة الباور فيها مشكله وهتكلفك تصليح في حدود 300 جنيه والسبب انك بتستخدم اللاب من غير البطاريه وده اكبر غلط طبعا انا اقترحت عليه انه يتصلح ويبعه ويجيبلي مكانه لاب تاني يكون استعمال خفيف واقترح يكون اتش بي او توشيبا
ايه رايكو في القصه دي اعمل ايه

**ahmed_khalil** · 31-07-2010 10:01 PM

الكلام غلط طبعا
لان و انتا شغال على الكهرباء يستحسن انك تشيل البطاريه

**adelmof40** · 31-07-2010 10:07 PM

السلام عليكم ورحمة الله وبركاته

رجاء التوضح يعني ايه ما بيشتغلش
-قاطع بور
-سيستم لا يعمل
- الادابتور اتخبط لا قدر الله
مبدئياضع البطاريه وراجع الشحن وشوف واحنا معاك بأذن الله

**mr_sameh** · 01-08-2010 03:07 AM

قاطع باور اكيد

**SunSet** · 01-08-2010 03:42 AM

واضح انه مش فاهم

ممكن تكون كارتة الميموري بازت او البيوس فيها مشكلة

روح لحد تاني وثالث وما تسمعش واحد بس

**pro_samir** · 01-08-2010 03:46 AM

الأول المفروض تجرب شاحن تاني

ولو مفتحش باور يتأكد ان الزرار نفسة سليم وجرب تضغط علية جامد شوية في الأول مثلا بس بشكل عامودي من منتصف الزرار لو مفتحش خلية يشيك علي الزرار نفسة

لو مشتغلش برضو يبقي احتمال كبير حاجة في دايرة الباور و رقم 300 جنية دة كتير لكن رقم قريب من المتعارف علية لمصطلح دايرة الباور وممكن يكون اللي بايظ فيها مكثف ولا ترانزستور ببضعة جنيهات وحضرتك هتتحاسب علي دايرة الباور ب 300 جنية

لو بتنزل طنطا أو في حد من طرفك بينزل طنطا ممكن تبعتلي الجهاز معاة هدخلهولك صيانة في الشركة عندي وان شاء الله مش هيكلف ربع المبلغ دة

بس ربنا ييسر وتكون حاجة من دايرة الباور متكونش مشكلة بوردة كاملة

وموضوع الشغل علي الشاحن باستمرار دة يبوظ دايرة الباور كلام غريب