بطارية اللاب توب باظت

**D . a .\ AYMAN** · 03-07-2010 03:47 PM

دلوقتي أنا كنت جايب جهاز

hp pavilion dv6 ... Core 2 due

من حوالي 7 شهور يعني في نوفمبر 2009 تقريبا .. بقاله فترة كده البطارية مش بتقعد ساعة حتى ... وساعات تفصل قبل نص كمان

الويندوز بقى بتقوللي consider replacing your battery وساعات مابترضاش تشحن ززوبقى على طول عامل إكس حمراء على أيكون البطارية حتى لو البطارية راكبة

كده يبقى البطارية باظت ... المهم إن الجهاز لسة في الضمان بتاعه ولما قريت الضمان لاقيت إن البطارية المفروض داخلة في الضمان لمدة سنة

هل في حد بقى مر بالتجربة قبل كده ... وهل في حد غير البطارية بتاعة اللاب توب في الضمان

السؤال المهم بقى أنا ماعرفش فين الضمان أو الوكيل بتاع hp في مصر ياريت لو حد يعرف يقولي

**Ayman-Ahmed** · 03-07-2010 04:27 PM

هو مفيش على الاب توب تيكيت بضمان مين؟ او الفاتورة مش مكتوب عليها حاجة؟

وده لينك ل HP Support ممكن تشرحلهم المشكلة وهيردوا عليك اكيد؟وليه انا متاكد لانهم شركة عالمية بتحترم عملائها

**Ayman-Ahmed** · 03-07-2010 04:32 PM

وده لينك مواقع الصيانة

Contact HP

**Ayman-Ahmed** · 03-07-2010 04:34 PM

باقى الفروع

ظ‡ظٹظˆظ„ظٹطھ ط¨ط§ظƒط§ط±ط¯ ط§ظٹط¬ظٹط¨طھ ظ„ظٹظ…طھط¯ - ط§طھط´ ط¨ظ‰ - Hewlett Packard - HP - ط¯ظ„ظٹظ„ ط§ظ„طھظ„ظٹظپظˆظ† ط§ظ„ظ…طµط±ظ‰ ظˆط®ط¯ظ…ط§طھ ط§ط®ط±ظ‰

**Kareem_A** · 03-07-2010 04:37 PM

انا بصراحة ممرتش بموقف زاى دة

بس اسمحلي اسأل حضرتك , هو حضرتك كنت بتشحن البطارية ازاى ؟

اصل ٧ شهور قليل قوي على ما البطارية تخلص

هل حضرتك كنت بتستنى لغاية ما الشحن يفضى ولا لأ ؟؟ , و هل كنت بتسيبه في الشحن على طول حتى لو كان مشحون ؟

**yoko** · 03-07-2010 04:46 PM

أنا ضربت عندي بس بعد 4سنين من التعذيب والجهاز حاليا كله في العنايه المركزة

**hossam_elwani** · 03-07-2010 05:20 PM

اعتقد ان تقنية بطاريات الكمبيوتر المحمول لازم تتطور يعنى ايه جهاز اشحنه يقعد معايا ساعتين بالكتير كلام فارغ على الاقل 12 ساعة ده الحد الادنى فى عالم اليوم الملىء بالتكنولوجيا

**D . a .\ AYMAN** · 03-07-2010 05:50 PM

المشاركة الأصلية كتبت بواسطة Kareem_A

انا بصراحة ممرتش بموقف زاى دة

بس اسمحلي اسأل حضرتك , هو حضرتك كنت بتشحن البطارية ازاى ؟

اصل ٧ شهور قليل قوي على ما البطارية تخلص

هل حضرتك كنت بتستنى لغاية ما الشحن يفضى ولا لأ ؟؟ , و هل كنت بتسيبه في الشحن على طول حتى لو كان مشحون ؟

حاجة من إثنين ياإما بكون سايب الشاحن على الجهاز على طول ... يا إما بيكون الشاحن إتشال مثلا شوية ساعتها بسيبه خالص لغاية ما البطارية تفضى .... على فكرة الأجهزة الجديدة المفروض بيكون فيها دائرة بتفصل الشحن طالما البطارية مشحونة ومابترجعش تشحن تاني إلا لما البطارية نفضى شوية ... عشان كده مش هاتفرق لو كان الشاحت محطوط على طول أو لأ .. ده بالعكس بيقلل من عدد دورات الشحن اللى بتمر بيها البطارية في فترة عمرها كمان

المشاركة الأصلية كتبت بواسطة emo_ayman

هو مفيش على الاب توب تيكيت بضمان مين؟ او الفاتورة مش مكتوب عليها حاجة؟

وده لينك ل HP Support ممكن تشرحلهم المشكلة وهيردوا عليك اكيد؟وليه انا متاكد لانهم شركة عالمية بتحترم عملائها

ياباشا الف شكر على الإهتمام الكبير ده .. أنا كنت مشتريه من شركة إسمها IMPACT ودي كانت عاملة عروض عندنا في العمل عشان كده جبته منها والفاتورة معايا بس أنا مش عايز أروح للشركة أنا عايز اروح لتوكيل إتش بي على طول ... ياترى هل ده ينفع ولا هايقولولي روح للشركة اللى إنت مشتريه منها ؟

المشاركة الأصلية كتبت بواسطة yoko

أنا ضربت عندي بس بعد 4سنين من التعذيب والجهاز حاليا كله في العنايه المركزة

شوفت أنا سبقتك إزاي

أنا عندي جهاز كيرا من حوالي 3 سنوات أول ما ماركة كيرا إبتدت تنزل في السوق وشغال لغاية دلوقتي وبطاريته ما زالت سليمة وكويسة .. طبعا هية مش بنفس الكفاءة لكن شغالة على الأقل لما بتقرب تفضى بتدي إنذار عشان الويندوز تلحق تعمل باك أب ... لكن دلوقتي في الـ إتش بي أول مالبطارية تقرب من حاجز الـ 20 % مثلا تقوم فاصلة باور من غير ما تدي إنذار حتى

برغم إن الكيرا أصلا كماركة مش كويسة بصراحة ... يعني مكونات الجهاز من بلاستيك وما الى ذلك رديئة جدا ومش بتستحمل بصراحة وتقريبا معظم مساميره حاليا مكسور

المشاركة الأصلية كتبت بواسطة zakiali

للأسف جميع ماركات اللابات في مصر صيني ماعدا الماك والبطاريات كلها صيني بتضرب بسرعه .. زي ما حصل معايا سألت علي البطارية الأصلية بره لقيتها بألافات .. همه بيقللوا سعر اللابتوب وبيوفروا في البطارية .. سياسية غبيه الصراحه .. اللابتوب من غير بطارية بيفقد خاصية مهمه جدا .. أنه يكون محمول من غير كابلات باور ... حد يقدر يمشي بالموبايل وهو شايل الشاحن في ايده أو جيبه !

والله ياباشا كله دلوقتي صيني حتى اللى جاي من برة مافيش فرق برضه ... أنا عندي جهاز تاني جاي من أمريكا إتش بي برضه وكل مكوناته صيني بلا إستثناء البطارية ... وهو هو نفس الأجهزة اللى هنا مافيش فرق