علي فكرة انت الصيام مأثر عليك عشان كدا بتخلط بين الصيني و الياباني
يا راجل اتقي الله في حد يقارن الفيل بالنملة؟؟؟؟؟؟؟؟
عرض للطباعة
علي فكرة انت الصيام مأثر عليك عشان كدا بتخلط بين الصيني و الياباني
يا راجل اتقي الله في حد يقارن الفيل بالنملة؟؟؟؟؟؟؟؟
يا جماعة على فكرة كلام الراجل صاحب المقالة ده في شئ كبير من الصحة، وللعلم صناعة السيارات الصينية قادمة بقوة ومعدل تطورها أسرع بكتير من معدل تطور صناعة السيارات الكورية في بدايتها واللي كان معدل تطورها اسرع من معدل تطور صناعة السيارات اليابانية في بداياتها.
وعلى فكرة صناعة السيارات اليابانية والكورية اعتمدت في بداياتها على نسخ مقلدة للسيارات الأوروبية والأمريكية سواء بترخيص أو بدون، بس الفرق الصينيين في اوقات كتير بيشفوا العربية بالمللي، وبرده زمان ماكانش في حقوق ملكية فكرية وقضايا سرقة تصميمات زي دلوقتي.
في ملاحظة تانية مهمة هي ان الناس في اوروبا وامريكا كانت بتبص للعربيات اليابانية في الستينيات على انها عربيات ضعيفة وورق ومش اعتمادية ولكن مع الوقت اثبتت جدارتها زكانت نقطة التحول الرئيسية في تاريخ صناعة السيارات مع أزمة البترول في اوائل السبعينيات مع الحظر العربي للبترول عن الدول المساندة لإسرائيل وبدأت الناس تدور على عربيات صغيرة واستهلاكها قليل للبنزين ودي كانت بداية الانطلاقة الحقيقية للسيارات اليابانية.
وتكرر نفس الكلام مع السيارات الكورية.
وهيتكرر مع السيارات الصينية.
ملحوظة:
أنا كنت لسه في ايطاليا من شهرين وشفت في الشارع كذا عربية تيجو وهي بتتجمع في ايطاليا تحت اسم dr والسنة اللي فاتت كنت في ألمانيا وشفت في الشارع عربية بريليانس جالينا.
اغلب العربيات اللي احنا بنركبها لازم تلاقي فيها مكونات صينية وكمان مكونات اساسية (على سبيل المثال مواتير تويوتا كورولا اللي بتتجمع في اليابان ال a5 كانت صناعة صيني في شركة تيانجين تويوتا انجين).
الصيني جاي جاي وبقوة وادوهم كمان 5 سنين وشوفوا العربيات الصيني هتوصل لإيه.
وعلى فكرة أغلب الصينيين مش بيركبوا عربيات مستوردة لأ دي عربيات من ماركات عالمية مصنعة في الصين بشكل شبه كامل والماركات دي على سبيل المثل لا الحصر تويوتا، فولكسفاجن، فيات، نيسان، مازدا، psa، gm وآخرون.
لو اتكلمت من هنا لحد السنه الجايه لن يقتنعوا
المشكله ان اللي بتكلم فعلا الجزء الاكبر من مكونات سيارته صيني
التطور الان غير زمان
انت ممكن تتنقل في التصنيع حلال سنوات بسيطه جدا لا تتعدي 3 او 4 سنوات علشان توصل لهدفك التكنولجيا مش صعبه الان
تقريبا كل ماركات السيارات في العالم ليها مصانع في الصين
مكونات السيارت تنتقل الي جميع المصانع في العالم مش لازم العربيه علششان وارد اليابان تكون مصنعه با لكا مل في اليابان
المصريين مازلو يحكمو علي المنتج الصيني بفانوس رمضان ولعب الاطفال
العالم كله بيشتغل وينتج واحنا متلقي فقط
يار يت بعرف نعمل موتو سيكل او تو تكتوك
مش عربيه كل اللي عندنا اصلها صيني
طب انت جربتها وحكمت عليها لا
بس هي صيني تبقي منتج سيء
اانا ما عرفش غير كده طالما صيني تبقي زباله
المشكله ان سيارتهم الالماني والياباني مليئه بمشاكل تودي في داهيه
بس مش مشكله اصلهل يا باني والماني وفرنسي استحمل
طب الصيني يمكن فيه مشاكل اقل من اللي عنكم
لا ما ينفعنيش الكلام ده هي صيني يعني صيني
طب ما الصين اشترت فولفو وهامر
وبي ام ومرسيدس بتصنع في الصين وتصدر لدول العالم ممكن يكونو في مصر كمان
لامش مهم المهم ان الناس مش عارفه انها جايه من الصين
ربنا يهدي ونعرف نبقي واحد علي عشره من الصين.
الراجل كلامه وزون جداً
والصراحة أنا أتفق معه في كل كلمة
وللعلم فقد إتخذ قرار منذ ستة أشهر بمنع دخول أي منتج صيني لمصر بدون شهادة جودة معتمدة
وأعرف واحد كان جايب رسالة من الصين ولم يسمح لها بالدخول
والآن في كل فئة في السيارات توجد على الأقل سيارة صينية تنافس بقوة
فئة الفيرنا واللانوس = بي واي دي إف3 تنافسهم بشدة
فئة الأكسنت والأفيو = شيري إم11 وجاك بي15
فئة الألنترا والسيراتو = البريليانس جالينا وعلى فكرة الفديو بتاع إختبار التصادم الموجود في هذا الموضوع فيدو قديم تم تعديل أخطاؤه ولم تعد البريليانس بذلك السوء على ما أتذكر
إلى آخره
القصد أنه خلال ستة سنوات أصبح هذا حال السيارات الصينية
رغم أن قبلها كثير من الناس وأنا منهم لم أكن أعرف أن هناك سيارات صينية
فما بالنا بعد خمس سنوات أخرى
ما بالنا
إيه بالنا ؟
مرسيدس تقوم بالتصنيع في الصين
بي إم دبليو تقوم بالتصنيع في الصين
فولكس تقوم بالتصنيع في الصين
فيات تقوم بالتصنيع في الصين
تويوتا تقوم بالتصنيع في الصين
مازدا تقوم بالتصنيع في الصين
وغيرهم كثير
السيارات الصينية واقع لابد منه
وبعد خمس سنوات ستكون إجبار لابد منه
شكرا على المجهود الرائع والموضوع الرائع والعضو الاكثر من رائع وكل سنه والاعضاء كلهم بخير
عنوان الموضوع استفذنى ب شكل كبير
لا مجال للمقارنة اساسا هو ينفع تقارن بين الأسد والفار؟ الصين دى لسه قدامها كتير اوى عشان تحصل نص اللى وصلت له صناعة السيارات اليابانية وده ان وصلو وهيكون على حسابها كمان لان كل التصميمات تقليد مافهاش ابتكار شغل هندسة عكسية يعنى وياريتهم بيشتغلوه صح
معاك ياريت نوصل ل1/8 الصين بس لاتقارن بين الصين واليابان ممكن نقارن دلوقتى بين الكوري والصينى
فية مقولة بتعجبني بتقول :
ان الامريكاني يخترع الحاجة
الياباني يا خدها و يطورها
الصيني ياخدها عالكوبي ماشين و ينسخ منها للصبح و يغرق بيها الدنيا