الموضوع: في بيتنــــــــــــا ثعبــــــــــــــــــــــ ــــااااااااااااااااااااا ااااااااااان

المشاركة الأصلية كتبت بواسطة ralliart

عمي كان في الصاعقه وبعديها راح المخابرات الحربيه
مرره كنا في البلد ولقيته ماسك تعبان صغير ومصر يشويه وياكله :b4_237:
لميت عليه الحته كلها علشان يسيب التعبان المسكين في حاله

كويس و الله اللي بيشوية, انا والدي و عمي كانوا بيقولوا انهم مايتاكلوش الا لحم نيء (يشقة بالسونكي بالطول يسلخه و ياكلة اصلهم طيار حربي و ضابط صاعقة

المشاركة الأصلية كتبت بواسطة sha2e

الشيح يا حج احمد بتجيبه من عند العطار " ويفضل انه يكون جديد مش مخزون عنده " وبعد كده تحطه فى شاش او شراب حريمي فى هيئة كور فى حجم كورة التنس تقريبا وتفرقهم فى المناطق الل تشك انه بيتواجد فيه والاماكن الل ممكن يدخل البيت منها
ولو حضرتك عايز الريحه تزيد شويه ممكن ترش عليه شويه مياه " بس لو رشيت ميه بتخلى مفعوله ييبقى اسابيع بس مش شهور

او يترش عالارض في مداخل ممكن يدخل منها زي البلاكونة او تحت الشبابيك


فى حلين للموضوع ده
الاول : الشيح وياريت تغيريه كل شهرين
الثاني : القطط تشوفي قط شرس كده وهوا هيقوم بالواجب
والافضل انك تستخدمي الحلين مع بعض
احنا عندنا البيت لأنه مكنش حد سكنه من اول ما بنيناه ومكنش حد مهتم بيه البييت والجنينه اصبحو محميه طبيعيه لكل انواع الزواحف من تعابين وابراص وسحالي وحفارات لدرجة انى كنت ابقى قاعد الاقى السحالى بيتخانقو قدامى ولا كأني قاعد لحد ما ربيت قطتين فى البيت نضفولى البيت كله من التعابين والابراص والسحالي وآخيرا الحفارت

مش اي قطط مع عي تعابين, لازم قط كبير و شرس و لو التعابين صغيرة ماشي انما لو تعابين كبيرة ممكن هما اللي يقضوا عالقطط

الحفار يا باشا مش تعبان ده نوع من السحالي بس نفس شكل التعبان لكن لو دققت النظر فيه شويه هتلاقي ليه أدين ورجلين بس صغيرين وفيهم دمور وبيكون راسه وجسمه انشف كتير من جلد التعبان والسحليه
ومعتقدش ان الل شافوه ده ممكن يكون حفار لانه مش بيعش الا داخل الارض وميقدرش يطلع للدور الاول حتى لأن اقدامه دامره واضعف بكتير من انها تشيل جسمه
بخصوص الالوان احنا كان عندنا فى الجنينه كميه مش بطاله لونها بني فى رمادي دكان جدا جدا بطنهم من تحت الل بتكون بيج
بس الحمد لله القطط خلصتنا منهم

لا ياباشا فية نوع من التعابين اسمة "التعبان الحفار" دة تعبان رملي صغير و مابيأذيش خالص لا سام و لا يقدر يأذي بني ادم

كان كتير في الجيش نلاقية

هو اسمة الحفار لانة بيحفر في الرمل و بس

ليا تعليق بسيط
ياريت اللي خايف من الجن
يخاف اكتر من اللي خلق الجن