سلام الي اعضاء المنتدي
من كام يوم كان عندي مشوار من المنيا للقاهرة والعودة علي طول
والحمد لله علي السلامة لكن بعد مارجعت من المشور المتعب سمعت صوت ونة في العربية تختفي لما ادوس علي الدبرياج طبعا انا رجعت الفجر فنمت وقمت لقيت الصوت اختفي قولت تمام
راحت طالع بالعربية مشوار قريب وانا راجع لقيت الونة دي رجعت تلني سالت واحد صاحبي قالي دي ممكن تكون بلية دبرياج المهم طلعت علي الميكانيكي بتاعي بيقول قالي الصوت مش بيان وقلت لية الصوت بيقي بيان اوي وانا راجع من مشوار والعربية بتكون سخنة قالي طيب رواح مشوار كدة ورايني الصوت فعلا روحت مشوار لغاية ماالصوت بان وقالت لي اهو الصوت بيان ويختفي لما ادوس دبرياج قالي دي ممكن يكون الزيت الفيتس نعير الزيت لان الزيت بعد ما كشف علية طلع مفيش لازوجةخالص قال نغيرة وقالي علي العموم الصوت دي مش مشكلة ومش هيعمل حاجة
المهم غيرنا الزيت ومشيت وروحت مشوار النهاردة وانا راجع دلوقتي سمعت الصوت علي خفيف
الحاجة التانية ان صوت العربية في السحب عالي اوي وبحس ان السحب ضعيف وفبل كدة السحب والصوت كويس جدا
العربية مكواة 2003 1300سي سي عاملة 154450كيلو
ارجو النصيحة لاني قلقان علي العربية