عندى اوبل فيكتر 95 مانيوال 1600 وساكن فى حلوان
جربت 3 ميكانيكية بس عندى احساس انهم مش فاهمين
فياريت تدلونى على ميكانى شاطر ( عفريت من الاخر ) فى حلوان او صقر قريش او اى مكان بس يكون بيفهم
وجزاكم الله خيرا
عرض للطباعة
عندى اوبل فيكتر 95 مانيوال 1600 وساكن فى حلوان
جربت 3 ميكانيكية بس عندى احساس انهم مش فاهمين
فياريت تدلونى على ميكانى شاطر ( عفريت من الاخر ) فى حلوان او صقر قريش او اى مكان بس يكون بيفهم
وجزاكم الله خيرا
فى كذا واحد فى صقر قريش
و العربية مش محتاجه عبقرى يعنى
بسم الله الرحمن الرحيم
فى واحد كويس فى روض الفرج اسمه اشرف اوبل انا لسه عامل عنده صيانه 30000 كيلو متر لو عايز تروح له .وهو كويس على ما اعتقد والى هيفيدك كويس طنانى باشا.وده رقم تليفونى لو حبت تروح ليه هو0113663963
:w6266d
الف شكر يا طنانى بيه
هي عربيتك فيها ايه الاول؟؟؟
أنا بتعامل مع واحد اسمه حسام (بقالي 3 سنين معاه من ساعة لما جبت العربية) اللي هوا مركز اليسر موجود في صقر قريش و إنت جاي من مدينة نصر بعد لما تعدي من تحت الدائري هتلقي طريق خدمات على اليمين هتدخله وتدخل أول يمين هتلقي مركز اليسر على ايدك اليمين هوا ده مش اللي في الوش.
ما انا عايز اعرف ايه اللى فى العربية عشان لو نقدر ندله على حاجة يبقى احسن
المشكله ان لقيت العربية بع 4 الاف كيلو من تغيير الزيت مافيهاش ولا نقطة زيت خالص ولولا ستر ربنا كانت هاتولع
فلما روحت اغير زيت ( وللعلم انا بغير فى بنزينة الامارات طريق كارفور ) الاخ اللى هناك قالى دى عايزة تغير طقم شنابر لانها جايبة زيت من قدام لكن من تحت سليمه
رحت لميكانيكى قالى ده طبيعى ودى تعاريق زيت انت كل اللى محتاجه تغير نوع الزيت وهات موبيل
فعلا غيرت الزيت لموبيل بس بردع الزيت نقص
روحت لواحد تانى قالى ياباشا دى لازم عمره
وانا مش مقتنع لان مافيش اى دخان من الموتور
مع العلم ان فى مشكلتين تانيين :
1- سحب العربية مش عاجبنى الايام دى
2- لقيت انها بتستهلك فى ال 7.5 كيلو متر ( لتر بنزين مع انها 1600)
لدرجة ان فى واحد صاحبى بتاع اكسسوار عربيا قالى دى باين عليها ابتدت تهنج بعها واشترى غيرها
ومتشكرين قوى يا طنانى باشا على اهتمامك
وجزاكم الله خيرا
في واحد تاني كويس قوي برحله وكل مرة بيجيب الحوار من الآخر. اللي هو محمد Opel في صقر قريش. ده ياسيدي هتدخل نفس الداخلة من على الاوتوستراد تفضل ماشي لحد ماتلاقي الميدان. لف هتلاقيه بقى عالشمال. لو سألت أي حد هناك عن محمد Opel هيوشورلاك عليه.
وبالتوفيق ان شاء الله. ومتألقش كده .. أي حاجة وليها صيانة أكيد.
معلشى بالراحه عليا
البوجيهات طلعت عليها زيت
لو لأ
يبقى الشنابر زى الفل
و سيبك من الكلام ده
و يعنى ايه جايبه زيت من قدام
من جوان غطا التاكيهات و لا من عند جوان الكارتيره و لا منين
الزيت بينقص ممكن يكون تبخير عادى بس الموتور مش بياكل زيت
حط صباعك فى الشكمان و شوف ايدك هيجى عليها زيت و لا لأ يعنى الشكمان معرق زيت و لا هباب و بس
السحب و الأستهلاك
حاجة من اتنين
1. الرشاش تعيش انت و ده يتغير
2. حساس الكولنت هيس و ده هيبان لو فيه دخنه سودا
و فى الحالتين هتلاقى البوجيهات مهببه اسود فحم
الأحتمال التانى
السطوانه ودعت او بمعنى اصح طقم الدبرياج ده يكتف العربية و يخللى استهلاك البنزين اعلى
و ده ممكن تعرفه لو فيه رجة فى الطلعه
او الموتور صوته ببيعلى بس مش نفس العزم و القوه اللى كان عليها
انت معندكش ار بى ام فالموضوع احساس
الحاجة اللى ممكن تجرب بيها الأسطوانه و الدسك
عشق رابع
دوس فرامل و شيل رجلك من على الدبرياج العربية مبطلتش يبقى البقية فى حياتك و كده الدبرياج ميت اكلينكياًُ و مستنى رصاصة الرحمة