11111111111111
عرض للطباعة
أنا موجود أهوه ومرحتش في حته ولا ملقش كبير يعني
الكبير نزل يدور على شغل علشان ياكل مراته و عياله
كان زمان وخلص
الكبير مش موجود لأنه مبقاش قدوة.
الناس الصغيرة اللى لسه عندها شوية فطرة سليمة بيشوفوا الكبار بيعملوا تصرفات بتخالف فطرتهم دي و لا تدل على حكمة.
كام واحد كبير لسه بنشوف فيه الحكمة و الصبر و العقل الراجح و خبرة السنين و ابتسامة الرضا على وشه و اللى بتقول انه حفظ الدنيا و مبقتش تأثر فيه؟؟
بالتالى الصغير يلاقى ان الشخص الكبير ده مش مؤهل انه يكون قدوته لأن شخصيته فيها عيوب جوهرية رغم سنه الكبير. و بيجيله خيبة أمل و يا الا يدور على غيره أو يبدأ يشكل شخصيته من خلال أفكاره و تجاربه و يبنى نفسه من غير قدوة....ساعات بيمشى على الطريق الصح و ساعات بيخبط و بيبنى شخصية فيها معتقدات خاطئة
تعالي شوف عندنا الكبار دوول بيعملو ايه
ناس كبيره في السن والحكمه وكل يوم والتاني في ميعاد وقعده عرب ويروح يقعد الساعه ولا الأتنين ويحكم بحكم ممكن يكون عادل وممكن يكون مطبخ وياذي ناس مظلومه وفي الاخر لاذم ياخد 10 ولا 15 الف
ذمن الكباره ده المفروض ينتهي لاني بجد اعرف ناس كتيير اتظلمت من الموضوع ده بس طبعا ربنا مش بيسيب حق حد - الناس الظالمه بيبان عليها علي طول وبيوتها بتتخرب وبيروحو بعد كده يبوسو جزم اللي ظلموهم
أنا أول مرة أسمع على موضوع ال10 و 15 ألف فى قعدات العرب دي...
ليا ناس قرايبى....
قعدات الكبار هناك مفيهاش فلوس خالص...بيروحوا لواحد كبير يحكم بين المتخاصمين بدون مقابل طبعا!! فقط لأنهم واثقين ان حكمه منصف و الاتنين راضين باللى يقول عليه. ساعتها الكبير اللى بيحكم مبياخدش حاجة هو بيعمل كده لوجه الله و لأنه مؤمن أن ربنا من على ناس عشان تقضى حوائج ناس تانية.
فعلا دا اللى بيحصل للاسف
أنا برضو أول مرة أسمع على موضوع ال10 و 15 ألف فى قعدات العرب دي...
أنا اللى أعرفة إن الكبار فى قعدات العرب هما الى بيدفعوا مش يقبضوا ....
دا كدا ما بقاش كبير عرب دا بقى كبير منصر
و هو دا التطور الـ.................... للكبار
انا متهيالي مابقاش في كبير عشان مابقاش في صغير
كله دلوقتي كبير وكله شايف نفسه صح فا الكبير بقي يكبر دماغه لانه عارف ان مفييش حد هيحترمه ولا يسمعله كلمة فالناس مابقتش عايزة تهزا نفسها علي كبر !
دلوقتي تقريبا الكبير كبير فلوس او كبير منصب !