سؤال عن بساتم موتور بيتلز

**hamada2310** · 01-08-2010 12:42 PM

يا جماعة أنا داخل على عمرة موتور بيتلز و الميكانيكى اسمه عاطف عبده فرج قاللى هتكلفك 1800 جنيه بس مش هنغير طقم البساتم , فا انا عاوز اعرف هل العمرة كده هتبقى سليمة ولا نص نص لانه اكدلى هتبقى سليمة ولو عاوز طقم بساتم انا تحت امرك بس الموضوع هيدخله فى 3000 جنيه و انت و دماغك فا انا مش عارف انا خايف اعمل العمرة و تطلع مش أد كده بس فى نفس الوقت حوار 3000 جنيه ده كتير شوية عليا و هل لو طقم البساتم فيه حاجة عندى بيبان من صوت الموتور ولا هو عرف منين ان الموضوع مش محتاج بساتم من غير ما يفك الموتور , يا ريت تفيدونى افادكك الله

**kempel** · 01-08-2010 01:05 PM

روح لواحد غيره من الواضح إنه عايز يعمل شغل للأنه لازم يفك الماتور ولو الماتور عايز عمرة مأنصحش بيها غير الماتور كله أحسن لان مواتير الفولكس مابتصمدشى بعد العمرو وقليلين اللى بيعرفوا يضبطوها

**hamada2310** · 01-08-2010 01:10 PM

كلامك قلقنى جدا , يعنى ممكن بعد ما ادفع 1800 ارجع اغنى ظلموه , يا نهار اسووووووووووود

**djhaggar** · 02-08-2010 02:34 PM

لا طبعا الكلام دة مش مضبوط ان مواتير البيتلز مابتصمدش بعد العمرة لان لو العمرة اتعملت صح ولينت المكنة صح الموتور هايعيش معاك انما المواتير الاستيراد زي البطيخة ممكن تجيب موتور ويبقا عاوز عمرة انصحك بالعمرة وعنك كذا ميكانيكي كويس ممكن الحاج محمد علي شاطر جدا وعلي فكرة لازم الموتور يتفك علشان تعرف محتاج اية ممكن يكون مش محتاج تغير طقم البستم فعلا ودة هايوفر معاك

**ابوهاشم** · 04-08-2010 01:37 PM

عاطف عبده فرج اللى فى اثر النبى من افضل ميكانيكية البيتل
وانا اتعاملت معاه ايام البيتل راجل قمه فى الاحترام وبيجيب من الاخر
وكمان الخراط اللى بيتعامل معاه فاهم فى البيتل
توكل على الله وان شاء الله خير

**wawamoha** · 04-08-2010 04:56 PM

المشاركة الأصلية كتبت بواسطة kempel

روح لواحد غيره من الواضح إنه عايز يعمل شغل للأنه لازم يفك الماتور ولو الماتور عايز عمرة مأنصحش بيها غير الماتور كله أحسن لان مواتير الفولكس مابتصمدشى بعد العمرو وقليلين اللى بيعرفوا يضبطوها

السلام عليكم
معلش انا معترض معاك جدا
1- عبد عا طف سمعته كويسه جد و اسال ل الاستاذ هاشم - انا ماعرفوش بس من كلام الناس
2- عمره البيتلز ممكن تبق نمره واحد و ترجع الموتور لحالته
3- مواتير الاستيراد فعلا بختك يا ابو بخيت لانها ببساطه مستعكله برضه

رايي لصاحب المشكله انك تتوكل عل الله و تشتغل مع عاطف عبده بس الاستاذ هاشم المحترم يعمل خير كده كعادته و يوصي عليك الراجل

بالتوفيق

سلام

**hamada2310** · 05-08-2010 02:03 PM

انا متشكر جدا يا جماعة و ربنا يجعله فى ميزان حسناتكوا امين لانى كنت محتار جدا , وانا النهاردة باذن الله هتوكل على الله و هوديلو العربية وربنا يكرم ان شاء الله ,الف شكر لكل اخوانى فى المنتدى ربنا يكرمكم

**ahit** · 05-08-2010 07:48 PM

السلام عليكم ورحمة الله وبركاته

بداية لما الماتور يتفتح يبقى لازم طقم شمبر و بعد الفتح بيبان اللى الماتور عاوزه
يعنى ممكن يكون محتاج سبيكة أو بيلات أو بساتم أو صبابات جديدة أو ...........
علشان كده لازم تتعامل مع ميكانيكى فاهم و محترم و أمين

و أنا برشحلك عاطف عبد فرج اللى قالك عليه أبو هاشم لأنه فاهم و صريح و أمين و كمان بيتعامل مع خراط ممتاز
و ربنا يعينك و يسهلهالك
و لو محتاج أى مساعدة كلنا معاك إن شاء الله