لية وكيل دايهاتسو عمل كدة

**wawoo** · 01-03-2008 12:34 AM

دلوقتى التريوس الجديدة كانت بتنزل اتومتك 4x4 بدون كمليات بسعر ارخص 12 جنية من الموديل الكامل , و لكن مع 2008 بطل التوكيل ينزل الموديل دة , يترى حد يعرف لية عملو كدة , هو دلوقتى فى موديل متوفر بدون دفع رباعى بس ارخص شوية , لكن لية لغو الموديل الى كان بينزل السنة اللى فاتت , لان مش كل الناس عوزة كمليات , بس ممكن يهمهم ال 4x4, و هل ممكن الواحد يطلب الموديل دة ولا صعب .

**Noha.M** · 01-03-2008 01:04 AM

يا ريت حد يفيدنا يا جماعة في الموضوع دة ؟؟

انا عاوزة اسأل كمان على سعرها
هي بتبدأ من كام بظبط ؟

**fahd_628** · 01-03-2008 01:20 AM

تريوس1.5 2WD M/T 2008 111500

تريوس 1.5 2WD A/T 2008 117500

تريوس 1.5 4WD F/O A/T 2008 131500

منقول من كونتكت كارز

**SAbuhashem** · 01-03-2008 01:28 AM

ما هي كماليات الموديلات المانوال ٢٠٠٨ في التريوس ?

وهل في موديل مانوال كامل وفيه ABS و-EBD و Air Bags و-MP3 ؟

Thanks
Eng.Sherif Shaker

**معاذ الشرباصى** · 01-03-2008 01:33 AM

مفيش اى موديل مانيوال فى دايهاتسو فيه ABS,EBD or MP3

لكن standard فى 2 ايرباج للسائق و اللى جنبه

**SAbuhashem** · 01-03-2008 01:44 AM

في في الماتيريا يا معاذ موديل مانوال كامل

Thanks
Eng.Sherif Shaker

**معاذ الشرباصى** · 01-03-2008 02:07 AM

مفيش Abs فى الماتيريا المانيوال

انا كنت هشتريها, و بعدين اخترت الكاملة اتوماتيك علشان موضوح ال Abs

**wawoo** · 02-03-2008 04:13 AM

التوكيل بيقول ان المصنع وقف انتاج الموديل دة اللى هوة اوتومتك دفع رباعى بدون كمليات , طبعا انا اشك فى الكلام دة , لان الوكيل يقدر ينزل العربية باى موصفات هوة عوزها , اعتقد هوة شاف ان المكسب اكتر من موديل الاتومتك الحالى ادى كل الحكاية .

السؤال دلوقتى هل فى طلب فعلا على الموديل دة , لان لو فى طلب حيكون من مصلحة التوكيل ينزلة تانى , هما بيحولو دلوقتى يسوقو الموديل اللى بدفع ثنائى فقط , و اللى على ما سمعت مش ناجح قوى .

**El Prince** · 03-03-2008 04:25 PM

المشاركة الأصلية كتبت بواسطة wawoo

التوكيل بيقول ان المصنع وقف انتاج الموديل دة اللى هوة اوتومتك دفع رباعى بدون كمليات , طبعا انا اشك فى الكلام دة , لان الوكيل يقدر ينزل العربية باى موصفات هوة عوزها , اعتقد هوة شاف ان المكسب اكتر من موديل الاتومتك الحالى ادى كل الحكاية .

السؤال دلوقتى هل فى طلب فعلا على الموديل دة , لان لو فى طلب حيكون من مصلحة التوكيل ينزلة تانى , هما بيحولو دلوقتى يسوقو الموديل اللى بدفع ثنائى فقط , و اللى على ما سمعت مش ناجح قوى .

ليه مش ناجح ؟

و يا ترى هو فعلاً دفع ثنائى يعنى بالعجلتين الخلفيتين ؟ أم جر ثنائى امامى ؟

**wawoo** · 03-03-2008 08:39 PM

المشاركة الأصلية كتبت بواسطة El Prince

ليه مش ناجح ؟

و يا ترى هو فعلاً دفع ثنائى يعنى بالعجلتين الخلفيتين ؟ أم جر ثنائى امامى ؟

ايوة يا برينس دفع خلفى فقط , هى ميزة انة دفع خلفى , بس كدة العربية فقدت ميزة الدفع الرباعى اللى كان بيميزها فى السعر دة , و كدة سعر العربية مش مناسب لدفع ثنائى فقط , لان فى عربيا احسن كتير قريبة من السعر دة زى الميجان مثلا او المازدا 3 او كدة , و على فكرة فى موديل فى اليابان بينزل دفع ثنائى فقط و اقل فى الارتفاع و دة زية زى ياقى السيارات الهتشك باك .

ببساطة اللى عاوز دفع ثنائى حياخد الموديل المانيوال و اللى عاوز اتومتك دفع رباعى حياخد الموديل الكامل , الموديل الاتومتك التانى دة مظلوم فى النص , زى ما بيقول المثل رقص على السلم .

الموضوع: لية وكيل دايهاتسو عمل كدة

LinkBack

أدوات الموضوع

عرض

-

-

-

-

-

المواضيع المتشابهه

@@ ,, دايهاتسو gran max جديد دايهاتسو في مصر ,, @@

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي وكيل

صفعة من وكيل مابل الصينية و وكيل هيونداى الى و كيل رينو

وكيل "دايهاتسو" : حصلنا على توكيل "هينو"و نسعى وراء "تويوتا"!

المصرية العالمية للسيارات وكيل رينو هى الأن وكيل الفا روميو فى مصر

الكلمات الدلالية لهذا الموضوع

المفضلات

المفضلات

ضوابط المشاركة