بالشكل ده تبيعوا أسهل ولما ترجع بالسلامة تبقى تشتري واحد تانيمع احترامى للاخوة الاعضاء احب اشرح لحضراتكم الطريقة الصحيحة لتخزين اى اله متحركة نظرا لوجود بعض المعلومات الغير صحيحة الا وهى الحاجة الاولى....... ان ماينفعش خالص تحط بنزين فى البيك قبل ماتركنها وده لان كده كده البنزين مستواه هيقل داخل التنك خلال يومين او 3 ايام وعن تجربة شخصية .....الحاجة التانية ان الشحم لما يتحط على جسم الموتوسكل لمدة زى ديه الشحم هيمسك فى جسم الموتوسكل ومش هيطلع وهيسيب مكانه اثر .....
ازاى بقى نخزن البيك بطريقة صحيحة
اولا:........تخلع التنك من على الموتوسكل خالص وتفضيه تماما وتسيبه فى الشمس لمدة ساعه مثلا علشان ينشف تمام وبعدين تجيب جوان جلد وتحطه حول الغطاء وتقفل وتسد الفتحة بتاعت محبس البنزين ال فى التنك علشان متدخلش هوا فى التنك وطبعا الهوا فيه بخار مياه وبخار المياه هيتكثف جوه التنك ويعمل نقط صدا............
وتيجى تشغل المكنة علشان تسحب شوية البنزين ال فى الخراطيم ومايفضلش ولا نقطة داخل المكنة
ثانيا:تفضى الزيت تماما من الموتور وتحط فيه نفس المقدار بس زيت 10 ...يعنى زيت خفيف ليه بقى ؟؟؟ علشان الزيت الثقيل بيقع من على الشنابر اما الخفيف بيفضل على الشنابر وبيمسك فى كل اجزاء الموتور بس لما تحط الزيت الخفيف دور الموتوسكل 5 دقايق علشان الزيت يلف فى الموتور كله ولازم بل ضرورى جدا تسد فتحات الفايظ ال فى الموتور ......وبردو لازم تسد الشكمان وخد بالك فى خرم او خرمين صغيرين اوى فى جسم الشكمان من تحت لازم تسدهم علشان ماتديش فرصة ان بخار مياه يدخل جوه الموتور ويتكثف البخار ويسيب نقط مياه على اجزاءالموتور وتعمل نقط صدا اما بقى البطارية طبعا هتشيلها من الموتوسكل وكمان لو بطارية سائلة هتفضى المياه وتنشفها تماما وتحط على الصوابع بتاعتها شحم علشان ماتملحش .....ولو جافة هتشيلها وتركنها فى مكان يكون مكان مافيهوش رطوبة عالية يعنى ماتركنهاش على البلاط مثلا ..لازم تلفها فى حتة قماش وتركنها بعيد عن مكان الرطوبة ...............والبايك تحاول ترفعها عن الارض وضعها على لوح خشب ويكون افضل لو عرفت ترفعها عن الارض خالص لان لاقدر الله لو عجله نامت وفضلت المكنة واقفة عليها العجلة هتشقق.......... وبخصوص الجنزير هتفك الجنزير من البايك وتحطه فى علبة الزيت ال فضيته من الموتور بحيث ان الجنزير يكون مغطى تماما
ارجو اكون قد وفقت فى الشرح فإن اصبت فمن الله وان اخطئت فمن نفسي ومن الشيطان
ودايما لما اى حد يكون عايز يخزن حاجة يفضها من كل حاجة زيادة فيها بالعربى كده تخليها حته حديدة واقفة
وتيجى بقى بغطاء قطن كده يكون نضيف وتغطى المكنة تماما وتربط الرباط بتاع الغطاء ...والى هنا ارجو ان اكون افدت الجميع وان شاء الله ان عرفت اى حاجة جديدة هتكون شباب نايل اول ناس يعرفوها
يا عم خالد مش قوي كده الراجل كده هايكرة البايك بتاعه
المفضلات