كان الاستاذ محمد الشامى اقترح موضوع مقابلة افطار فى رمضان فى العين السخنة، انا حبيت اعمله موضوع لوحدة عشان كلى الاعضاء يشوفوه ويحددو اليوم المناسب .
عرض للطباعة
مبدائياً بقول أما الخميس 9 رمضان أو الجمعة 10 رمضان في أنتظار بقى الأراء
يا باشا أولا كل سنة و إنت و الأسرة الكريمة و أعضاء منتدانا الكريم بألف خير وسلام.
ثانيا إن شاء الله أنا موافق على أي يوم تختاروه ... و إن شاء الله أنا و إنت و محمد باشا الشامي نكمل يومين هناك علشان عمرة رمضان ... أفتكر محمد باشا نبيل أساسي معانا في الأعمال الصالحة دي :)) ... مش بعيد نروح نلاقيه بلبس الإحرام هناك مستنينا :))))))
كل سنه وانت والاسره جميعا وعضوها الجديد بالف صحة وسلامة واعاد الله علينا جميعا الشعر الكريم باتم صحو واسعد حال
طبعا انا اساسى فى موضوع العمرة ولبس الاحرام جاهز برده
انا بالنسبالى اى يوم مفيش اى مشكلة ، طالما فى العمال الصالحة اللى زى دى .
انا حاولت اعمل زى استفتاء بالايام عشان يبين افضل الايام اللى هتناسب الاعضاء بس معرفتش ، لو حد يعرف بعملها يبقى جزاه الله خير
شوف يا باشا لازم إنت إللي تعمل الإستفتاء ده علشان حضرتك إللي فاتح الموضوع
هتلاقي فوق على الشمال drop-down menu إسمها "أدوات الموضوع" ... لو حضرتك دوست عليها هاتلاقي آخر إختيار إسمه "إضافة إستطلاع لهذا الموضوع" ... دوس عليه
الخطوات:
- هتلاقي شاشة جديدة فيها إختيارات منها"سؤال الإستطلاع" ... إكتب السؤال.
- "عدد خيارات التصويت" و أقصى عدد هو 10 ... مبدأيا إحنا محتاجين 7 أيام بس ... هتكتب 7 في خانة "عدد خيارات التصويت" و دوس على الزرار إللي جنبيها إسمه "تحديث الخيارات"
- هتلاقي عدد خانات الخيارات بقى 7 في خانة "خيارات إستطلاع" ... إكتب الأيام المقترحة في كل خانة.
- ممكن تقفل الإستطلاع بعد فترة معينة ... ممكن قبل يوم 15 أغسطس الموافق 5 رمضان.
- إختار كمان "تفعيل تعدد الاختيارات: السماح للأعضاء باختيار أكثر من إجابة واحدة" علشان إللي موافق على كل الأيام.
- شوف باقي الإختيارات
- أخيرا دوس على "معاينة الإستطلاع" وراجعه وبعدين دوس على "إرسال الإستطلاع الجديد"
يا جماعة الخير كل سنة و حضراتكم بالخير :120105~352:
مبدئيا انا متفق مع محمد بك نبيل في الخميس او الجمعة
لو تحبوا اني ابتدي اتكلم مع صديق اللي بيشتغل مع عامر بيه علشان يظبط الجو ..معنديش مانع...على فكرة الراجل صاحبي - غير انه هونداوي أصيل- ده برضه من الناس الملتزمة زينا كده و عنده اللبس بتاعة سايبة في مارينا و السخنة و جميع افرع عامر بيه :36_1_1[1]:
أنا كلمت صديقي و هم عندهم الإختيارات الآتية:
1- مطعم أستوديو مصر (بوفيه مفتوح شرقي) في حدود 150 جنيه وكسور للفرد
2- مطعم كارينوز (إيطالي) إختيار من قائمة الطعام
3- مطعم تشيلليز إختيار من قائمة الطعام
4- مطعم حلقة السمك (سي فوووود) :36_3_18[1]: إختيار من قائمة الطعام
شوفوا إيه اللي يريح حضراتكم و انا إن شاء الله أحجز الأماكن يوم الخميس 9 رمضان
هو انا ممكن اجي معاكم !!!
طيب متشكر جدا على قبولكم >>>>> رخامة !!
المهم ان شاء الله حددوا الميعاد عشان بس عندي حاجات كتيييييييير في رمضان ده غير الشغل المؤقت اللي انا فيه !
وياريت يارب كده ربنا يسهل وكله يمشي تمااااام ونتقابل عشان بجد نفسي اتعرف على الهونداوية اللي عمري ماشفتهم
Horsepower ..... haythamkamal
اما بالنسبة للاستاذ الكبير mshamy والاخ m_nabil فكان ليا شرف معرفتهم ومقابلتهم
كفاية أرجوك ..... أنا جوعت.
مش هانختلف يا باشا إن شاء ... نبدأ بحلقة السمك (round 1) بواحد شوربة سي فوود مخلية وراها لطع فيها واحدة بوري مشوي مقفول مع واحدة قاروص صواني بالباطاطس وشوية مقبلات (جمبري على سبيط على كابوريا ... إلخ) ... وبعدين تشيليز (round 2) واحد سولانو ستيك well-done مع ماش بوتيتو .... و المطعمين الباقيين للي هايبقى لسة قادر يقف على رجليه بعد round 1 و 2 :)))
ده إحنا يزيدنا شرف يا باشا ... والحاجات إللي وراك دي لو ممكن أساعدك فيها بس إنت تأمر.
أهم حاجة مش عايزين حد يفتح في الأكل قدامنا ويبوزلنا الريجيم ... خفيف حفيف كدة زي ما قلت :))
مش عايزين حد من الهونداويه القدام معاكو ولا ايه؟
حددوا المعاد وانا هاشوف ظروف شغلى وربنا يسهل
أكيد أنت بتهزر!!! صح؟ دى دورة رمضانية وفيها بطولة وعدد جولتها مش بتقل عن 5 rounds مش في عصير وحلويات كنافة وقطايف وبسبوسة .. ألخ لأ أنا كدة أزعل مستوى لياقة الهونداوية مش عجبنى لازم يكون في وحوش وننهيها بالضربة القاضية :))
لا القدام راحت عليهم خلاص
تنور طبعاً يا باشا ونتشرف بمعرفتك
معاكم إن شاء الله :)
إيه رأيكم نتقابل بعد البوابات (الكارتة) ونمشى سوا وأهو يبقا تجمع طول الطريق وماحدش يرجع فى كلامه ويعمل يوتيرن :)
جميل جدا كده بقينا سبعة إن شاء الله
ممكن من فضل حضراتكم نختار المطعم :star1:
بدى صوتى لحلقة السمك أو تشيليز
عايزين نعرف إن شاء الرحمن هانتحرك مع بعض واللا نتقابل هناك على ترابيزة الإفطار على طول؟ :))
وفين باقيت الرجالة إللي جايين إن شاء الله ما قالوش رأيهم في المطاعم المقترحة (تشيليز - ستودي مصر - المطعم الإيطالي) مين فيهم الثاني ومين الثالث ومين الرابع ... ماعليش المركز الأول محجوز لحلقة السمك :))
انا رأى نتقابل ونتحرك مع بعض ان شاء الله من عند كارفور او امارات مصر
حلقة السمك ... ماشى بس حد يسوق واحنا راجعين لانى لما باكل السمك بنام وانتو المسئولين
2- تشيلز
3- استوديو مصر
4- سيبك من الايطالى ده فى رمضان ، هنبقى صايمين والاكل الايطالى لا يثمن ولا يغنى من جوع.
موافق معكم على الترتيب
1- حلقة السمك
2- تشيليز
3- استوديو مصر
ونتقابل ونتحرك مع بعض
التحرك الساعة كام يا جماعة إن شاء الله
إحتمال أكون في القاهرة باظبط ستكير لحماية الإكصدام و الكبود
غير كده يبقى ان شاء الله اتحرك من بورسعيد واقابلكوا في السخنة
مبادره جميله بجد من ناس كلهم زى العسل
طيب يا جماعه الى زى حالاتى معندوش هوندا لو جيت هتطردونى ولا ايه :36_9_4:
دا من ذوقك والله يا استاذ محمد وحتى لو بعت الهوندا فمازلت المستشار لينا كلنا فى اى حاجه عنها واكون سعيد جدا ان شاء الله لما نتقابل فى اقرب فرصه
الله يكرمك يا استاذ هيثم انا الى يشرفنى اتعرف بناس محترمه زى حضراتكم وربنا يديم المحبه بينا
السلام عليكم و رحمة الله و بركاته
الزملاء الأعزاء
تم بحمد الله منذ دقائق تأكيد حجز الإفطار الرمضاني المزمع إقامته يوم الخميس التاسع من رمضان 1431 هجرية
الموافق التاسع عشر من أغسطس 2010 ميلادية
وذلك في مطعم حلقة السمك بمنتجع بورتو السخنة لعدد 8 ناس مبدئيا
الحضور بالملابس الرسمية و العاقبة عند حضراتكم بالمسرات و يجعله "عامر" :colsmil: