عايز المساعدة ضرورى وفى اسرع وقت ممكن

**Car's Sniper** · 01-08-2010 05:45 PM

لسة حالا واصل البيت وكنت قابلت ناس بيعملوا مطب اسمنت غبى زى اللى كانوا عاملينه فى اخر الشارع
يعنى دلوقتى عملوا مطب تانى فى اول الشارع ...كلمتهم بالذوق مرضيوش يقللوا ارتفاع المطب او يزودوا عرضه لاقيت الراجل بيقولى هو كدة
رحت مصورهم فيديو وبالصدفة كان واحد بيظبط المطب عشان عيل داس عليه بوظه رحت مصوره وهو بيعدله ..يعنى متلبس
وعايز دلوقتى اعرف اروح ابلغ فى انهى مكان محترم عشان ييجوا يزيلوا المطب ده وهو لسه طرى ومنشفش
مع العلم ان واحد قالى القانون مالهوش حكم على الشارع ده لانه شارع جانبى ومش مخصص للسيارات ...طبعا انا مقتنعتش بالكلام ده لان الشارع ياخد عربيتين وموصل بين طريقين رئيسيين و لو مش مخصص للسيارات ماكانوش رصفوه زى معظم بلبيس...هل فعلا فى حاجة اسمها قانون المرور ميمشيش على شارع
عايز الرد ضرورى وبسرعة جدا ياجماعة ...انا معايا الفيديو وكل حاجة متسجلة

**hazoom2006** · 01-08-2010 06:34 PM

اطلع على مجلس المدينه وقولهم

انا فى الزقازيق و الموتوسيكلات الصينى صواريخ فى الشارع ليل ونهار والناس بتعمل مطبات و الحكومة بتشيلها بعديها بشهر او شهرين لما حد يبلغ

**Car's Sniper** · 01-08-2010 06:38 PM

شكرا لرد حضرتك وفعلا مجلس المدينة ده مجاش على بالى خالص....بس مش المفروض ابلغ فى المرور؟؟
و هو مجلس المدينة فيه شيفت مسائى ولا لأ؟؟

**د.محمود صلاح** · 02-08-2010 08:44 AM

الشوارع الجانبية بالفعل مسؤولية المجلس .

**Samir Elshahawy** · 02-08-2010 10:21 AM

حضرتك ممكن تحرر شكوي علي موقع وزارة الداخلية التالي :
ظˆط²ط§ط±ط© ط§ظ„ط¯ط§ط®ظ„ظٹط© - ط´ظƒط§ظˆظ‰ ظˆط¨ظ„ط§ط؛ط§طھ ط§ظ„ظ…ظˆط§ط·ظ†ظٹظ†

و ياريت لو ترفق الصور او الفيديو مع الشكوي و ترسلها الي كل من :
- الادارة العامة للمرور
- مديرية امن القاهرة

أو لو عندك وقت ممكن تعمل محضر مباشرة في أقرب قسم أو نقطة شرطة

أنا لسه عامل الحكاية دي من كام يوم و الدنيا أتقلبت هنا في الشارع

مع خالص تحياتي
م/ سمير الشهاوي

**yaserbasha2000** · 02-08-2010 04:10 PM

المشاركة الأصلية كتبت بواسطة se_coralsea

حضرتك ممكن تحرر شكوي علي موقع وزارة الداخلية التالي :
ظˆط²ط§ط±ط© ط§ظ„ط¯ط§ط®ظ„ظٹط© - ط´ظƒط§ظˆظ‰ ظˆط¨ظ„ط§ط؛ط§طھ ط§ظ„ظ…ظˆط§ط·ظ†ظٹظ†

و ياريت لو ترفق الصور او الفيديو مع الشكوي و ترسلها الي كل من :
- الادارة العامة للمرور
- مديرية امن القاهرة

أو لو عندك وقت ممكن تعمل محضر مباشرة في أقرب قسم أو نقطة شرطة

أنا لسه عامل الحكاية دي من كام يوم و الدنيا أتقلبت هنا في الشارع

مع خالص تحياتي
م/ سمير الشهاوي

يا ريت تحكي لينا تجربتك

**ahmed4000** · 02-08-2010 04:35 PM

ايوه كده عايزين ايجابية
ياريت فعلا تقولنا التجربة لانى فى شوارعنا كل واحد بيعمل مطب قدام بيته حتى لو فى نص الشارع

**Car's Sniper** · 02-08-2010 06:20 PM

شكرا لحضراتكم على الردود
والحقيقة يابشمهندس سمير انا قدمت شكوى بالفعل فى الموقع ده امبارح وادونى رقم الشكوى وكل مادخل على قسم الردود على شكاوى المواطنين وادخل البيانات واضغط بحث..الاقى البيانات راحت ومش راضى يدخل
والله ياجماعة انا بحاول اكون ايجابى على قد ماقدر بس اللى ييجى بلبيس هايلعن اليوم اللى شافها فيه لأن كلها سلبيات حتى معظم الناس هتلاقيهم سواقين موتسكلات واشكالهم بلطجية وعشان كدة مابنزلش من بيتنا على رجلى..كل مشيى بيكون بالعربية عشان محتكش بحد لان دول مش لونى وادينى وضحتلكوا رد الراجل الكبير عليا لما كنت باكلمه بادب وبالمنطق..كان رده فى النهاية:هى كدة(قصده يقول بلطجة يعنى)...ولما لاقيت حكاية المطبات دى اتنرفزت جدا لأنى حسيت انهم بيقيدوا حركتى بالعربية

**Car's Sniper** · 02-08-2010 06:43 PM

هاقولكوا على الحكاية ومحدش يقول الشخص ده مخه فيه حاجة
هاحكيلكوا القصة من البداية خالص
امبارح كان اول يوم ليا فى كورس فى صيدلية العزبى فرع العاشر وبعد يوم صعب جدا من عدم الراحة...رجعت بلبيس انا واختى و فى طريق العودة قابلت الناس دول ولما بقول لواحد قاعد مين اللى عمل المطب ده..قاللى انا ياباشا ولما قلتلوا على حكاية العربية قاللى خلاص ياباشا من عنيا هانوطيه شوية...طبعا انا كنت عارف ان ده كلام ..بس مش هاقف اتحانق واختى معايا ..
روحنا البيت..600 متر مشى نظرا لعدم وجود تاكسيات وماينفعش اركب موتسيكل بسبب اختى ...وانا عمال اقول فى نفسى انا ازاى سيبت الناس دى وكنت عارف انى ماكنتش هاعرف انام لو ماعملتش حاجة...هاحس انى اتنازلت عن حقى...رحت مغير هدومى تانىو راجعلهم ال600 متر فى عز الحر امبارح وكنت مجهز الموبايل على الفيديو..طبعا لما الواد لاقانى رجعتله حس انى واخد الموضوع جد وقاللى الحقيقة مش انا اللى عامله وقالى على اسم واحد رحتله لاقيته بيقولى دول ولاد البطريق هما اللى عاملينه...ساعتها حسيت انهم بيشقطونى لبعض ...بدأ صوتى يعلى ..لاقيت واحد جالى من قهوة وقالى انا اللى عامله وخد باله انى باصور فيديو ورحت مصوره وهو ماسك الحاجة اللى بيقلب بيها الاسمنت ...طبعا لما لاقانى صورته وهو ماسكها باع القضية وقال اعمل اللى انت عايزه بس انا مش هاشيله عشان لسه موتسكل خابط عيل هنا
قلتله انا مش باقولك شيله انا باقول قلل ارتفاعه او عرضه ..سكت وقال دا اللى عندى..قلتله خلاص كل واحد يعمل باللى عنده
ورحت ماشى ووانا خارج من الشارع لاقيت واحد واقف على الناصية وحسيت من كلامه انه كبيرهم رحت رايحله مكلمه بأدب لغاية ماكسبته بالمنطق لاقيته قلب فى الكلام وقاللى هو كدة
قلتله: بس لحد كده..لان عيب لما تسمع لفظ وسخ من واحد فى دور ولادك ورحت سايبه وماشى
بس الحمد لله لغاية دلوقتى انا راضى عن نفسى
وان شاء الله اول ماخلص من الكورس دا هاروح على مجلس المدينة على طول لأنى باروح الكورس الساعة8 وبارجع4 فبيكون الموظفين مشيوا
وشكرا مرة تانية لتفاعلكوا

-

الموضوع: عايز المساعدة ضرورى وفى اسرع وقت ممكن

LinkBack

أدوات الموضوع

عرض

عايز المساعدة ضرورى وفى اسرع وقت ممكن - انشر الموضوع فى :

-

-

-

-

-

-

-

المواضيع المتشابهه

ارجو المساعدة ضرورى عايز اسقط مايفك 1600

عايز اغير لون الطابلوه بنفسى ؟؟؟؟؟؟ ارجو المساعدة ضرورى

ممكن المساعدة من جميع الاعضاء ضرورى

برجاء المساعدة :عايز مكان بيكشف الاعطال بالكمبيوتر ضرورى

استاذ محمد ممكن ترد عليا في اسرع وقت ممكن

الكلمات الدلالية لهذا الموضوع

المفضلات

المفضلات

ضوابط المشاركة