الموضوع: تجربة أخرى مع تكنو وان - تقرير صيانة ال-٢٠,٠٠٠

ألف مبرووووك الصيانة يا محمد....تقرير هايل ومفيد جداً على فكرة

فريون التكييف في العربيات فعلاً بيبقى في حدود 600 جرام مش 60 :))))))
وعادي جداً ان الضغوط تتغير والدايرة تحتاج زيادة شحنة ....ما تخافش مش تسريب
بس الغريب انك حاطط عازل 3M ومش حاسس ببرودة برضه !!!!!

ونقاط الضعف عند تكنو وان للاسف لسة زي ما هي
أصل هما حبايبي من أيام الجيزة .....الفورد يعني :))

عموماً ألف مبروك الصيانة وعقبال صيانة ال 200 ألف

المشاركة الأصلية كتبت بواسطة night_phoenix

الف مبروك يافندم علي الصيانه و عقبال ال 100000
انا كنت عملت تقرير قبل كده بنفس الفكرة و شايف من كلام حضرتك ان لسه نفس السلبيات موجوده برغم ان المركز بدا يتقل و ياخد وضع اقوي بسبب المنتدي
انا اعتقد ان نجمع كل السلبيات الي في كل التقارير و الايجابيات و نرسل وفد منناا 2-3 افراد يناقشوا مدير المركز
عشان نوصل بيه لحاجه تليق بالعميل لان ده لازم يحصل عشان احنا مفيش بديل معروف قوي نقدر نثق فيه
عشان كده لازم المركز يهتم بالنقاط البسيطه دي
و بالنسبه لنقط الفحص لو المركز مش متوافر عنده احنا اكيد نقدر نوصلها و نطبع نسخه نعرفه بيها عشان يكون عنده نظام يمشي عليه مش يتتظر العميل يعرف او يفتكر
ده هيزود ثقتنا فيه اوي
ولازم يعمل check list عشان العميل يعرف اتعمله ايه ومتعملوش ايه و يتكتب فتح العمل في ورقه واضحهع و يتشيك عليها
حاجات بسيطه اوي للكن مهمه جدا وبتدي امان
system ده اهممممممممممممممممممممممم ممممم حاجه
الف مبروك يا باشا

كلام سليم يا دكتور أسامة
ايه المشكلة لما يعمل تشيك ليست زي بتاعت التوكيل ويعلم على كل حاجة تخلص ويمضي في الاخر
وييجي حد أكبر منه يشيك عشوائي على بعض النقط ويطرقعلهم لو في حاجة مش معمولة

المشكلة ان الواحد ممكن يفقد الثقة بسبب موقف بسيط جداً

المشاركة الأصلية كتبت بواسطة Mshawky

انا داخل على صيانه 10 الاف ومقلق اروح هناك ولسه كنت بفكر ادفع 4 الاف جنيه للوكيل وامرى لله حار ونار ولا اروح وانا وحظى مع تكنو وان بالاخص انى بتخنق اوى لو لقيت حاجه فى العربيه مش عجبانى وممكن افضل متنكد على طول منها

كتير أوي يا شوقي
دة انت تعمل بيهم ييجي 12 صيانة يا عم
يعني يكفوك لغاية ال120 ألف

وهما مش ضايعين يعني .......ركز معاهم بس

المشاركة الأصلية كتبت بواسطة amooor22

يشكر حضرتك جدا على التقرير الجميل ده وعقبال يارب صيانه ال100 الف ان شاء الله
بس ليا شويه تعليقات
اولا توضيح البوجيهات بتاعته السيراتو سن 14 هيا تمنها كده فعلا مش المركز غالي
ثانيا المصنعيه المركز بيحاسب حضرتك زي التوكيل بالظبط مع الفرق خصم 20 في الميه لاعضاء نايل موتورز
ثالثا المصنعيه شامله الصيانه فقط وكل ملحوظه حضرتك عملتها زياده المفروض حضرتك بتتحاسب عليها زي شحن التكييف وتشحيم الزجاج (معالجه الصوت ) وحضرتك دفعت 180 مصنعيه ودي تمن الصيانه فقط يعني الملحوظات دي فري بدون مصنعيه
ثالثا فلتر الهواء اتنظف دي ا ب صيانه (انا بشتغل هناك وفاكر حضرتك وكمان صاحبك صاحب الجتا وانا الي غسلت الموتور بالفوم اه بالمناسبه مين محمود ده ومين الي المهندس زكريا زعقله ؟؟؟؟؟؟؟؟؟؟ )
رابعا الله يسامحه الي اشتغل في عربيتك ودي سبب موضوع فلتر الهواء نسي ينضف التراب مكان الفلتر بعد ما يتشال الفلتر كان في تراب في عمه الهواء بس للامانه العلميه وانا مهندس ميكانبكا هوا المفروض يتنظف لكن هاو نسي لكن هوا مش هسبب اي مشكله ده بيكون حبات رمل كبيره عمرها ما توصل للفلتر ولا تأثر عليه في حاجه
خامسا في نظام في المركز بس في استعجال من العميل ليه؟؟؟؟؟؟؟؟؟؟؟؟؟؟؟احنا اول شئ بيتم هوا الصيانه وبعدين بنشوف الملحوظات الي مكتوبه في امر الشغل ليه ؟؟؟؟؟؟؟؟ اغلب الملحوظات دي بتكون كهرباء وسمكرة ولو حاجه في الميكانيكا بنبلغ الفني بيها وبعدين بنشوف الملحوظات دي ونعالجها
سادسا لو حضرتك عايز تقف جمب عربيتك مسموح بس مش من اول الصيانه يعني تعالى لما بتكون على وشك الانتهاء حرام تقف مذننب جمب عربيتك ساعه ونص
سابعا عندك مليون حق بالنسبه لموضوع النظافه


ثالثا

المشاركة الأصلية كتبت بواسطة amooor22

اه فلتر البنزين بيتغير على 40 الف مش 20 الف
استهلاك البنزين العالي دي شكوى من اغلب ملاك السيراتو والله انا احترت معاها ايه سببها ؟؟؟؟؟؟؟؟؟؟؟؟؟؟
بس لا يمك البوجيهات الجديده تكون السبب لانها نفس النوع بس تجربه جرب ترجع القديمه لو معاك ( انا كنت حطتهم ليك في العربيه مع فلتر الهواء) ولو رجع الاستهلاك تاني كويس خليك ماشي بيهم هما لسه فيهم حياه
قاعده عامه لكل ملاك السيارات مفيش فلتر بيموت كفاءه الاداء بتاعه الفلتر بتتأثر وبتقل بنسبه معينه حسب حالته وكمان مفيش حاجه اسمها عند 20 الف بغير فلترهواء وده للهواء فقط فلترالهواء بيتغير حسب حالته يعني لو العربيه مشيت 10 الاف والفلتر طلع منها حالته سيئه بيتغير ولو مشيت 100 الف والفلتر طلع كويس مش بيتغير

ألف شكر يا م/ عمرو على التوضيحات
وأهلاً بيك معانا ......منورنا طبعاً

بس انتوا عايزين تظبطوا الدنيا عندكوا شوية

يعني يبقى فيه متابعة من رئيس الفنيين على الفنيين اللي اشتغلوا في العربية
وبعد كدة يشيك المهندس مثلاً ورا رئيس الفنيين ......أو حاجة شبه كدا

لأن الشكوي المتكررة دائماً وأبداً ......انك لازم تركز وتفضل تقول اعمل كذا ...بص على كذا


بس هو اجمالاً مركز محترم
والمهندس أحمد الشحات والمهندس تامر والمهندس زكريا شخصيات في قمة الاحترام والتعاون

المشاركة الأصلية كتبت بواسطة M7amD_7amDy

ألف مبروووك على الصيانة وتقرير مميز :))

متشكر يا باشا على مرورك والله يبارك فيك :)

المشاركة الأصلية كتبت بواسطة night_phoenix

الف مبروك يافندم علي الصيانه و عقبال ال 100000
انا كنت عملت تقرير قبل كده بنفس الفكرة و شايف من كلام حضرتك ان لسه نفس السلبيات موجوده برغم ان المركز بدا يتقل و ياخد وضع اقوي بسبب المنتدي
انا اعتقد ان نجمع كل السلبيات الي في كل التقارير و الايجابيات و نرسل وفد منناا 2-3 افراد يناقشوا مدير المركز
عشان نوصل بيه لحاجه تليق بالعميل لان ده لازم يحصل عشان احنا مفيش بديل معروف قوي نقدر نثق فيه
عشان كده لازم المركز يهتم بالنقاط البسيطه دي
و بالنسبه لنقط الفحص لو المركز مش متوافر عنده احنا اكيد نقدر نوصلها و نطبع نسخه نعرفه بيها عشان يكون عنده نظام يمشي عليه مش يتتظر العميل يعرف او يفتكر
ده هيزود ثقتنا فيه اوي
ولازم يعمل check list عشان العميل يعرف اتعمله ايه ومتعملوش ايه و يتكتب فتح العمل في ورقه واضحهع و يتشيك عليها
حاجات بسيطه اوي للكن مهمه جدا وبتدي امان
system ده اهممممممممممممممممممممممم ممممم حاجه
الف مبروك يا باشا

الله يبارك في حضرتك متشكر على ردك :)
وأنا أوافق حضرتك تماماً في موضوع ال-check-list د و شايف انها هتحسن الموضوع أكتر بكتير فعلاً

المشاركة الأصلية كتبت بواسطة mshawky

انا داخل على صيانه 10 الاف ومقلق اروح هناك ولسه كنت بفكر ادفع 4 الاف جنيه للوكيل وامرى لله حار ونار ولا اروح وانا وحظى مع تكنو وان بالاخص انى بتخنق اوى لو لقيت حاجه فى العربيه مش عجبانى وممكن افضل متنكد على طول منها

شوقي باشا :)

إتكل على الله و روح تكنو وان .. متقلقش، هما كويسين و إن شاء الله مفيش حاجة حتديئك .. أما بالنسبة للتوكيل، أنا شايف إن ميستهلش انك تدفع ال-٤٠٠٠ دول غير لو الموضوع مستهل.. يعني أنا لو لا قدر الله عملت حادثة كبيرة أو حاجة، بصراحة ممكن أدفعهم وافضل أصلح فال توكيل.. انما الصيانة والكلام د مش مشكلة يعني :)

المشاركة الأصلية كتبت بواسطة amr a.salam

ألف مبرووووك الصيانة يا محمد....تقرير هايل ومفيد جداً على فكرة

فريون التكييف في العربيات فعلاً بيبقى في حدود 600 جرام مش 60 :))))))
وعادي جداً ان الضغوط تتغير والدايرة تحتاج زيادة شحنة ....ما تخافش مش تسريب
بس الغريب انك حاطط عازل 3m ومش حاسس ببرودة برضه !!!!!

ونقاط الضعف عند تكنو وان للاسف لسة زي ما هي
أصل هما حبايبي من أيام الجيزة .....الفورد يعني :))

عموماً ألف مبروك الصيانة وعقبال صيانة ال 200 ألف :m_yes[1]:

الله يبارك فيك يا عمرو ربنا يخليك :)

والله أنا شايف إن نقاط الضعف دي كلها حاجات بسيطة بس غلسة.. بس شايف انها ممكن تتحل بسهولة أوي إن شاء الله، لو المركز اداها إهتمام بس

المشاركة الأصلية كتبت بواسطة amooor22

يشكر حضرتك جدا على التقرير الجميل ده وعقبال يارب صيانه ال100 الف ان شاء الله
بس ليا شويه تعليقات
اولا توضيح البوجيهات بتاعته السيراتو سن 14 هيا تمنها كده فعلا مش المركز غالي
ثانيا المصنعيه المركز بيحاسب حضرتك زي التوكيل بالظبط مع الفرق خصم 20 في الميه لاعضاء نايل موتورز
ثالثا المصنعيه شامله الصيانه فقط وكل ملحوظه حضرتك عملتها زياده المفروض حضرتك بتتحاسب عليها زي شحن التكييف وتشحيم الزجاج (معالجه الصوت ) وحضرتك دفعت 180 مصنعيه ودي تمن الصيانه فقط يعني الملحوظات دي فري بدون مصنعيه
ثالثا فلتر الهواء اتنظف دي ا ب صيانه (انا بشتغل هناك وفاكر حضرتك وكمان صاحبك صاحب الجتا وانا الي غسلت الموتور بالفوم اه بالمناسبه مين محمود ده ومين الي المهندس زكريا زعقله ؟؟؟؟؟؟؟؟؟؟ )
رابعا الله يسامحه الي اشتغل في عربيتك ودي سبب موضوع فلتر الهواء نسي ينضف التراب مكان الفلتر بعد ما يتشال الفلتر كان في تراب في عمه الهواء بس للامانه العلميه وانا مهندس ميكانبكا هوا المفروض يتنظف لكن هاو نسي لكن هوا مش هسبب اي مشكله ده بيكون حبات رمل كبيره عمرها ما توصل للفلتر ولا تأثر عليه في حاجه
خامسا في نظام في المركز بس في استعجال من العميل ليه؟؟؟؟؟؟؟؟؟؟؟؟؟؟؟احنا اول شئ بيتم هوا الصيانه وبعدين بنشوف الملحوظات الي مكتوبه في امر الشغل ليه ؟؟؟؟؟؟؟؟ اغلب الملحوظات دي بتكون كهرباء وسمكرة ولو حاجه في الميكانيكا بنبلغ الفني بيها وبعدين بنشوف الملحوظات دي ونعالجها
سادسا لو حضرتك عايز تقف جمب عربيتك مسموح بس مش من اول الصيانه يعني تعالى لما بتكون على وشك الانتهاء حرام تقف مذننب جمب عربيتك ساعه ونص
سابعا عندك مليون حق بالنسبه لموضوع النظافه


ثالثا

المشاركة الأصلية كتبت بواسطة amooor22

اه فلتر البنزين بيتغير على 40 الف مش 20 الف
استهلاك البنزين العالي دي شكوى من اغلب ملاك السيراتو والله انا احترت معاها ايه سببها ؟؟؟؟؟؟؟؟؟؟؟؟؟؟
بس لا يمك البوجيهات الجديده تكون السبب لانها نفس النوع بس تجربه جرب ترجع القديمه لو معاك ( انا كنت حطتهم ليك في العربيه مع فلتر الهواء) ولو رجع الاستهلاك تاني كويس خليك ماشي بيهم هما لسه فيهم حياه
قاعده عامه لكل ملاك السيارات مفيش فلتر بيموت كفاءه الاداء بتاعه الفلتر بتتأثر وبتقل بنسبه معينه حسب حالته وكمان مفيش حاجه اسمها عند 20 الف بغير فلترهواء وده للهواء فقط فلترالهواء بيتغير حسب حالته يعني لو العربيه مشيت 10 الاف والفلتر طلع منها حالته سيئه بيتغير ولو مشيت 100 الف والفلتر طلع كويس مش بيتغير

المشاركة الأصلية كتبت بواسطة amooor22

كنت هنسى نقطه كهمه جدا سربنتينه التكييف في مقدمه السياره امام الردياتير وقميص المراوح
لاترش عليها ميه ولا حاجه والتكييف مظبوط وانت الي يهمك اداءه وبجد انا مش فاهم الارقام الي المكتوبه فوق يعني ايه 30 و 60 جرام ؟؟؟؟؟؟؟؟؟؟؟؟؟؟ًًًًًًًًًًً ًًًًًًً

أهلاً بيك باشمهندس عمرو :) نورت الموضوع و نورت نايل موتورز
أولاً و قبل أي حاجة طبعاً اعذرني اني غفلت عن ذكر اسمك في تقريري بس أنا للأسف عملتو بعدها بفترة ذي مانتا شايف والعتب عل ذاكرة بقى :)

بالنسبة للبوجهات فأنا سألت على تمنها و هي فعلاً كدة، هو سؤال العضو بس إلي لخبطني شوية :)

أما بالنسبة لمحمود، فدا مهندس الإستقبال إلي كتب الجوب و خد مني مفتاح العربية.. مين بقى إلي باشمهندس زكريا زعألو مش عارف بصراحة لأن أنا مكنتش مركز و مشفتش بنفسي لكن صاحبي هو إلي قالي :)

أما بالنسبة لالمصنعيات.. حضرتك بتقول إن احنا بنتحاسب ذي التوكيل بالظبط (مع فرق الخصم و مع العلم إن التوكيل فيه خصم برضو لنايل موتورز).. هل إنت شايف إن احنا فعلاً المفروض نتحاسب ذي التوكيل :) ؟ بمعنى، هل المركز بنفس كفائة التوكيل و خدماتو على نفس مستوى خدمات التوكيل ؟ أنا مش بقلل من مكانة المركز إطلاقاً طبعاً، وأنا الحمدلله مبسوط بتجربتي معاه .. بس لابد من ذكر إن في فرق برضو، ولو حتى فرق بسيط جداً

بالنسبة لتغيير فلتر البنزين، أنا كل إلي أعرفو إن جدول الصيانة بتاع توكيل كيا بيتضمن تغيير فلتر البنزين في صيانة ال-20,٠٠٠ لكن أنا مش عارف بصراحة الطبيعي بتعو كل أد اه

و أخيراً متشكر على معلومة السربنتينة، هو بالفعل الفني محسن كان عايز يرش عليها مية بس أنا بصراحه رفضت لأني بقلق من أي مية تقرب ناحية الموتور

و متشكر جداً على مرورك يا باشمهندس عمرو، و نورت قسم كيا :)

أنا نسيت أقول حاجة بالنسبة لإستهلاك البنزين.. أنا مكنتش بشتكي منو قبل الصيانة إطلاقاً، بالعكس كان كويس جداً.. انما الزيادة فيه لاحظتها بعد الصيانة .. فعشان كدة الشك فالبوجهات يمكن عشان جديدة..

بس اديني مستني شوية أشوف و ربنا يسهل إن شاء الله