التعدديل والمرور ..........

**myself112** · 01-08-2010 08:31 PM

مش عارف ليه السؤال ده جاى فى دماغى .....

المهم انا كنت عايز اعرف هل فى تعديلات ممكن المرور ما يبقبلش بيها او لو جيت تجدد ترخيص العربية ما يرداش يجددلك , يعنى مثلا لو حد عمل تعديل على عربيته ’ غير به شكل العربية تماما , يعنى ما تقدرش تقول ان العربية دى نوعها كذا .......
هل ده فيه مشكلة ولا كله بيعدى ....

**ahmedzizo131** · 01-08-2010 10:02 PM

بسم الله الرحمن الرحيم
طبعا فى تعديلات مش مقبولة ذى تغيير شكل العربية ( اللى بيها متعرفش العربية دى ماركتها اية )
و فى اللوان كمان مش مقبولة ( ذى العربية اللى بتدى على لونين )
لكن مع الوسطة كله بيعدي

**M_Nabil** · 02-08-2010 12:27 AM

لو مغير شكل العربية من الخارج بصورة كبيرة وتنفيخات واكصدامات الخ الخ ممنوع ومش هتعرف تفحص وتجدد غير لما ترجعها زى الأول

**misoalex** · 02-08-2010 05:47 PM

اى تعديل حتى لو استيكر عند المرور ممنوع
والى يقول غير كده مراحش يفحص عربيه قبل كده وشاف بعينه

اى حاجه غير الفابريكه ممنوعه ممنوعه

**fawzyyyy** · 02-08-2010 06:06 PM

علي فكرة انا كنت مركب كساحات و عتب في عربيتي البولو القديمة و محدش فتح بقه اما جيت افحص
بس طبعا اي حد يشوفها يعرف ان هي بولو (قصدي يعني اني مغيرتش في شكلها جامد)

طبعا الاستيكرات و الفاميه ممنوع و بيشلوه اما تيجي تفحص

(الكلام ده في مرور السلام .........يعني اوسخ مرور في مصر كلها)

**myself112** · 02-08-2010 07:41 PM

يعنى الكلام كله على الحاجات الى ممكن تغير شكل العربية تماما , والاستيكر والفاميه و الحاجات دى ...
لكن الباقى ممكن يعدى عادى ........
لو حد عامل تعديل فى عربيته يا ريت يقولنا , حد كلمه قبل كده و هو بيفحص , او اى موقف حصل معاه ...

**MohaMed_Refaat** · 02-08-2010 11:37 PM

المشاركة الأصلية كتبت بواسطة misoalex

اى تعديل حتى لو استيكر عند المرور ممنوع
والى يقول غير كده مراحش يفحص عربيه قبل كده وشاف بعينه

اى حاجه غير الفابريكه ممنوعه ممنوعه

طبعا اسال مجرب
عملت اية يا ميزو جبت الرخصة ولا اية رجعتها 28 تانى ؟؟!!

**misoalex** · 03-08-2010 03:37 AM

المشاركة الأصلية كتبت بواسطة MohaMed_Refaat

طبعا اسال مجرب
عملت اية يا ميزو جبت الرخصة ولا اية رجعتها 28 تانى ؟؟!!

هههههههههههه جبتها من بق الاسد من غير مرجعها 128 ههههههههه

كله ماشى بالكوسه بس المشكله ان الظابط الى جبهالى قاللى مش حجبهالك تانى وامشى عدل يحتار عدوك فيك

والله حاجه بجد تخنق يعنى الى انا عامله مزعلهم في ايه المقدم الى سحب الرخص بيقوللى انت كماااااااااااااان مركب نور ازرق فى الفوانيس (على الرينجات) قمه فى الرزاله كمان عاوزنى اشيل الرينجات

المشكله الكبييييييره ان العربيه لازم تجدد الشهر ده وغصب عنى حشيل كل حاجه فيها وترجع 128 هههههههه

**misoalex** · 03-08-2010 03:44 AM

المشاركة الأصلية كتبت بواسطة myself112

يعنى الكلام كله على الحاجات الى ممكن تغير شكل العربية تماما , والاستيكر والفاميه و الحاجات دى ...
لكن الباقى ممكن يعدى عادى ........
لو حد عامل تعديل فى عربيته يا ريت يقولنا , حد كلمه قبل كده و هو بيفحص , او اى موقف حصل معاه ...

المشكله مش فى الفحص لو على الفحص بسيطه ده كل 3 سنين

اعفن ظابط فى الشارع لو عاوز يرزل عليك حيرزل عليك وياخد منك الرخص او على الاقل عشان ياخد منك 50 جنيه ويسيبك

ده غير اللجان وبلاويها
طب انا كنت ماشى فى امان الله والسكه زحمه جدا الساعه 2 باليل فى القلعه ووسط الزحمه الاقى واحد طلع ادام العربيه ويقوللى الرخص وطلع انهم عاملين لجنه بس فى الخباثه وسط الزحمه
وطبعا سحب الرخص والباقى فى الرد الى انا كاتبه فوق الرخصه مرجعتش غير بواسطه كبيره عشان العربيه كانت لازم تدخل فحص عشان كاتب فى الوصل تغير فى جوهر السياره ده على اساس انى مركب النص الى ادام بتاع بى ام

**magyver** · 03-08-2010 03:47 AM

اية اللي حصل بس ياميسو
دة شكلة رخم قوي
اي حااجة عند بتوع المروررمخالفة
بس ساعات بتكون حظوظ
يعني انا مرة دخلت افحص بديل شكمان اللي طالع لفوق دة زي بتاع الديفيل والظابط عداها عادي

الموضوع: التعدديل والمرور ..........

LinkBack

أدوات الموضوع

عرض

-

-

-

-

-

-

-

-

المواضيع المتشابهه

السبويلر والمرور

أجازة 23 يوليو والمرور

الاكصدام والمرور

انا والمرور وهواك

لوجان والمرور

الكلمات الدلالية لهذا الموضوع

المفضلات

المفضلات

ضوابط المشاركة