وشربت_هي_حجرين ع الشيشــــــــة

**Dr Ahmed** · 09-08-2010 04:20 PM

أنا بقرأ الموضوع ومستنى حد يقول إن دى حرية شخصية وانتوا مالكم وابقوا روحوا صلحوا الكون وبعدين اعترضو على الناس لكن الحمد لله ملقيتش الردود دى

من الواضح جدا إن فيه قصور بشع فى القانون
قصور يمنعه من فرض أبسط إنضباط فى الأماكن العامة

**Ahmed Samy** · 09-08-2010 04:21 PM

المشاركة الأصلية كتبت بواسطة donzi

لا مش معقول ، بتتكلم جد ؟؟

طب دي مشهورة و الناس عرفينها اهلها مش خايفين على سمعتها ؟؟

ربنا يهدي

سمعتها ؟؟ ليه ان شاء الله

هي البنت كانت كفرت ولا كفرت ؟؟؟

انا بنتي متربية و ماحدش ليه عندنا حاجة

مش عارفة الناس هاتبطل الجهل ده امتى ..هي الشيشة فيها ايه يعني

روحو شوفو العيال اللي بتضرب حقن و كولة

(ده مقطع من رد مامتها لو سمعت كلام حضرتك)

**Terrible_DaRsH** · 09-08-2010 04:23 PM

المشاركة الأصلية كتبت بواسطة أحمد كمال

العيب مش عليها .... العيب عالتيييييييت اللي ما رباهاش

سيبك من التربية , دى بقت دليل على الرفاهية يعنى الطفل او الطفلة اللى اهله بيشربوه شيشة و خمور ده دليل انه طفل مُرفه و ابن ناس و لابد من احترامه و احترام اسرته الكريمة .

لكن الغريب الناس دى مبتفكرش ان دى طفلة عندها 11 سنة يعنى ممكن تموت من التدخين , طفلة معندهاش مناعة كافية انها تدخن من سن 11 سنة و اكيد بتدخن من قبل كدا .

**PRO-DRIVE** · 09-08-2010 04:39 PM

المشاركة الأصلية كتبت بواسطة Dr Ahmed

أنا بقرأ الموضوع ومستنى حد يقول إن دى حرية شخصية وانتوا مالكم وابقوا روحوا صلحوا الكون وبعدين اعترضو على الناس لكن الحمد لله ملقيتش الردود دى

من الواضح جدا إن فيه قصور بشع فى القانون
قصور يمنعه من فرض أبسط إنضباط فى الأماكن العامة

في فرق بين الحريه الكامله للشخص للفرد العاقل و الأطفال !! , و دا اللي المفروض يحصل و يتعمله تشريع مش قوانين الاطفال الهبله اللي بتتعمل :S , في اغلب دول العالم التدخين للأقل من 18 سنه تعد جريمه ! و لو انت أب و عارف و راضي ممكن تتحاكم !

مع اني مش بحب اجيب دليل من ويكيبديا , بس فعلا مصر الدوله القليله اللي مفيش اي قانون لتحديد الموضوع دا !!

In other countries, such as Egypt, it is legal to use and purchase tobacco products regardless of age.

Cigarette - Wikipedia, the free encyclopedia

**elassar2010** · 09-08-2010 05:19 PM

المشاركة الأصلية كتبت بواسطة Terrible_DaRsH

امبارح كانت الطفلة منة عرفة ( اللى كانت فى فيلم مطب صناعى ) بتشرب شيشة فى قهوة فى وسط البلد و الناس كانت مبسوطة بيها جدا .

يانهار ............

**elassar2010** · 09-08-2010 05:21 PM

المشاركة الأصلية كتبت بواسطة donzi

لا مش معقول ، بتتكلم جد ؟؟

طب دي مشهورة و الناس عرفينها اهلها مش خايفين على سمعتها ؟؟

ربنا يهدي

الى بيدخلوا الوسط الفنى ماعندهمش حاجة اسمها سمعة اساسا
وبعدين اهلها مبسوطين بالعروض الى بتيجى للبت من اعلانات وافلام وكدة يعنى دى بالنسبة ليهم مشروع ناجح

**نور القمر** · 09-08-2010 07:39 PM

5 سنين وبترد الردود دي ؟
يعني هي المفروض اكبر من يوسف ب 6 شهور
هل ادراك طفل في السن ده مهما كان الوسط اللي متربي فيه او بمعنى اصح اللي مش مربيه يوصل للدرجة دي !!!
انا مش مستغربة ان طفلة تشرب شيشة .. او ان في تجارة بالاطفال .. بس اعتقد هي اكبر من 5 او 6 سنين بس جسمها مقروض
اما الانسة منة فعادي يعني طفلة طلعت في الوسط ده ابسط حاجة تعملها انها تشرب شيشة
انتم ناسيين شكلها ولبسها ومكياجها في البرنامج اللي كانت بتقدمه (منة والناس اللي منا)
يارب احفظنا واحفظ ولادنا وبناتنا مش شر شياطين الانس والجن ومن شر نفوسنا الامارة بالسوء