الموضوع: ملاحظات عن اداء اللوجان خلال اول اربع ايام وفي اول 350 كم

المشاركة الأصلية كتبت بواسطة joso

الحمد لله رب العالمين انا استلمت السياره يوم الخميس الماضي 29 / 7 / 2010 لونها نبيتي والعربيه غايه في الجمال ما شاء الله ربنا يبارك فيها ويكفينا شرها


ولكن ليا بعض الملاحظات منها اللي انا عارفه منكم هنا بس هقولها للعلم وفي ملاحظات محتاج تفيدوني فيها

اولا ملاحظات متداوله :-

1- لمبة الصالون بتنور وتطفي بمزاجها ( قالي في التوكيل هنربط مسمار الباب )
2- سخونه عند اقدام السائق بس بعد مدة سواقه ومش ملموسه قوي يمكن لو مش قايلين عليها ما كنتش اخدت بالي



ثانيا :- ملاحظات اريد عنها ردود وان شاء الله تطمنوني

1- لاحظت ان وانا واقف وبيتكرر بس مرات متقطعه ان عداد الار بي ام بيرفع لغاية2000 ويرد تاني او بيرفع ويرد عموما هل ده طبيعي

2- العربيه مش بتدور الا بعد تالت محاوله دايما تالت محاوله بس بتلقط على طول في التالته يمكن علشان التالته تابته مش عارف ؟

3- بحس ان العربيه بتتخنق بعد 80 كم واوقات بحس انها مش بتسحب كويس مع النقلات .

4- استهلاك البنزين عالي صفيحه في ال 135 كم هل ده طبيعي .



نصائح ارجوها منكم لاني محتار فيها



1- هل اقوم بالتامين على السياره ؟

طيب لو اه ايه رايكم في شركة وثاق علما باني رحت لهم النهارده وحسيت انهم ناس مش في دماغها الشغل ومش بيردو على التليفونات

انا عايز بديل شرعي وبفكر ما اعملش تامين واسلم امري لله ايه رايكم وياريت لو حد يعرف منتج في وثاق بس منتج مصحصح وبتاع شغل وثقه يحطلي تليفونه او يبعته لي على الموبايل 0104884180

2-ازود العجل نيتروجين فين


3-عايز اشتري غطا تنصحوني بايه ومنين وبكام بس ياريت يكون نوع متجرب واجيب المشمع والا العاده


4- عايز افرش الارضيه والشنطه جلد وافرش الصالون بتاع العربيه ياريت النصيحه اعماه فين
وعايز اجيب عراقات وباسكت

وهل اجيب انذار والا مش مهم


5- لو فيه اي اكسسوار تنصحوني بيه ياريت تفيدوني افادكم الله .


6- ادعولي انا رايج ان شاء الله بكره ارخص العربيه

مرور الانتقام قصدي السلام

أعراض الخنقة دي عندي

بس كل مستخدمي اللوجان قالوا كل ده بينتهي بعد التليين وكمان الاستهلاك بيقل

انا الحمد لله عديت ال 1000 وبدأت أقرص وافتح الموتور


انا شابف ان التامين وجع دماغ ومش هعمله ان شاء الله

النيتروجين من عند أي محل Bridgestone fit &fix

في في غباس العقاد وعمارات العبور في صلاح سالم

الغطا الووتر بروف وهات الكبير او لو عايز علي القد هات ميديم في التوفيقي من 120 ل 150 جنيه

كله الحاجات دي من سبير كار وفاصل للأخر

الانذار هاته بس بعد اول صيانة علشان تتأكد ان كله تمام في الكهربة وميقولكش انك بوظت حاجة

أنصحك بالستاير الكبس

DViPER شكرا يا باشا وربنا يكرمك بس هل الاستهلاك ده طبيعي والا اعمل ايه

المشاركة الأصلية كتبت بواسطة best2010

لا مش طبيعى المفروض ااقل من كده .. صفر العداد واحسبها تانى
الار بى ام بيرفع علشان اكيد مشغل التكييف .. روح التوكيل هيظبطوا لك الفريون والمشكلة دية هاتنتهى
وبالمرة قولهم ان العربية مش بتدور من اول مرة ولازم يشوفوها وجربها قبل ما تمشى .. حضرتك مشترى عربية زيرو
سحب العربية بيتحسن مع المشى وفى الكتالوج كاتبين بعد 3000 كم الموتور بيوصل لحالته ..
اتمنالك التوفيق ومبروك العربية

بص هو لو فعلا أنت ظابت العدادات ومصفرها يبقي عالي شوية أنصحك تفول العربية 92 وتصفر العدادات كلها وشوف لحد ما نؤشر البنزين وصل للنص أنت عملت كام كيلو ؟؟؟ التانك 50 لتر وموضوع الدوران ده برضه لازم تراجعه معاهم