صور عربيتى الجديده

**eng_audi2002** · 02-08-2010 12:55 AM

السلام عليكم

انا الحمد لله اشتريت النهارده لانسر 2007 اوتوماتيك فول اوبشن خليجى 1300 سى سى تكييف تلاجة غير تماما اللى الناس قلته عنه والعربية رشة حزام نظافة وفبريكة من جوة ومن السقف وفيها ايرباج
الراجل كان مصمم على 68 الف بس بعد صراع عنيف استمر لمده حوالى اكتر من 3 ساعات نزلنا بيها ل 63750 وهو بيحلف ميت يمين انه جالة فيها من حوالى كام شهر 75 الف بس هو مكنش فى نيتة البيع ولما جتله ظروف سفر واضطر للبيع واقل سعرة وصله كان من تاجر وكان عاوزها منه ب 63500 وطبعا كان هيكسب فيها ..
لكن الحمد لله بقت من نصيبى ويارب يكون فيها الخير
والراجل قالى على كل حاجة فيها حتة حتة ومخباش عليا حاجة وقبل منسوق قالى هتلاقى دواسة البنزين تقيلة لانها عاوزة يتعملها تيش وقالى هيعملهولى بكرة قبل مستلم العربية والدريكسيون فيه نتشة فى الشمال بس خفيفة برده هو اللى قالى عليها وانا مكنتش هحس بيها غير علشان هو قالى . وقالى ان عاوزة يتغيرلها بلف فى الباور لكن انا سالت واحد بيفهم فى العربيات كويس قالى انى كسبت العربية بالسعر ده وانى لو فكرت ابيعها هكسب فيها
فقلولى رايكم بقى وباركولى وشوفوا الصور المتواضعة دى اللى من تصويرى انا
ومعلش هتلاقوها تعبانة شوية لان كنا بالليل ومصور من موبايل

العربية من جوة كانت عاوزة تتنظف بس معلش

يله بقى قلولى ايه رايكم وقلولى تسوى كام بس اللى مبيعرفش يقول اسعار ميقولشى خاااااااااااااااااالص
والسلام عليكم

**MoHaMed HaMeD** · 02-08-2010 01:02 AM

الف مبروك يمان وربنا يباركلك فيها

**engahmedsamy** · 02-08-2010 01:09 AM

ربنا يباركلك فيها

**MaZaGAngeE** · 02-08-2010 01:15 AM

الف مبروك
و انت راجل محظوظ انك اشتريت من واحد أمين و محترم و قالك على العيوب اللي في العربية
راجل زي ده قليل دلوقتي و ربنا يوفقه
السعر ده حلو جدا

**shooter123** · 02-08-2010 01:19 AM

انت فعلا محظوظ بجد السعر ده تحفة انا جايب 2003 مكواة في مارس اللي فات ب 62 الف مبروك عليك يا مان ربنا يباركلك فيها ويكفيك شرها

**BrainStorm** · 02-08-2010 01:34 AM

مبروك عليك وربنا يحفظهالك

**Mshawky** · 02-08-2010 01:36 AM

ربنبا يباركلك فيها ويوفقك لكل خير

**mr_vampire** · 02-08-2010 02:36 AM

الف مبروك وربنا يباركلك فيها ويكفيك شرها . وعلي حسب علمي لو فكرت في بيع متقلقش عن 67 او 66 علي حسب علمي وعموما متسمعش ولا تسال عن اسعار مادام لسة جايب عشان تركب ولا انتا شاري بغرض التجارة يامعلم ؟؟؟؟؟؟؟؟؟؟؟؟