عرض للطباعة
بما ان المنتدى الاجتماعي بقاله كام يوم كدة مليان مواضيع و مشاركات عن مدى انحدار الاخلاق في المجتمع المصري
فا انا قلت نعمل موضوع نتكلم فيه كلنا عن المواقف الايجابية و الاخلاقية اللي حصلت قدامنا او سمعنا عنها او عملناها بنفسنا بدل النظارة السودا اللي بقينا شايفين بيها المجتمع المصري
لان اكيد اكيييييييييييد زي ما في نماذج سلوكية سيئة برضو في نماذج سلوكية محترمة اكتر بكتييير
مش كدة ولا ايه ؟؟
donzi .. donzi
مواقف إجابية ...
إستني كده يمكن أفتكر......
أه
واحد داخل عليا من نص ساعة
بيقولي
""انبي ياكابتن ..نص شيط طمول""
شوفتي الدنيا لسه بخير إزاي!!!
و انا في سان استيفانو اسكندرية
و اقف انا ومراتي ساعة في الفود كورت مش لاقيين مكان بالبنت
كبل لطيف يمكن متجوزين جداد طلبوا مننا ننضم اليهم و ادونا كرسيين و قعدنا معاهم
بس على فكرة دي أحسن حاجة حصلتلي في البلد السواد دي من اربع سنين مثلا
هههههههههههههههههه
طبعا اكيد الدنيا لسه فيها الخير
والاخلاق والمبادئ عمرها ماهتتغير باذن الله
وكما قال الرسول(ص)
الخير فى امتى الى يوم الدين
الواحد لما بيشوف ابتسامه جميلة على وش طفل صغير بيفرح
لما بيشوف بنت محجبة حجاب شرعى وماشية رجليها بتخبط فى بعضيهامن الخجل والاحترام بيفرح
لما بلاقى ظابط او عسكرى (نادرا) محترم بيفرح
لما بشوف عيلة مع بعضيها قاعدة فى مكان عام باحترامها وبادبها بفرح
لما بشوف الناس رايحة بتصلى الفرض بفرضه وفيهم شباب زيى بفرح
حجااات كتير اوى بتفرحنى وبتبسطنى اوى
لما بحس ان الدنيا لسة بخير
والذوق والاحترام للنفس والغير واطاعه اومر ربنا رسوله ببقى فرحان اوى وبدعى للناس وللمسلمين جميعا بالهدايه
اللهم اهدنا لما تحب وترضى وخذ بناصيتنا الى البر والتقوى ولا تاخذها الى الاثم والعدوان
اقتباس:
المشاركة الأصلية كتبت بواسطة a7med_pharma
طب والله ضحكتني موت يا دكتور
بس بجد بقى اكيد اكي في مواقف ايجابية كتير يعني عاوز تفهمني انك عمرك ما عملت موقف جدعنة مع حد ؟؟؟ مصدقش
.
نايل موتورز اكبر دليل :)
أنا لما حكيت عن مواقفي مع الناساقتباس:
المشاركة الأصلية كتبت بواسطة donzi
ناس هنا في المنتدى ...إتهمتني إني[overline] مدعي الفضيلة[/overline]
بإختصار
أنا سهران طول الليل في الصيدلية في مكان صعب تلاقي فيه حد من الأطباء بالليل
يعني وجودي بالليل
بيخليني أخدم كتير
أكتر من مرة أقفل صيدليتي وأطلع أعلق محاليل للناس في بيوتها
أو أدي حقن للناس
لوجه الله ..بدون مقابل مادي والله
حتى مرة فيهم..كان ممكن أموت بسببها
أنا بحب أخدم على أد ماقدر...لكن للأسف يادونزي
المقابل بيكون سوء النية
وبيكون ظلم عليا
والحمد لله
في الفترة الاخيرة بعد الحادثة بتاعتي فضلت امشي بعكاز لفترة بخرج و بمشي عادي بس بالعكاز
مش قادرة اقولوكو مدى الاحترام اللي في الشارع بجد لما كنت باجي اعدي كانت كل العربيات بجد كلها - ملاكي ميكروباص اتوبيس و حتى الكارو - كانو بيقفو من نفسهم لحد ما اعدي و يا سلام بقى و انا بعدي شارع فيه عسكري مرور او امين شرطة كانو بيقفلو الاشارة او بيوقفولي الشارع في الاتجاهين لحد ما اعدي وانا ابقى مستمتعة اوييييييييييييييييييي
اي نعم بعد ما سبت العكاز رجع الوضع لما كان عليه - تقليب نور و اللي ايدو على الكلاكس مايشلهاش و اللي يسمعني كلمتين عشان بعدي براحة اوي ي ي - بس برضو احترام المريض و مراعاته في الشارع حاجة كويسة
.
اقتباس:
المشاركة الأصلية كتبت بواسطة a7med_pharma
ولا يهمك من الناس سيئي النية انت بتعمل الخير ابتغاء وجه الله تعالى و ربنا اللي هايجزيك و يثيبك عن الخير دة مش الناس
.
لو بنتكلم عن مواقف
فساعات مثلا بركب تاكسي , و يبقى المشوار مثلا بتلاتة و اديله خمسة و اقوله عايز اتنين جنيه
بيقولي معيش فكة انت لسه اول زبون
فبقوله خلاص خد الخمسة , فميرضاش ياخدها الا لو انا مسامح فيها
فعلا ببقا فرحان جدا لما الاقي سواق تاكسي قديم شقيان و بيبتسملي و مش راضي ياخد الفلوس الا لو انا مسامح فيهم , بديله الفلوس و انا مبسوط
اية دا بجد لسة فيه كدا !!؟؟... والله اتبسطت اوياقتباس:
المشاركة الأصلية كتبت بواسطة Ahmed Samy
طب خد الموقف الذيذ ده
الساعة 2 بالليل (لسة من يومين) جرس الإنتركوم بيضرب... انا قولت مين التيييت اللي جاي دلوقتي؟
رديت لقيت واحد بيقولي المفتاح حضرتك ناسيه في بوابة البيت من برة !! نزلت اخد المفتاح لاقيت ولدين بالكتير في ثانوي واقفين على مانزلت اخد المفتاح و شكرتهم و انا مش مصدق نفسي
:whtauwant:
سيبك من الكبل والموقف ده كلهاقتباس:
المشاركة الأصلية كتبت بواسطة Ahmed Samy
انت كنت فى ستيفانو انت والمدام والبنت وما قولتلناش :khd:
ياريتهم ما قعدوك
اقتباس:
المشاركة الأصلية كتبت بواسطة baskota
ده من السنة اللي فاتت حضرتك
مش يقوللك من أحسن حاجة من أربع سنين
خلاص براءة المرة دىاقتباس:
المشاركة الأصلية كتبت بواسطة ahmed samy
يخلى سبيله بضمان محل اقامته
هههههههههههه
هاتهم وتعالى فى رمضان بقا
الجو بيبقا هادى ورائع
عايز اقولك اني قريت الجملة دي كذا مرة ومفهمتش حاجةاقتباس:
المشاركة الأصلية كتبت بواسطة a7med_pharma
وبعدين قمت اتغديت ولما جيت قريتها تاني فهمت قصدك هههه
الف سلامة ،، شكلك دغدغتي العربيةاقتباس:
المشاركة الأصلية كتبت بواسطة donzi
المواقف الحلوة كتير طبعا بس مش حاضر في بالي كتير منها دلوقتي
يمكن اخر حاجة فاكرها من يومين ماشي في شارع رئيسي 3 حارات والعربيات ماشية بسرعة معقولة و واحد ربنا يكرمة كان واقف راح طالع مرة واحدة وقفل عليا مع ان قدامة فاضي ، فرملت بس مش جامد قوي يعني وبعدين وانا بفادية سمعت صرخة كاوتش من الفرامل ورايا وحاجة خبطت فيا ببص في المراية لاقيت واحد بموتسيكل وقع واتسوح علي الأرض ، خدت يمين وعلي ما وقفت ونزلت اشوفة كنت بعدت شوية ولاقيت كذا حد وقفو جنبة علي طول ونزلو متحركوش لحد ما قام ركب الموتسيكل ومشي ، ومن ستر ربنا ان مكانش وراة عربية كانت هتدوس علية
مع اني مبيصعبش عليا بتوع الموتسيكلات بسبب تنطيتهم والإكصدام الخلفي عندي متشلفط بسببهم بس دة صعب عليا وكنت خايف علية جدا يكون وراة عربية وخبطتة بسبب واحد متخلف طلع بطئ قدام العربيات اللي ماشية
وموقف اسكندرية بتاع دكتور احمد فكرني بموقف السنة اللي فاتت عند القلعة وحكيتة قبل كدة ، كنت رايح انا و واحد صاحبي نقعد شوية القلعة الساعة 10 بالليل وعندنا معاد بعدها ، ملاقيتش ركنة واستهبلت وقفت صف تاني وسيبت اليد مش مرفوعة
لما رجعت لاقيت العربية متكلبشة و روحت للظابط في الونش وانا مبتسم بقولة العربية اتكلبشت بصلي بغيظ كدة وسكت شوية وقالي انا كنت ناوي اعذبك ههههههههه وبعت معايا العسكري فكها من غير أي حاجة ، شكرتة ومشيت
اقتباس:
المشاركة الأصلية كتبت بواسطة pro_samir
يااااااه هو في ظباط محترمين و لوذاذ كدة ... امال انا مابشفهمش ليه دول ؟
.
اقتباس:
عايز اقولك اني قريت الجملة دي كذا مرة ومفهمتش حاجة
وبعدين قمت اتغديت ولما جيت قريتها تاني فهمت قصدك هههه
سيبك من نقطة إن الأكل بيفتح الدماغ
حد بيتغدى الساعة 2:40 صباحا؟؟؟
مهران واخد وقف على فكرة
من غير ماأجي جمبه والله
اكتر حاجة ,, بجد افتكر فى الفترة الاخيرة دة لما كنت فى مطروح كنت فى شارع اسكندرية وفى اشارات هناك كتير لقيت اسرة عايزة تعدى الشارع ومعاهم طفل فى العربية بتاعتة قام العسكرى شافهم راح جارى على الاشارة وراح موقف الطريق مع ان الاشارة مفتوحة ووقف الطريق كلة عشان يعدوااا
اة كنت شوفت الموضوع بس مخدتش بالي انة انتياقتباس:
المشاركة الأصلية كتبت بواسطة donzi
المحترمين كتير بس الزبالة أكتر فا بقو عاملين زي الإبرة في كوم الزبالة
افتكرت موقف تاني حصل مع اخويا مع انة استهبال بس الظابط طلع جدع برضو ، مكانش لسة كمل 18 سنة وكان مسافر كفر الشيخ بالعربية علشان عندة امتحان والمواصلات عذاااب واتمسك في لجنة في مدخل البلد يعني بالنسبالهم زبون لقطة ،، الظابط دفعة تبرع مش فاكر ب40 جنية ولا اية و ادالة ايصال بيهم وسابة مشي عادي ، المصيبة ان الواد كان بيفاصل معاة كمان وبيقولة مش معايا فلوس ههههه
وبعد كدة بقي ييجي قبل اللجنة وياخد يوتيرن ويرجع شوية صغيرين بضهرة لحد اليوتيرن اللي بعد اللجنة ويلف منة ويمشي :))
اعمل اية طيب يدوب كنت لسة داخل البيت ويمكن دة يعتبر فطار كمان لأني مكلتش من الصبح غير شوية بسكوت في الشغلاقتباس:
المشاركة الأصلية كتبت بواسطة a7med_pharma
بالنسبة لمهران بقي مش مصدقك الصراحة ههههه ، افتح الماسنجر يابني
يعني زي ما قلت الدنيا لسة بخير اهي و حتى الفئات اللي كنا فاكرينها كلها مضروبة زي الشرطة طلع لسه فيهم ناس كويسين و جدعان
.
اقتباس:
المشاركة الأصلية كتبت بواسطة donzi
بس متتعشميش فى كدة كتير هيا موافق ناردة بتظهر كل 100 سنة مرة
اقتباس:
المشاركة الأصلية كتبت بواسطة mgazaly
هو العمر فيه كام 100 سنة اصلا
اقتباس:
المشاركة الأصلية كتبت بواسطة donzi
لا مهو مش قصدى 100 سنة يعنى 100 سنة
بس الفكرة انها بتحصل منهم كل فترة كبيرة