يرجالة انا متأزم بجد و نفسيتي تعبت !

يعني انا شاري العربية و كيل بالسعر الرسمي الي هوا اياميها كان الخليجي بتاعها ارخص بحوالي 10 الف ولا حاجة في الرنج ده و كمان دافع للباشا الطارق مبلغ 6 الف جنيه استلام فوري بعد العراك ( كان عاوز ياخد 10 صفت على 6 ) و ركبنا العربية و الحمدلله بعد ما خسرت قد كدة ! و بسبب الخلجي سوق المستعمل مش لذيذ اوي للعربية ! بسب اختلاف الموصفات و فرق السعر و الي بيشتري مستعمل مش فارقة وكيل ولا خليجي !

عموماً ده مش الي مزعلني و لا مضايقني ( ياسيدي ربنا يبارك لكله و كل واحد بياخد نصيبة و ربنا بيعمل الي فيه الخير ) المصيبة انوا انا مش لاقي قطع في التوكيل بسبب الخليجي ! يعني انا مش عراف اعمل ايه

طبعاً سيحتلهم في التوكيل و جبت عليها واطيها و شوية كنت حقفل التوكيل ! لقيت مدير مخازن قطع الغيار قلي تعالا بس اعد عندي في المكتب و التكيف و اشربك حاجة و افهمك القصة ! انا خلاص كانت روحي في مناخيري قلتله اتفضل يا سيدي ! صراحة الرجل يشكر هداني كدة و حكالي المشكلة جاية منين ! بصوا بقا !

شركة كيا كمثل بتنزل 10000 عربية وكيل لمصر و 10000 عربية وكيل للسعودية و هكذا , فبالتالي لازم تنزل قطع غيار لل 10000 عربية فتقوم الشركة منزلة لمصر عدد قطع غيار يكفي عربيتها و تقوم منزلة للسعودية برضه نفس عدد قطع الغيار بالتناسب مع عدد السيارات ! المشكلة فين بقا ؟ البشاوات المعارض يروح يجيب 9000 عربية سعودي و ينزلها مصر فيبقى اجمالي عدد العربيات قي مصر 19000 لكن عدد قطع الغيار يكفي 10000 بس ! و في السعودية الناس زايطة عندهم 1000 عربية و قطع غيار ل 10000 ! ينفع الكلام ده ! روحت قلتله متبعتوا قطع الغيار من السوعدية لهنا ! قالي مفيش احنا ملناش دعوة ! الشكرة بتزلهم قطع الغيار مش لينا ! هما عندهم كوام و احنا الرفوف فاضية ! قلتله متعوضوا النقص ده ! قالي يا باشا احنا في مصر و التعويض مش حيجي في يوم و ليلة عاوزلة فترة محترمة قلتله انا اعمل ايه ؟ اخلي العربية تولع يعني ؟ المهم معرفش ربنا الهمني و قلتله مش انتوا منعتوا الخليجي من الصيانة هنا ؟ قالي مظبوط قلتله ازاي يعني مفيش قطع غيار ؟! قالي مهما ممنوعين من الصيانة بس مش ممنوعين يشتروا قطع الغيار !!!!!!!!!!!!!!!!!! قلتله ينهار اسود !!!!! قلتله سمعت انهم بيدفعوا 4 الف و يدخلوا صيانة قالي مفيش الكلام ده ؟!

نرجع لمشكلتي ! قطع الغيار الي عاوزها لعربيتي مش حتيجي قبل 2شهرين و بطلب مخصوص ! ينفع ده ؟! قالي روح هات بلدي مشي نفسك و بعدين لما يجي ربنا يحلها !

يا رجالة انا مش بتعارك مع بتوا الخليجي انا بتكلم بس و عاوز حل للمشكلة ديه !

ياريت حد من البشاوات سواء خليجي ولا مصري يقلي الكلام ده صح و لا اشتغالة توكيل و ايه الحل في مشكلتي ده ؟

الف شكر