السلام عليكم ورحمة الله وبركاته
اخواني الكرام
عايز اعرف الاقي فين فلتر تكييف هوندا سيفيك 2005 القطعتين بيتباع فين انا دورت عليه كتييييييييييير
اتصلت بالوكيل تقريبا اللي رد عليا مش فاهم!!! بيقولي الهوندا السيفيك الموديل 2005 ملهاش فلتر اقوله ازاي انا طلعت العلب بتاعتها بس لاقتها فاضية تقريبا لما كانت بتروحلهم كانو بيرموها يقولي ملهاش هي كدة حسيت انو شوية وهيجبني من التليفوني قولتله خلاص يا عم مش عايز حاجة
بس انا لاقيته ع النت ف مواقع اجنبية يا ترى موجود الفلتر دة في مصر
افيدوني افادكم الله
وعليكم السلام ورحمة الله
أعتقد الموديلات الخليجي بدون فلتر فعلاً يعنى أنا معنديش فلتر تكييف استنى برضه التأكيد من أستاذ محمد الشامي
لو عربيتك خليجي يبقى ملهاش فلتر (بيتشال علشان يعطى قدرة أكبر لتبريد السيارة في الأجواء الخليجية)
لو عربيتك أمريكاني يبقى ليها فلتر و ده مكانه خلف درجا الطبلوه و حضرتك تبعت تجيبه من أمريكا لو يلزمك
انا فعلا سيارتى خليجى ومكان الفلتر موجود وكل حاجة ومتشال فالخليجى مالهاش وانت عربيتك اغلبيتها غريبة
جزاكم الله خيرا على الردود والاهتمام وهي فعلا خليجي مطابقة للمواصفات السعودية
بس العمل اية ؟؟ اجبها ازاي من امريكا ويا ترى مفيش حد ف مصر بيستوردهم
المشكلة في احتياجي للفلتر دة ان التكييف بيطلع ريحة عفونة وقبل كدة وقفت على غسيل التكييف لاقيت طينة بكمية كبيرة نازلة اكيد هي اللي بتعمل العفونة دي ومش عارف العمل اية
او مثلا حد ف مصر بيصنع الفلتر دة
اقتباس:
المشاركة الأصلية كتبت بواسطة abdelrohman
بالنسبة لريحة العفونة حاول تنظف السربنتينة الداخلية و الخارجية بس في التوكيل علشان بتوع التكييف اللي في الشارع حيقولوا لحضرتك لازم نفك الطبلوه و ده كلام فارغ
لو عايز تشتري الفلتر يبقى زي ما قلت لحضرتك من هوندا أمريكا
خش على الموقع ده : https://www.ahm-ownerlink.com/login.asp?brand=honda
واعمل عضوية و سجل عربيتك ال 2005 بس من غير VIN ثم خش على E-store
واعمل أوردر للقطعة اللي حضرتك عايزها
على فكرة الموضوع ده انا عملته و جبت حاجات رفايع لعربيتي ماكنتش موجوده في التوكيل
السلام عليكم,اقتباس:
المشاركة الأصلية كتبت بواسطة abdelrohman
بالنسبة لتواجد الفلتر ده في مصر ... هل حضرتك سألت في التوكيل؟ ... و ممكن يكون موجود عند الحاج مجدي الدسوقي في الحرفيين 0123406486
بالنسبة لموضوع ريحة العفونة دي بسب الرطوبة والتلوث ... حلها بسيط جدا إن شاء الله ... حضرتك شغل التكييف على أعلى درجة حرار ساخنة و شغل المروحة على أعلى سرعة برضه ... سيب العربية على الوضع ده شوية 10 - 15 دقيقة مثلا ... ممكن تعمل الموضوع ده و إنت سايق بس إفتح الزجاج كله ووجه الهوايات بعيد عنك ... إن شاء الله الموضوع ده هايقتل كل البيكتيريا العفنة ويجفف المياة المكثفة فيه.
إبقى كرره عند اللزوم .
الموضوع ده في حالة وجود أو عدم وجود فلتر لأنه بيجفف ويقتل البيكتيريا في دورة الهواء بالكامل.
ماتنساش تقولنا على النتيجة :))
بالمناسبة يا باشا ... الفلتر مش بيقلل ريحة العفونة ... أبدا ... بالعكس ده بيزود سرعة ظهور العفونة ... لو حضرتك مهتم ممكن نناقشها سوا.
أتفق معاك يا باشمهندس أحمداقتباس:
المشاركة الأصلية كتبت بواسطة horsepower
كلام منطقي و سليم...وكان لي تجربة مشابهه في عربية والدي السيفيك 97
إقفش :policeman: ... أنا برضه قلت مش محمد باشا إللي هايسيب عربيته من غير تظبيط :S_thum1[1]:اقتباس:
المشاركة الأصلية كتبت بواسطة mshamy
إن شاء الله معادنا الخميس 19 أغسطس يا إكسلنس :36_9_4:
تمام يا مونبيه بمشيئة الله أوكاقتباس:
المشاركة الأصلية كتبت بواسطة Horsepower
لو حضرتك فاضي يوميها الصبح ياريت تبقى تقولي علشان موضوع الإستيكر ده اللي عايز اعمله لوش العربية
بالمناسبة انا عرفت انك غاوي تصوير....
يهمني اعرف رأيك إيه في اللي العبد لله كاتبة (مشاركة 12) في الموضوع ده http://www.nilemotors.net/Nile/16964...post3872912187
يا باشا حضرتك تأمر و من الفجر كمان لو تحب.اقتباس:
المشاركة الأصلية كتبت بواسطة mshamy
وبعدين أنا لسة مبتديء في موضوع التصوير حتى الكاميرا شاكلها هاتتأجل للشهر الجاي إن شاء الله بعد تعويرة ال dvd ... الحمد لله
كلامك تمام ... وشوف برضه تعليقي ... أرجو يكون معقول.
انا فعلا سألت التوكيل وقالي مش موجودة عندهم بس تجربتك عجبتني اوي وهجربها وهرد عليك
وجزاكم الله كل خير للاهتمام