حسبى الله ونعم الوكيل ... الشقة لازم تكون ايجار قديم علشان تتجوز . ايجار جديد لا . مش عاجبك مع السلامة
انا لله وانا اليه راجعون
عرض للطباعة
حسبى الله ونعم الوكيل ... الشقة لازم تكون ايجار قديم علشان تتجوز . ايجار جديد لا . مش عاجبك مع السلامة
انا لله وانا اليه راجعون
ربنا يكون فى عون الى ماعنده شقه
الحمد لله والدى كان موفرلى شقه
الحمد لله
على فكرة هو كلامة صح لازم يكون عندك شقة تمليك او ايجار قديم
لان دة استقرار
انما هتاجر شقة قانون جديد 5 سنين وهتجهزها وهتجيب العفش على مقاس الشقة دى وبعد خمس سنين هتلاقى الاجار اتضاعف
هتسيب الشقة وتاخد عفشك وتروح شقة تانية اقل من مستوها
بصراحة اوضة وصالة تمليك افضل واحسن من فيلا ايجار
متزعلش اوي كدا ابو عروستك كلامه صح
انا لو بنتي جالها عريس حشترط ان الشقة تكون تمليك كمان مش ايجار ده هو كدا اتساهل معاك كمان
معلش انا عارف ان كلامي قاسي بس حيديك البنت وبعد 3 او 5 سنين يلاقيكوا رحتوا تعيشوا في مكان تاني ويمكن يكون اقل من الاولاني وساعتها حتبقي مراتك واحتمال تبقي خلفت منها كمان ابوها مش حيقدر يقولك بم
لان الطبيعي ان الست تعيش مع جوزها ولو في جحر
فهو بيضمن مستقبل بنته
انا عن نفسي كانوا مشترطين شقة تمليك ولولا والدي رحمة الله كان موفرهالي كان زماني لسه متجوزتش
ده مش استقرار
ده قلة ايمان بربنا و بالرزق
يعني ايه اوقف حال بنتي على شقة تمليك
طيب و لو اتجوزها و دخل بها و تاني يوم باع الشقة هاعمل ايه هاخلعها منه؟
و لا لو مرض و اضطر يبيعها و يتعالج بتمنها؟
مفيش حاجة مضمونة .... الضامن ربنا .... ممكن يتجوزها فقير و يغتني ..... و ممكن يتجوزها غني و يفتقر .....
اسمحلي
كلامك علي راسي من فوق بس ده خروج عن المألوف انت لو عندك بنت وواحد اتقدملها حتساله عندك شقة ولا لأ وحتسأله كمان هي تمليك ولا لأ يا تري لو انت فعلا اب ترضي تدي بنتك لواحد مستقبله علي كف عفريت او بلاش كف عفريت دي عشان انت ممكن تزعل
مستقبله في علم الغيب؟
انت لك اللي ادامك والباقي زي ما انت قلت الضامن هو ربنا
تعمل اللي عليك والباقي علي ربنا
يعني تختار لبنت راجل مناسب ومستقبله بيحدده ربنا
كلامكم عين العقل
الى يربط بنته على شقه يلبس باه
انا عندي بنت
و لو اتقدم لها واحد محترم و ابن ناس
بس ظروفه ما تسمحلوش يشتري شقة حاليا هاقبل بالايجار و الارزاق على الله
الاخذ بالاسباب في انه متعلم و عنده مؤهل و وظيفة بدخل معقول يكفي فتح البيت
انما ربط الموضوع بشقة تمليك غلط طبعا .....
لو هو بقى ظروفه تسمح يشتري و رفض يشتري يبقى بيستعبط و ما يلزمنيش
----------
على فكرة اللي يهمني واحد يحافظ على بنتي و يراعيها زي مانا محافظ عليها و مراعيها ...... مش واحد معاه شقة و لا لأ
و كلنا مستقبلنا في علم الغيب و ملياردير النهاردة ممكن يبقى شحات بكرة و العكس بالعكس
مش حتة شقة حمضانة هي اللي تقول مستقبله ايه
فى ناس كتير جدا بتوافق بأيجار مؤقت عادى
واللى مش راضى غير بتمليك برضه دى حرية شخصية
زى اى مقياس تانى فى الجواز
يعنى زعلانين قوى و اللى بيشترط عينيها تبقى خضرا دى مش تفاهة اكتر
كل واحد يشترط اللى على مزاجه وهيلاقى اللى يرضى بيه
فعلا ممكن يفلس ويداين لس دى حاجات انا معرفهاش دى حاجات فى علم الغيب
على فكرة انا شاب ومش متجوز
بس انا لو عندى اخت مش هرضى غير بواحد عندة شقة مستقرة ولو اوضة وصالة فقط فقط
معلش يعنى واحد مامعهوش يجيب شقة اى مساحة وفى اى منطقة وشغال موظف هيحوش ويجيب شقة!!!!!!!!!!!!!!!
حبيبي طيب ما تدور علي شقق اسكان الشباب و علي فكرة شقق جميلة او ابني بيتك و كمان الاوقاف الايام ديه بتعمل لوترية علي شقق جاهزة التشطيب و ربنا يوفقك
انا هقول حاجه لصاحب الموضوع طالما البنت واهلها مش راضيين بيك كده فهما ما يستحقوش واحد كويس زيك , واللي ماترضاش بيك ولاتزعل عليها لانهم مش عايزين راجل لبنتهم عايزين شقه والسلام بغض النظر عن اللي متقدم وبكره هيعرفوا الفرق بين الراجل الكويس و اللي معاه شقه ومش راجل
1- بالنسبة لمشروع ابني بيتك و ده ان الدولة بتدي الارض للشاب المتر باسعار رمزية و تبتدي تبني بيتك .. اكتب في جوجل و ابحث هتلاقي معلومات جميلة جدا عن المشروع ده .. انا كان نفسي احط ليك لينكات هنا لكن ممنوع من قبل المنتدي .
2- في كمان مشروع اسكان الشباب من قبل المحافظات و مثال ليها مشروع اسكان الشباب التجمع الخامس .. برده هقولك دور في جوجل
3- بالنسبة للاوقاف انا مش عارف هي بتعمل اللوترية في كل المحافظات ولا محافظات معينة بس دور و ان شاء الله تلاقي
علي فكرة علي النت هتلاقي شقق بمشروعات الشباب كتيره جدا بس دور و احنا كلنا هنا معاك و ان شاء الله هيكون ليك شقة و نقولك مبروك قريب
يعني المفروض الواحد يرمي بنته وخلاص
المفروض يحاول على قدر إستطاعته إنه يختار واحد مناسب لها
واحدة مثلاً من مستوى مادي مرتفع وكل أهلها عايشين في تمليك فمن حق أبوها يطلب لها شقة تمليك
وممكن القبول بالإيجار في حال إن واضح إن الشخص المتقدم أمين ومعاه دخل هيقدر يجيب شقة وعنده الحماس لكده
لأن في نوع من الشباب ليس أمين في كلمته ومجرد ما يتجوز في شقة إيجار تلاقيه برد وقاعد يفكر في أمور أخرى وعربيات ومصاريف وينططها في شقق إيجار ولكن أهم حاجة يمتع نفسه
عموماً الإختيار لبنتك في هذا الزمان صعب جداً لأن الناس الأمناء قلوا جداً
أحكيلك عن واحد عنده عيادة وعربية وبيفكر يأسس عيادة تانية
وبيقول لأبو العروسة هتجوز في شقة إيجار
طبعاً أبوها قاله يا تمليك يا تروح تلعب بعيد
اللي يتشرط على ابن الناس ده ...........خليهاله
ربنا معاك
نش لازم شقه تمليك وزى ما اتقال
ممكن بعد اما يتجوز يفتقر او يبيع الشقه تانى يوم
اهم حاجه اخلاقه و دينه و انه يكون شخصيه محترمه مثقفه و عندها طموح
يا فرحتك تجوز بنتك لواحد باباه جايبله كل حاجه من الابره للصاروخ و هو ممدش ايه فى حاجه
هل دا هيحافظ على بيته زى اللى تعب فى كل طوبه فيه ؟
الاولانى ممكن مع اى مشكله يرمى الجمل بما حمل لانه متعبش فى حاجه
انما التانى هيعمل كل حاجه عشان يحافظ على البيت دا
بص سواء كان الموضوع ايجار ولاتمليك العملية في الآخر قسمة ونصيب ولو هي من نصيبك غصب عن عين التخين حتكون ليك ولو إنت كنت شايفها كويسة يبقي قول اللهم أجرني في مصيبتي واخلفني خيرا منها
لكن بالنسبة للموضوع بوجه عام فطالما إن أبو البنت شايف ان اللي متقدم داعلي خلق وأمين وابن أصل وإنه مهما ضاقت الظروف حيكون حاططها في عينيه يبقي ايه المانع
بالراحة على الراجل
لازم نحسب الظروف (اعقلها وتوكل)
يعنى انا مثلا موضوع شقة ايجار جديد دى صعب اوى ومش هينفع
لكن قديم ماشى ماهو زى التمليك انا شاب وعاوز اتجوز رغم انى عارف ان هيتضغط عليا فى الطلبات والحاجات الغريبة دى بس انا عارف ان ربنا هيقدرنى عليها
وبالنسبة للشقة انا قلت انا استطاعتى شقة ايجار قديم عاجب اهلها يبقى ماشى الحال مش عاجب على راحتهم
ولصاحب الموضوع هما كلامهم صح فى فكرة الاستقرار ايجار قديم افضل ليك من نواحى كتير
مش هيقدر حد يخرجك منها وحدش ممكن يزود الايجار عليك هتلاقى الموضوع فى استقرار اكتر
يا شباب ذى ما احنا رجاله مش لازم ناخد بنات الناس نمرمضها معانا يعنى ما لازم يكون فى شقه علشان اتجوز امال هتجوز فين وطبيعى جدا ان اهل العروسه تطلب شقه على الاقل ايجار قديم لان الايجار الجديد مرهق جدا ماديا ومعنويا كل سنه او اتنين بكتيره لازم تنقل اساسا من الشقه لو ايجار جديد
العيب مش اهل العروسه العيب فى عدم توفير شقق بسعر معقول وقبل ما تحكموا كل واحد يبكر فى اخته او قريبته علشان نحكم صح
ما خالص اعتزارى لصاحب الموضوع بس لازم على الاقل شقه ايجار قديم
ما هو لو مش امين
مش هتفرق بقى شقة و لا فيلا تمليك و لا ايجار
مش هيتقى الله فيها
وساعتها فعلا مش هتفرق هو جايب ايه و لا شكله و منظره ايه قدام الناس و لا عنده كام فى البنك اللى هى من مصايب وقتنا اللى ناس كتير بتهتم بيها و تتجاهل الاهم بكتير و هو الانسان نفسه
بنفس المنطق برضة طاب ماهو ممكن بعد مدة الايجار ماتخلص مايعرفش يجيب شقة تانية ايجار
وبنتة ترجعلة بااطفالها وتعد عندة ولا هى متجوزة ولا هى مطلقة
ملحوظة
انا مش متجوز وعازب وماعنديش شقة حاليا ومش خاطب يعنى بدافع عن فكرة ان العريس يكون عندة شقة ملك لانى مقتنع بيها ومؤمن بيها
لا مش مصدقه
اخيرررررررررررررررررررررر را في حد في المنتدي قال ان اهل العروسه عندهم حق في حاجه :)
احمدك يا رب
الموضوع ولع يا رجالة
تباين الاراء اثري الموضوع فعلا
بس لكل الناس اللي بتقول ما معناه خدوهم فقرا يغنيكم ربنا
لو انت فعلا اب مش ممكن تحط بنتك في مصير مجهول
ولو انت مش اب اعتبر دي اختك حتلاقي برده نفس المنطق
يا جماعه لازم تبقي رااااااااااااااااجل والراجل لازم يبقي صاحب بيت
امال يحس انه راجل ازاي؟
عايز يقعد يحكم وينهي وواحد بخبط عليه اول الشهر يقوله هات الايجار؟؟؟؟؟؟؟؟؟؟؟
طيب ازاي؟؟؟؟؟؟
انا اول ما جبت ولد قررت اني احطله مبلغ كل شهر في البوسته عشان لما يوصل لسن الجواز يلاقي شقة علي الاقل ابقي حاولت وعملت زي ما والدي عمل معايا
يا جدعاااااااااااااان الشقة لااااااااااااااااازم علي الاقل علي الاقل خالص تبقي قانون قديم
على فكره فى اكتوبر مثلا ايجار الشقه 900 جنيه او 850 جنيه
المرتب هيكون كام بقا اساسا ؟؟؟؟؟؟؟؟؟؟؟؟؟؟؟
نحسبها بالعقل يا شباب مش نحسبها ان اهل البنات وحشين
يا سيدي يعمل زي بقيت الشباب ما بتعمل يسافر سنتين بره مثلا
يشتغل صبح وليل
يعمل مشروع جنب وظيفته
اللي عايز حاجة بيوصلها
او يلغي فكرة الجواز دي
ياريت بس نحط في دماغنا إن الطبيعي في 90% في العالم إن اللي بادئ لسه حياته بيأجر عادي خالص
و إن مش الطبيعي خالص إنك تلاقي شقه ب 60 جنيه جنبيها شقه تانية ب 3000 جنيه قال إيه قالك إيجار قديم
الطبيعي إن الإيجار يكون عادي حسب العرض و الطلب في المنطقه
بس الإستثنائي و اللي مش طبيعي في بلد متخلفه إن يكون في حاجه إسمها إيجار قديم
أنا شايف إنه تفكير غريييب جدااا
و بعدين مش هما راضيين بالراجل و هي وافقت عليه خلاص بقى تستحمل معاه العمر يعني لو هو سكنها في شقه واسعه و جتله ظروف سكنها في شقه ضيقه تسيبه يعني