الموضوع: بمناسيه الحر الخانق -ناويت اجيب تاكيف 1.5 حصان ومحتاج رايكم

المشاركة الأصلية كتبت بواسطة JAM

الشارب وبس.. انا مركبه من شهر أتنين اللى فات علشان الأسعار ساعتها كانت مريحة شوية... بس أهم حاجة انك تشتريه من توشيبا نفسها او هما هيدوك أقرب موزع معتمد ليهم... وسيبك من اللى فى الجرايد.. لإنى عرفت انهم بيغيروا الكويل اللى جاى فى الكباس بواحد صينى.. فا أحسنلك تشترى من الشركة نفسها... وبعدين زى الأخوة ما قالوا قبل كدة انتا مبتشتريش تكييف كل يوم.. والله الموفق

شكرا علي نصيحه حضرتك

المشكله اني عشان اجيب شارب هاستني حوالي اسبوع

والناس الي في البيت اتجننت كل شويه (امريكول لا يونيون اير لا LG)

كل واحد من الاطفال عنده اختراع

ربنا ما يوري حد الي انا فيه

فمش هقدر استني وهجيب اي ماركه اعدي بيها الي الشهرين الجايين وخلاص وعشان كده ان مقتنع بامريكول بعد ما احد الاعضاء شكر فيه

المشاركة الأصلية كتبت بواسطة ahmed4000

مش حتلاقى شارب فى السوق الناس دايخة عليه
لكن متفكرش فى فرق ميتني او تلاتمائة جنيه وخاصة انك حتقسط
المهم حاجة تعيش

مهو المشكله يا عم الحاج ان شارب مش بيقسط خالص كلو كاش في الزقايق ومقدرش اسافر عشان اجيب تكيف

لاكن في ماركات تانيه بقسط وزي الفل
الي هي الماركات الواقعه(امريكول-فريش-يونيون اير)
وان هجيب واحد من دول فيارين يا خونا تبعد كلمه شارب خالص

انا حجزت بالتليفون يونيون اير بيوففاي ب(2700) هدفع 1000 وهيفضل 1700 +10 % هيساوي 1770 متبقي علي 6 شهور بس انا لسا مدفعتش ها اعمل ايه ابل ما الفاس توقع في الراس

علي فكرة احنا عندنا في البيت 3 تكييفات يونيون إير

إتنين سبليت واحد منهم 1 و ربع و التاني 1 و نص

التالت شباك 1 و ربع

الحمد لله من ساعة ما ركبوا من تلات سنين متعملش لواحد منهم صيانة ولا حتي تزويد فريون


الواحد و نص يونيون اير ممتاز علي فكرة، بس احنا اللي عندنا كان كباس امريكي و الواحد و ربع كان كباس كوري

معرفش بقي الجديد اية اخبارة

بس في ناس كتير بتشكر في الكرافت و هو صناعة سعودي