الموضوع: مساعدة بخصوص bora

المشاركة الأصلية كتبت بواسطة elshrpeny

يا جماعة بالراحة على الراجل شوية
اصل فى حاجة أنتوا جايز متعرفوهاش عن السوق والنظام عندنا هنا فى دمياط
ألاا و هو إن السوق هنا مختلف عن القاهرة و عن كتير من المحافظات كمان , دا غير إن الدمايطة يعتبر أحسن ناس تشترى عربيات مستعملة حالتها ممتازة و لقطة من جميع المحافظات ( سواء تجار او أفراد ) , إنما لما بيبيعوا بتبقى الحالة عادية وساعات بتبقى بنفس حالتها لو صاحبها محافظ عليها ( طبعاً أقصد الى أشترى العربية و جة يبيعها تانى )
دا غير إن فى تجار سيارات مستعملة هنا إلى هما بيبقوا مشهوريين و ليهم سمعة ( بإن شغلهم نظيف طبعاً ) بيصرفوا عليها شوية فى تظبيط شوية حاجات فيها بحيث يرجعهالك فعلاً تحس إنها لسة موديل السنة فطبعاً بيضيف الكام ألف دول مثلاً على تمنها ودا ميمنعش إنك ممكن تلاقى حاجة تصرفها فيها تانى بس بيبقى وفر عليك نص المسافة على الاقل

يعنى عندنا مثلاً معرض بيبيع عربيات مستعملة لحد الأن لو روحتلة أسأل على عربية بولو 2001 مثلاً هيقولى 54000 وممكن لو حالتها أحسن شوية يغلى أكتر طبعاً بيبقى كسبان كذا ألف بس بردة دا ميمنعش أنة بيكون جايب عربية حالتها نظيفة وكمان بيكون بقى صارف عليها شوية يعنى مثلاً , مغيرلها أربع كاوتشات على الأقل أتنين و جوز فوانيس أمامى بلمباتهم و 2 فانوس جنب وممكن يكون مغير للى ورا كمان على مكنة مساحات و هكذا انما بقى يسيبلك انت تغيير السيور و الفلاتر والزيوت وهكذا

بس يا ريت تكون الصورة وضحت شوية

المشاركة الأصلية كتبت بواسطة moooooomooo

هيه عربية فوق فوق الممتاذة ياجماعة أنا شوفت العربية دى كأنها جايه من المصنع حالتها فوله قوى مفيش فيهه خدش الماتور جديد لو فتحت الباب بتحس انك بتفتح باب زيروو متحافظ عليها قوى أنا شخصيا لو كانت فلوسى جاهزة وغاوى مكنتش فوتها بس برده أنا محتار فى سعرها والراجل اللى بيبعها مابيركبهاش نهائى علشان مايبهدلهاش بس بيتهيألى انها غاليه حوالى 10000 جنية لو مستعد تضحى بيهم وتشترى عربية زيرو ألمانى ريحة الفابريكة فيهه ومعتقدش انك هتلاقى زيها فى أى حتة تانية لو لفيت عليها بعدسة خلاص ضحى بقى ورزقك على الله وربنا يوفقك وعلى فكرة أنا اتكلمت مع رائد على العربية دى وقالى انه مش هيبعها الا لو جابت السعر اللى عاوزة

يا رجاله, العربية فعلا جميلة ماشاء الله
بس فى عوامل تانية برضو
يعنى أنا شوفت بيجو 406 موديل 2004 ماشية 40,000 كم و بيتكلموا فى 100,000 جم
هو فعلا الدمايطة بيجيبو عربيات vw جامدة و مش متهانة .. بس برضة مش كدة .
عموما, يمكن الواحد لو مكانه كان عمل كده, بالذات لو مش مضطر للبيع

شربينى : أنا من اسكندرية بس بشتغل فى دمياط .. أكل العيش بأة

المشاركة الأصلية كتبت بواسطة bayantt

يا رجاله, العربية فعلا جميلة ماشاء الله
بس فى عوامل تانية برضو
يعنى أنا شوفت بيجو 406 موديل 2004 ماشية 40,000 كم و بيتكلموا فى 100,000 جم
هو فعلا الدمايطة بيجيبو عربيات vw جامدة و مش متهانة .. بس برضة مش كدة .
عموما, يمكن الواحد لو مكانه كان عمل كده, بالذات لو مش مضطر للبيع

شربينى : أنا من اسكندرية بس بشتغل فى دمياط .. أكل العيش بأة

هو فعلاً أنت لو مكانة وحاسس إن معاك عربية ممكن متعرفش تجيبها تانى , بمعنى أصح فرصة فبيتعززوا فيها جامد , وعلى فكرة هما بيبقوا عارفين انها أغلى من سعر السوق وكل حاجة بس فى نفس الوقت عارفيين إن زبونها موجود والى هيقدرها مسيرة يجيلهم يشتريها , لأن انا من وجهة نظرى الحاجات النادره دى مبتبقاش خاضعة لسعر السوق أوى يعنى للدرجة إلى بالك فيها .

يعنى برده لو حبيت تجيب مثلاً عربية BMW 318 i موديل 2000 او 2001 بنفس حالة البورا دى مثلاً هتلاقيها بقت ب 125 ألف و ممكن تعدى وبرده ممكن متوصلش لحالة العربية إلى انت شايفها مثلاً , وعلى فكرة الاسعار دى أنا كنت شوفتها على موقع 100100 الخاص ببيع السيارات المستعملة يعنى مش من دماغى .

وبعدين يا باشا أهلاً بيك وبأهل إسكندرية كلهم نورت فى محافظتك التانى وربنا يوفقك فى شغلك هنا إن شاء الله
على فكرة أنا بحب إسكندرية جداً معندكش فكرة

بص يا عم محمد برده كل دا أسمة كلام غوميضى يعنى مش على أساس حقيقة بينة أدامنا , يعنى أنا أقول و أنت تقول و فولان يقول و السوق يقول و فى الاخر كلة حاجة بتبان على الطبيعة إذا كانت فعلاً تستاهل ولا لاء

وعلى فكره بالنسبة لصاحب الموضوع فى واحد تانى عنده عربية بورا حالتها بسم الله ما شاء الله نظيفة برده هى : موديل 2001 و لونها كحلى ميتالك شيك و عاملة 85000 كم وأتوماتيك و تقريباً جميع الكماليات لأن انا شفت الباب فية زراير التحكم تقريباً زجاج و مرايات كهرباء , وبرده طالب فيها 95 ألف جم عملت نفسى بشترى وقولتله طيب يعنى هتبقى تكرمنى اما أجى أشترى , قالى و من ناحيتك أنت شوية برده , عارفين دا معناه إية معناة أنة عارف أنها غالية و أنها أغلى من سعر السوق بس عشان عارف أنها حاجة موثوق فيها و الى هياخدها هيبقى عارف قيمتها و هيضطر انة يضحى شوية من عنده فى سبيل أنه ياخدها .
- ولو عايز تبقى تروحلة تشوفها وتقارن بينها وبين الى أنت شوفتها و أهو على الاقل فى فرق 8000 جم دا من غير فصال لسه , يعنى ممكن تنزل عن ال 95 ممكن أديك أسمة و عنوانة و رقم تلفونة على الخاص .
ومعلش يعنى أنتوا بتقارنوها بالى أعلى و مبتقارنوهاش بلى أقل , يعنى مثلاً عندكوا لانسر ال 1300 الى لو حد حب يجيبها زيرو هتبقى فى حدود ال 90 يبقى انا من وجهة نظرى الشخصية إنى لو حتى هحط 20 ألف مش 10 بس و أجيب بورا تعتبر زيرو أحسن بكتييييييير جداااااااااا .

ياخوانا العربية دى ريحة الفابريكة فيها عربية زيروووووووووووووووووووووو ووووووو هيه غاليه 10000 جنية على الاقل بس حالة مش موجودة فى مصر انا شوفتها انتم متعرفوهاش انا شفتها وقعدت فيهه وفتحت الكابوت بتعها تحس انك بتشترى زيرووووووووووو بس غالية شويه

حتى لو حالتها زيرو .. هاتخسر فيها جامد لو حبيت تبيعها بعد كده.

أنا مع كلامك فعلاً هيخسر فيهه كتير لما ييجى يبعها وله القرار فى الآخر بالرغم من انا عندى يقين انه هيموت عليهه من غير ما أعرفة لأنها حلوة قوى بنت الايه بس هيخسرة لو جه يبعها