يعني طالما ما بيركبش على سير الموتور يعني ممكن نشترية استيراد يا باشا ونركبة على عربياتنا بدون ما يسخن الموتور او يتعبة ؟؟؟
عرض للطباعة
انا سمعت ان الدايو الماتيز تكييفها كهربا مش سير حركه من الموتور
فيه عربيات كتير من العربيات الصغيره للى سعتها اللتريه قليله يعنى 1000 cc و اقل تكيفها شغال كهرباء
زى الشيفورليه qq
بس السؤال هل قوه التبريد بتاعت التكييف الكهرباء قد قوه التبريد بتاعت التكيف اللى على سير من موتور العربيه ؟؟
بصراحه ماعتقدشى لسببين ... هما عملو الحركه دى مع المواتير الصغيره .... لكن مع المواتير الى اكبر من 1000 cc لسه لغايه دلوقتى نازله بتكييف على السير
السبب التانى سرعه اللف الموتور حتبقى اسرع من لموتور الكهرباء (فى حاله المشى الطبيعي يعنى 2000 rpm ) و بالتالى ده حيديلى قوه تبريد افضل لأن كده الكومبريسور حيشتغل بشكل افضل
قريت هنا في المنتدى ان فيه جهاز ثمنه رخيص (حوال 35 جنيه) يحول ال 12 فولت من ولاعة البطارية ويخليها 220 فولت لدرجة ممكن تشغل مكنسة كهربائية منزلية وتشحن الموبايل
فالفكرة تبدو منطقية وعملية جدا
مش منطقيه ولا حاجه... مينفعش مكنسه منزليه تشتغل من ولاعة العربيه حتى بعد تركيب محول من ١٢ فولت ل ٢٢٠ فولت. الجهاز ده عندي في العربيه و فايدته انك تشغل بيه لاب توب او تليفزيون صغير او تشحن موبايل بشاحن البيت بدل شاحن العربيه. لكن اي جهاز الوات بتاعه عالي مستحيل تشغله بالجهاز ده.
فى نفس الموضوع ده حتلاقى ليا رد ان كده كده القدره ثابته (حاصل ضرب فرق الجهد بالفولت * شده التيار بالامبير)
و بالتالى لو انتا زوت فرق الجهد حتلاقى شده التيار قلت جدا لدرجه ماتخلكشى تشغل الحجات دى
و علشان كده كل الاجهزه الكهربائيه تلاقيهم كاتبين عليها القدره بالوات و تشتغل على فرق جهد كام (بالفولت )
ولو كان الموضوع بالبساطه دى ماكنشى صاحب العربيه دى وجع دماغه كده
[mshosh2]http://img249.imageshack.us/img249/7311/thifi210.jpg[/mshosh2]:shine[1]:
السلام عليكم ورحمة الله وبركاته
عندي بعض المعلومات وإن شاء الله تكون صحيحة ومفيدة
1- مكيف السيارة بيستهلك حوالي 3 حصان وده تقريبا اللي بيستهلكه مكيف البيت من النوع الاسبيلت
2- مشكلة المكيف إنه بيطلع الحرارة من داخل السيارة ويضعها إلى جوار المحرك وده بيرفع درجة حرارة ماكينة السيارة وبيزود استهلاك البنزين وبيكون حمل كبير على المحرك
3- لو قدرنا نطلع المكيف خارج السيارة مكن نستخدم مكيف بقدرة أقل بكثير جدا لأن الجزء الخارجي له سيتم تبريده بسرعة وكفائة عالية من الهواء الخارجي يعني لو مكيف بعشر قدرة المكيف الحالي هيكفي - لاحظوا إن مكيف الغرفة في البيت بيكيف غرفة كاملة حجمها يصل إلى 45 م3 ( 3 × 5 × 3 ) لكن حجم السيارة الداخلي لا يتجاوز 5 م3 - طبعا مع إختلاف عزل الغرفة عن عزل السيارة والظروف البيئية المحيطة وخلافه
4- فيه مخترع أجنبي اخترع مروحة ومكيف بيعملوا بطاقة قليلة جدا ولسه الموضوع ما انتشرش صناعيا