[و موضوع العضو اللى اتكلم على البرسونا و الأسباب اللى خلته يفضل عليها النيسان أنا طبعا لا بصادر على كلامه و لا رأيه لكن أنا لما كنت بقارن نفس المقارنة و استقريت فى الآخر على البرسونا و عن اقتناع دخلت على منتدى بروتون قلت أنا اخترت بروتون ليه و ليه فضلتها على النيسان مش دخلت منتدى نيسان أقول دى أسباب رفضى إنى أركب نيسان معرفش إيه الفايدة اللى هتعود عليه من ذكر الموضوع هنا .
أنا أقول لك الفايدة؛ بص يا باشا لما يكون كلام أصحاب العربية عن العربية مش كويس أو حتى فيه قدر من المبالغة فى وصف مساوئها ده بينعكس على الناس الجدد اللى عايزين يشتروا السيارة؛ يبقى الحل إيه أن أصحاب العربية يبقوا موضوعيين فى كلامهم عن السيارة ومحاييدن فى وصف عيوبها يعنى لا بالزيادة ولا بالنقصان، فأنا شفت إن دى حاجة غلط أثرت على بشكل شخصى فحبيت أن يتم تلافيها من قبل أعضاء القسم مستقبلاً بالنسبة لغيرى، ومتهيألى أن موضوعات القسم بدأت تلتفت لهذا الأمر لأن فيه كام موضوع ظهر فيهم ذلك؛ أتمنى تكون الفايدة وضحت، وشكراً
