الموضوع: زميل جدديد محتار وعاوز جواب

لأ حضرتك انت بتعمل نقلة كبيرة اوي اوي و مينفعش فيها انك تختار و مفيهاش مقارنة يعني المفروض تكون اخدت الخطوة خلاص
لأن موديل 96 قديمة و 2000 سي سي دي اكيد حريقة بنزين و بعدين معتقدش ان بقي ليها قطع غيار معمرة زي بالظبط عربيتي التويوتا كرولا 96 .. سبب بيعي ليها ان قطع الغيار الجديدة اصبحت غير معمرة خالص لأنها مبقيتش الياباني الاصلي و غالية علي الفاضي
انما عربية 2010 قطع غيار لسة بتتصنع في المصانع اليابانية و معمرة بس حضرتك حاول تشوف السوبر صالون بنفسك و تركبها و تجربها لأني بصراحة انا مسوقتش قبل كده اوبل 96 و كل كلامي مع حضرتك في نقلتي من عربيتي القديمة الي النيسان
احسن حاجه في النيسان الوكيل بتاعها فوق الرائع و متواجد معاك و غير مقصر بالمرة
و اي خدمة

انا عمى كان معاه اوبل مو 1996 اوتو وأنا معايا صنى 2010 منيوال

الحقيقه حتلاقى مجموعه اختلافات :

1- العفشه والثبات وعزل الصوت لصالح الاوبل بلا شك
2- استهلاك البنزين لصالح النيسان
3- الكماليات والتكييف وصوت الموتور وكفاءه العربيه عموما لصالح النيسان
4- قطع الغيار وعمر العربيه مستقبلا لصالح الصنى

الخلاصه :

الصنى احسن عربيه فى فئتها السعريه بس اقل من الاوبل فى حاجات كتير ولكن مقبوله شكلا وموضوعا وتفى بالغرض وسعرها حنين

باشا انا اكتر واحد هقدر ارد عليك انا كان معايا اوبل فيكترا 95 2000 سي سي و جبت تيدا 2010 بص الجديد جديد الكلمة دية سمعتها علي طول و انا نفسي بقولها لحد دلوقتي بس طبعا انت هتتنازل عن حاجات كتيرة انك تنزل من اوبل و تركب نيسان اي حاجة صني كانت او تيدا اللي هتضحي بيه الثباااااااااااااااااااات مختلف بكل المقاييس و المتانة في الصاج و الامان
بس اللي هتكسبو استهلاك بنزين اقل بكتير من الاوبل اعطال اقل بكتير من الاول توكيل احسن 1000000 مرة من منصور باشا تكييف احسن بكتير بردوا و غير كدة انك راكب عربية موديل السنة عقبال ما تفتح بقها قول قدامك 5 سنين مثلا
ياعني هتشتري راحة بالك بس هتتنازل عن شوية امان و ثبات كتير و الكلام دا انا لما قارنتو لقيتها معادلة كسبانة لسبب اني مش كل يوم بسافر لكن كل يوم بروح الشغل و كل يوم بمشي في الزحمة و الحر و القرف فا محتاج تكيف كويس و استهلاك بنزين قليل و هكذا و شوف يا باشا اللي تستريحلو و ربنا يهديك للي فيه الخير