قصدك دي نصبة ؟ !!!!!!!!
ده أنا آخد أجازة و أقعد أستنى أهله و أنا اللي هاخد منه فلوس
طيب ممكن الموضوع ده في القاهرة يعدي لكن في الصعيد كمان
عرض للطباعة
ماهو لو كان طلب فلوس كنت قولت نصباية
هو كل اللي عاوزه اني امضي على كشف ان عمال الشركة بييجو يشيلو الزبالة من قدام الوحدة ... اللي هيا الشقة يعني ... ومجانا من غير رسوم اضافية
يعني عاوزين يضربوني على قفايا .... واقولهم شكرا .... الضرب ممتاز وكله تمام ....
بص يا حمادة ......
حتى لو بقى استعباط بالبهارات و استهبال في البرتغال وافترا في انجلترا والهم ملو الفم
برضه قاعد فيها ومش ح اتزحزح عنها ......
حتى لو بقت نار ...... انا عندي نار هنا ولا جنة هناك
انا ساعات بافكر مع نفسي ..... انا ايه اللي غاصبني اعيش ف البلد دي
وبالاقي اني عامل زي السمكة ..... ما اقدرش اخرج من الميه
حتى لو كانت الميه عكرة وكلها طين ...... لكن لو خرجت منها ح اموت
م الآخر ..... انا مش ح اخرج منها ....... واتمنى اموت فيها واندفن في ترابها ..... جنب امي وبنتي وأجدادي .... في البساتين ...... وح اوصى ولادي يعملو زيي ويوصو احفادي بكدة برضه
.... لأني باحبها حتى الثمالة ...... رغم انف شركة النظافة والحي والكهربا والحكومة ..... والكل كليله
اكتشفت ان البيه بتاع النظافة جه قبل كده لوالدتي و طلب منها 90 جنيه نظافة و لما قعدت تسأله بتاع ايه و فين الوصل و مكان الادارة بتاعته فين سابها و جري من قدام الباب ............
البيه نصاب باسم الحكومة ...
كده أنا بقى نفسي أشوفه و أنا أعلقه قدام باب البيت عندي عشان يكون عبرة للزيه
الموضوع ده بقاله سنة
والثورة قامت
والجمال برطعت في التحرير
ومبارك خلع
والعادلي لبس البدلة الزرقا
وموافي وشرور وعزمي في بورتوطرة
والاستفتاء طلع 78%
والفلول بقت اكتر م الفول
وتوفيق عوكاشية بقى ثورجي ومرشح نفسيته للرئاسة والرمز بتاعه حزمة الجرجير
والثوار انضربو في العباسية
والمجلس العسكري اتورط ومش عارف يصحح الوضع
و6 ابريل شغالة الله ينور
والاخوان مش ح يمنعو الخمرة
...
..
..
ولسة برضو بندفع نفس الرسوم
على فكرة الرسوم اللي بتدفع على فاتورة الكهرباء قيمتها حوالي 6 مليار سحتوت مصري سنويا
يا ترى مين اللي بياخدها بعد مبارك واعوانه ما خلعو .... اكيد كتبو الوصية للي بعدهم