هههههههه عادي بس حلوة تهريج في النرويج دي يا باشا
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
طبعا كلنا عارفين رسوم النظافة اللي على فاتورة الكهرباء
وبرغم انه سبق الغائها لعدم شرعيتها دستوريا ..... لكن الحكومة بتاعتنا لا يستعصي عليها اي شئ طالما فيه جمع اتاوات من الناس
ما علينا ..... كلنا رضخنا للأمر الواقع و بندفع غصب عننا وصابرين ومحتسبين
لكن البجاحة لها حدود
امبارح لقيت الباب بيحبط وشاب كدة معاة دفتر وشوية ورق
ايوه
احنا بتوع شركة النظافة
اهلا وسهلا
حضرتك احنا بنعمل مسح في المنطقة .... عامل النظافة بييجي كل يوم ياخد القمامة من امام الوحدة ( الشقة يعني )
ايون ... بييجي كل يوم تقريبا
فيه اي مشكلة منه
لأ مافيش .... بس تعالى قوللي الاول انتو شركة ايه بالظبط
احنا شركة النظافة اللي مسئولة عن الحي
انهي شركة يعني .... مش فاهم .... معلهش اصل انا بافهم على قدي شوية
يافندم الشركة بتاعت النظافة اللي الرسوم بتاعتها على الكهرباء
طب وانتو مالكو بالعامل بتاع القمامة .....؟؟؟
ماهم دول العمال بتوعنا
ازاي ؟؟؟ دول بتوع الزبالة اللي متفقين مع العمارة وبندفعلهم شهرية وفيه محصل من شركتهم بييجي اول الشهر ياخد الرسوم بتاعتهم ... 5 جنيه ف الشهر من كل شقة
لأ يا فندم دول تبعنا احنا و ...... وبعدين لقيت واحد اكبر منه واضح انه الرئيس بتاعه ظهر في الصورة وقاللي معلهش اصله جديد ومش عارف ....
عمال النظافة هما هما من غير تغيير من قبل شركتكم ما تظهر ومن قبل الرسوم اللي ع الكهرباء ومن بعدها .... والشهرية بتاعتهم زي ماهيا وبتزيد مع الزمن زي اي حاجة ..... كانت 3 جنية وبقت 4 وبعدين 5
حضرتك بتدفعلهم اكرامية .... مش رسوم نظافة
لأ انا بادفع مقابل خدماتهم وفيه محصل من عندهم بييجي يخبط ع الشقق ويقول عاوزين فلوس الزبالة لو سمحتم ...... ولما الرسوم نزلت على فاتورة الكهرباء لم يتغير شيء .... وبعدين كل السكان هنا بيدفعو واللي مش بيدفع مش بيشيلو القمامة بتاعته ... وبعدين تقوللي دول تبعنا واحنا بناخد رسوم نظافة مع الكهرباء ؟؟؟؟ هو انتم مش مصريين وعايشين معانا في نفس البلد ولا انتو منين بالظبط
يعني حضرتك عاوز تعمل شكوى ( بقرف )
طبعا ( بابتسامة صفراء)
خلاص اكتب اسم حضرتك هنا
وماله نكتب .... وبعدين هيا فين صناديق القمامة اللي في الشارع ...... الشارع بتاعنا كله فيه صندوق واحد وحلوه طن من القمامة لا تجد من يشيلها
حضرتك خد النمرة دي واشتكي
اكيد ح اشتكي ( النمرة مش بترد خالص ) لكن على مين ... وراهم ع النت والتليفونات لما اعملهم صداع نصفي مزمن
..
..
وقفلت الباب وروحت اكمل كوباية الـ على كافية
يعني رسوم في فاتورة الكهرباء وبدفع وساكتين
وشهرية للزبال وبندفع برضه وساكتين
لكن عاوزين كمان يظهروا الموضوع على ان الشركة بتجمع القمامة من الشقق من غير ما تاخد حاجة ..... والشيئ السخيف انهم بيسألوا الاسئلة باسلوب يخليك تعتقد انهم من الشركة اللي بتبعت الزبالين ... مش من الشركة الاجنبية اللي بتنهب رسوم النظافة بالملايين
يعني لو ماكنتش غلست وسألت بالتفصيل كان بقى كله تمام يافندم ومافيش شكاوي والمواطن مش بيتحمل اي اعباء غير الرسوم اللي على الفاتورة بتاعت الكهرباء .... هو مين بيضحك على مين ؟؟؟؟
بالذمة ده يبقى اسمه ايه ؟؟؟؟؟؟
هبل ع الجبل
ولا تهريج في النرويج
ولا استعباط بالبقسماط
حد يقوللي علشان انا فهمي بطيء شويتين
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
هههههههه عادي بس حلوة تهريج في النرويج دي يا باشا
eng f3lix سابقا
رقم العضوية : 17999
تاريخ التسجيل : 05Sep2008
المشاركات : 4,235
النوع : ذكر
الاقامة : El-Haram, Giza
السيارة: Mercedes C200 K 09
السيارة[2]: Kia Cerato High Line 09
الحالة :
صباح الاستغلال الرسمي و الموثق في الشهر العقاري كمان للشعب...
والله يا حاج احمد الواحد مابقاش عارف يشتكي ايه ولا ايه..!!! و لو اشتكى, يشتكى مين لمين..؟؟؟
احنا بندفع ثمن اي خدمه عاديه جداا بالمرتين و الثلاثه و الاربعه كمان
اول مره ثمن الخدمه, و الباقي ده التوابع زي الزلزال كده, من اكراميه لرشاوي......الخ
ربنا يتوب علينا من الاستغلال و المستغلين, و الحكومه اللي مدلعانا بزياااااااده قوي...!!
تقبل تحياتي يا حاج احمد...
Eng. Mohammed Ghazy
The New Mercedes-Benz C 300
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
وهى الشركة دى بتلم زبالة منين بالظبط
احنا البواب هو اللى بيلم الزبالة
وطبعا بندفع للبواب وبندفع مع فاتورة الكهربا
ونادرا لو شوفت صندوق فى الشارع
الاول كانوا كتير جدا تحت كل بيت تقريبا
وبعدين بدأوا يختفوا واحد ورا التانى لحد ما اختفوا خالص
حسبنا الله ونعم الوكيل
رقم العضوية : 17720
تاريخ التسجيل : 01Sep2008
المشاركات : 3,458
النوع : ذكر
الاقامة : Cairo
السيارة: Renault Logan 2010
السيارة[2]: Florida 2006 1.4cc
دراجة بخارية: لا
الحالة :
شركات أثبتت فشلها للأسف
نفسن براحتك ..
إشتم براحتك ...
إغلط و متعوزش تتحاسب ...
إتبلطج و خدها دراع و أعمل دكر ..
إحجر على الرأى التانى و إتريق على الناس ..
إنت عن جدارة عالم ثالث و متتكلمش تانى على الهجرة.
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
ههههههههههههههههههههههههه ههههههههههههههههههه
انا اللي بروح ارمي الزباله
والاكراميات اللي باخدها من الوالده ربنا يخليها تخلي اي حد ياكل الزباله مش يرميها بس هههههههههههههههههههه
----------------------
طيب اهي الزباله فيه عربيه بتاخدها
انما ابقوا بصوا بصه كده في وصل الميه
حوالي 50 % من قيمه الوصل تحت بند صرف صحي
يعني بتدفع وانت بتشربها
وبتدفع تاني وانت بترجعهالهم
بس تقريبا عاملين حساب العرق والبخر والناس الي بتفك زنقتها بره البيوت
يعني ممكن الواحد يكون مزنوق وينزل تحت شجره
ويلاقي الشجره طلعتله منديل ووصل بربع جنيه
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 29575
تاريخ التسجيل : 09Jan2009
المشاركات : 5,234
النوع : ذكر
الاقامة : Ismailia city & heliopolis
السيارة: daewoo juliet 2003
السيارة[2]: proton persona m/t
الحالة :
ههههههههههههههههههههههههه ههههههههههههههههههههههههه هههههههه
حلوة الشجرة دي ههههههههههههههههههههههههه ه
[rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]
You 're beautiful , Its true
رقم العضوية : 35544
تاريخ التسجيل : 14Mar2009
المشاركات : 1,339
النوع : ذكر
الاقامة : منوف.......المعادى
السيارة: Nothing
السيارة[2]: Fiat Argenta 82
دراجة بخارية: لا يوجد
الحالة :
ماهو عشان كده الكابيير متبت وماسك فيها بإيديه وسنانه
بقي فيه شعب زينا كده في الدنيا دي كلها يطلعولنا برسوم زبالة ندفعها وبعدين نتفق مع الزبال عشان يشيلها
يقطعوا الميه ونروح عند القرايب (وأهو كله صلة رحم) وبعدين ندفع الفاتورة اخر الشهر
يقطعوا النور مفيش مشكلة برضه واهم حاجة ندفع الفاتورة
طب إنتوا شفتوا شعب زينا برضه
شعب عظيم وصبور ومهاود
الراجل برضه معذور أصل احنا لقطة
قال رسول الله صلى الله عليه وسلم:"اضمنوا لى ست من أنفسكم أضمن لكم الجنة
اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم" صدق رسول الله صلى الله عليه وسلم -صحيح البخارى ومسلم-
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
احنا لقطة فعلا
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 45138
تاريخ التسجيل : 19Aug2009
المشاركات : 3,416
النوع : ذكر
الاقامة : Cairo
السيارة: Logan 2010
السيارة[2]: Fait 128
دراجة بخارية: لا يوجد
الحالة :
يعنى أنا مختلف مع حضرتك
ده استعباط ساده وخام بدون اى اضافات ولو حطوا عليه بقسماط كانوا برضه هينزلوا ثمن البقسماط على الفاتوره
الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام
المفضلات