المخالفات كلها بتتشالي في المرور لما بتجدد الرخصة محدش يشغل باله بالرادار .. في المرور قبل ما تدخل السمسار ييجي يقولك انا هخلصلك كل الورق والمخالفات مقابل 250 جنيه !! وانتهت القصه علي كده كل دي اشتغالات فاضية
عرض للطباعة
المخالفات كلها بتتشالي في المرور لما بتجدد الرخصة محدش يشغل باله بالرادار .. في المرور قبل ما تدخل السمسار ييجي يقولك انا هخلصلك كل الورق والمخالفات مقابل 250 جنيه !! وانتهت القصه علي كده كل دي اشتغالات فاضية
أيوة..بس لما يخلى السرعة 60 فى طريق فاضى يبقى اسمه استهبال...لما تبقى 70 أو 80 بالكتير مفيش مشكلة...لكن 60 ماينفعش....وبعدين فى الدول العربية الرادار بيصور بعد السرعة المقررة ب10 كيلو...يعنى المفروض أولا حد السرعة يبقى مناسب زى 80 مثلا...واللى يتصور اللى بيتجاوز 90...لكن لما أمشى على الزراعى ملتزم طول عمرى بال90...وييجى الرادار يمسكنى والبيه الظابط يسحب الرخصة عشان مسكنى كمجرم متجاوز السرعة 2 كيلو ويقولى انت ممسوك ماشى 92...ده يبقى اسمه استهبال رسمى لآن الواحد غصب عنه بييجى جنبه نقل وبيتجاوزه...هظبط الدواسة على 90 ازاى؟
على فكرة الموضوع مش مرتبط بان الطريق فاضى ولا لا... المهم الطريق يستحمل ولا لا
ناس كتير مشيت على الوصلة الجديدة اللى بين القوس الشرقى و الغربى للدائرى و دى السرعة فيها 80 فقط مش حتى 90... لما جريت عليها مرة و كسرت السرعة المقررة بشوية حلوين اكتشفت ان فيها كمية مطبات هوا بالعبيط... و ساعتها فهمت هى ليه متحدد لها 80 مش 90 مع ان شكلها يدى 120 مستريح
كل ما زادت سرعتك كل ما ظهرت عيوب الطريق و اثرت على العربية و ثباتها بشكل سلبى
MMamdouh
1000 شكر يا هندسة على المعلومات الجامدة
والله أنا مش معترض ...الألتزام حلو....بس من الأساس يتعمل سرعة مناسبة ويدى بعدها 10 كيلو زيادة...واللى يتجاوزها بعد كده يستاهل قطع رقبته...لكن يعمل لك السرعة على الأتوستراد 60؟....ده عبط...وبعدين كل ما كان الأساس صح...تبقى المحاسبة صح...لكن ييجى واحد زى خالد أباظة يقولك فى الأردن أى حد يتجاوز القانون يتمسك ويتحبس حتى لو وزير..وعاوز الكلام ده يحصل فى مصر؟.....ازاى؟....اذا كان الأساس هنا غلط....هنا يعمل لك شارع ضيق متفرع من شارع أضيق ويقولك ممنوع الدخول ويحط لك يافطة على أخر الشارع الضيق...والشارع الضيق ده يقطعه من النص شارع أضيق تانى..زى شوارع الدقى الداخلية وبعض شوارع فيصل...أنا مش بتكلم على الشوارع الرئيسية اللى الأمور واضحة فيها....ييجى واحد جاى من نص الشارع الضيق ويدخل فيه...وآخر الشارع يلاقى البيه واقف ويقولك انت ماشى ممنوع...ويبقى عاوز ياخدك يحبسك؟...ده اسمه كلام؟...انا ليا واحد قريبى حصل معاه كده...والبيه الأمين قل أدبه عليه...وبقت خناقة..وهمم يحبسه...المشكلة مش فى كده بس...خدوه القسم وانضرب واتهان بشكل قذر....وحاولت أنزل اللى حصل معاه فى الجريدة وفى برنامج 90 دقيقة ع المحور اللى زمايلى شغالين فيه....ايه اللى حصل؟....هو نفسه رفض عشان كان خايف من أمين الشرطة لينتقم منه!!!!!!!!!!!!!!!!!!!!!!!!!!احنا فى غابه مش فى بلد...والقانون لما بيطلع بيستفيد منه ضعاف النفوس من الأمناء وضباط الشرطة...وخالد أباظة جاى يقولك عاوزين نحبس الوزير قبل المواطن العادى...أنا كنت فى عمان فى مسقط.....حاجة تشرح القلب...تمشى عدل غصب عنك...الشوارع زى الفل...والسرعات مناسبة للشوارع...طب هتجرى ليه؟....وسألت سواق هناك افرض معايا مراتى وتعبانة وطالع بيها ع المستشفى...والطريق الساعة 1 بالليل فاضى...غصب عنى هجرى...ساعتها الرادار هيعمل ايه؟.....قالى اجابة شلنى....قالى لما توصل المستشفى هات منها مايثبت ان عندك حالة طارئه...وقدم الورقة تانى يوم للمرور هيشيل لك المخالفة........هو ده القانون اللى الواحد يحترمه
موضوع مفيد جدااااااااااااا
لسه دافع النهارده المخالفات
كان فيهم رادار على الزراعى بسرعه 97 وفعلا شفت الصوره
ورقم العربيه واضح جدا حتى البادج اللى على النمره الاماميه واضح
وعرفت انى ممكن اشيل اى مخالفات الا مخالفه الرادار المصوره
وغرامتها 1500 جنيه فى التجديد ونزلت للحد الادنى 300 جنيه
و لسه الناس الحلوين اللي لسه بيجروا علي الدائري و مش مقتنعين أن الرادارات شغالي و نازلة تصوير فيهم لما ييجوا يجددوا يبقوا يقولوا لنا أتلقطوا كام مخالفة و دفعوا كام
أحنا حذرنا هنا اكثر من مرة و مع ذلك في ناس مش مصدقة و مش مقتنعة
اللهم هل بلغت , اللهم فأشهد
:Copy of rfds:
مع خالص تحياتي
م/ سمير الشهاوي