ياجماعة عايز اعرف جدول الصيانة الخاص بنيسان صانى
ولكم جزيل شكرى وامتنانى
خالد شاهين
ياجماعة عايز اعرف جدول الصيانة الخاص بنيسان صانى
ولكم جزيل شكرى وامتنانى
خالد شاهين
من عينيا يا باشا، بس اسمحلى اكتبهم على اكتر من رسالة لأن الموضوع طويل
الرسالة الاولى: حتى 20 ألف كيلومتر
صيانة الألف كيلو:
فحص شد جميع السيور
فحص رباط فرن الشمكان
فحص منظومة الديريكسيون والعفشة وأكسات الجر
صيانة الخمسة آلاف:
تنظيف فلتر الهواء
تغيير الزيت والفلتر
فحص تيل الفرامل والطنابير
تشحيم الابواب
صيانة العشرة آلاف:
تنظيف فلتر الهواء
تغيير زيت المحرك والفلتر (حسب مدة الزيت)
فحص سائل التبريد
فحص البوجيهات
فحص زيت الفرامل
فحص زيت الباور
فحص الفرامل والدبرياج ونظام العادم
فحص زيت الفتيس
فحص التيل والطنابير
فحص جميع وصلات منظومة الديريكسيون
صيانة 15 ألف
تنظيف فلتر الهواء
تغيير زيت المحرك والفلتر
فحص التيل والطنابير
فحص جميع وصلات منظومة الديريكسيون
صيانة 20 ألف
تنظيف فلتر الهواء
تغيير زيت المحرك والفلتر (حسب مدة الزيت)
تغيير فلتر البنزين للأنواع الموجود بها الفلتر (الكتالوج عام ولذلك انا مش عارف العربية فيها فلتر وللا لأ)
فحص نظام التبريد
فحص السيور
تغيير البوجيهات
تغيير زيت الفرامل
فحص زيت الباور
فحص الفرامل والدبرياج ونظام العادم
فحص زيت الفتيس
فحص التيل والطنابير
فحص جميع وصلات منظومة الديريكسيون
فحص احزمة الأمان
استاذ سبعاوى شكرا على مجهودك وردك
بس انا كنت عايز اسال على حاجه
انا يوم السبت عملت صيانة الالف وتم تغيير الزيت والفلتر
فهل كده صح ولا ضحكو عليه ولا ايه لان حضرتك مش كاتب ان فى تغيير زيت فى صيانة الالف
على فكره انا غيرت زيت موبيل وان وفلتر ودفعت كله 215 جنيه وده كان فى العوض جروب
وشكرا ومعلش طولت عليكم
تغيير الزيت فى الألف الأولى مش مكتوب فى جدول الصيانة، وكذلك مودرن موتورز مش بيغيروا بعد ألف، لكن السبع والعوض بيغيروا بعد ألف
هو الأغلب انه زيادة حرص منهم، بس عموما انا مش بغير زيت فى التوكيل خالص، انا بغير زيت فى المحطة علشان بحط شل، وبقول لهم فى التوكيل انا مش عايز غيار زيت
شكرا لحضرتك على الرد السريع
انا شايف ان ده مش حرص ده استهبال للناس
اصل المفروض الموضوع ليه قواعد موضوعه من المصنع اللى عامل العربيه
لكن مركز صيانه يغير زيت والتانى لا يبقى اسمه عدم نظام وجهل اصل الموضوع 1+1=2
يعنى مش اختراع انهم يعرفو تعليمات المصنع وينفذوها
معلش انا طولت بس اتعصبت فعلا وشكرا تانى لحضرتك
شكرا جزيلا لباشمهندسنا العزيز سبعاوى
وفى انتظار باقى الجدول
وانا عامل حوالى 500 كيلو الان ياترى ما هو نوع الزيت الافضل وممكن اغيرة خارج التوكيل وبعد كام كيلو
بصراحة انا بفضل شل عن موبيل ليس لأسباب علمية ولكن بطول التجربة لسنوات عديدة، يعنى كنت بحط موبيل XHP فى العربية الشاهين كنت بحس انه عادى، لكن الشل هيليكس الأصفر والتوتال كوارتز 5000كان اداؤهم معاها اكثر من ممتاز، كذلك الشل X100 مع كل العربيات القديمة كان بيريح المحركات جدا، وبرضه تجربتى من الموبيل 1 والشل ألترا حسستنى ان الشل الترا مش بيحل حتى بعد 10 آلاف كيلومتر وبيحافظ على مستوى اداء المحرك
عاجز عن الشكر وخالص تقديرى واحتراماتى
م/ أشرف مرسى المنيا
بعد إذنك يا باشمهندس سبعاوي المكتوب في كتيب الضمان إن تغيير الزيت و الفلتر بعد 5000 كلم للخدمة الشاقة فقط (a, B, C, D, E) أما الخدمة العادية فبعد 10000 كلم. من فضلك صحح لي المعلومة لو كنت مخطئ و لكم جزيل الشكر
صيانة الخمسة آلاف:
تنظيف فلتر الهواء
تغيير الزيت والفلتر
فحص تيل الفرامل والطنابير
تشحيم الابواب