انا نسيت أقولك عملت أيه ؟
العميدة متفاهمة ؟؟؟؟؟؟؟
يبان عليها كدة بس
انما هي
ياعوذ بالله
أي حد غيرها
علي العموم ربنا يسهل
وانا اللي يحصل يحصل
انا مش هعرف مصلحتي أكتر من ربنا
يمكن يكون ده كويس
انا هعمل اللي هقدر عليه
وربنا يسهل
عرض للطباعة
انا والعياذ بالله منها كلمه
ماسك كنترول سنه بحالها فى الكليه عندى
واعتقد ان حالتك سهله جدا..لآنك بتقول شايل 6 مواد وانت السنه اللى فاتت جايب جيد جدآ.. وزميلك اللى وراك فى الكشف نفس النتيجه بالضبط
اغلب الظن انهم فى ملف الExcel عملوا copy & paste وبالغلط انت اخدت نفس السطر بتاعه
بتحصل
اتظلم.. ولما الصح يبان بتاخد كل فلوسك
وربنا معاك
اوعى تفرط فى يوم واحد يا جو .. توكل على الله واتظلم وان شاء الله خير ... ومن كلامك انت انسان مجتهد يبقى الطبيعى انك تكون فى مكانك الطبيعى
مش تعيد السنة زى اى واحد بيصيع طول السنة .... انوى وتوكل وان شاء الله بسيطة
اعمل التظلم واتوكل علي الله
الدكتور ملوش علاقى بموضوع التظلم ده
لو حصلت اطلع لوكبل الكليه لشئون الطلاب بس لو انت واثق من حلك حتي لو حصلت انك ترفع قضية متسيبش حقك
ايه الموقف اللى خلاك تشتم الدكتور ؟!
اتظلم وخد حقك وغالباً هتكون غلطه في الرصد
انا ابويا ماسك كنترول كامل ولجنه تظلمات في جامعة القاهره
ودكتور الماده مبيعرفش مين اللي عمل تظلم من اللي معملش
ممكن يكون عندكم كده
ولو انت واثق قوي ومجابوش حقك لا قدر الله
ارفع قضيه فوراً ومتسيبش حقك
ماهو ده اللي مموتني
أبقي مفروم طول السنة وملاقيش أقل واجب ( النتيجة )
مش سايبهم
أمال ليه مخوفينا كدة
ربنا يسهل وأعرف أعمل حاجة معاهم
أيه الأحراج ده
مش هينفع أكتبه هنا
معلش
انا وراهم والزمن طويل
ربنا يستر بقي
لحسان الكلية ده شرها وحش
بص بقى
الحق حق
حكاية انك شتمت الدكتور دى صعبة جدا و غير مقبولة على الاطلاق و محتاجة موقف جلل -كبيركبير يعنى- عشان يبقى معاك حق او على الاصح معليكش لوم
فانت لو مش على حق فى الموقف ده
تحمد ربنا و تبوس ايدك وش و ضهر انك شيلت 6 مواد بس
لانك كان ممكن تتفصل
و الكلية مهما كنت انت شاطر او مجتهد او ذكى او عبقرى مش هتستفيد انها تخرجك و انت ممكن تغلط غلط زى ده بره و تتعامل كده بل على العكس تماما
و انسى ان اعادة الرصد ترجعلك حاجة لان الحكاية مش حكاية تصحيح و اعادة الرصد مفيش منها ضرر او قلق بالمناسبة
يعنى لو كنت مظلوم فانت تقدم على اعادة الرصد و تصعد الموقف بانك توصل لناس مناصبها كبيرة و محترمة تتوسط بينك و بين ادارة الكلية و الدكاترة و تمشى فى كل الطرق زى ما قال الافاضل بانك ترفع قضية مثلا ، على فكرة العميدة خلصت فترة العمادة بتاعتها
و لو مكونتش مظلوم تاخد والدك و تروح تتاسف للراجل و مش عشان ينجحك ، عشان انت غلطت و توصلو معاه لحل حتى لو حولت من الكلية
معلش كلامى ناشف شوية بس انا بكلمك بكل صراحة و امانة
انا عارف انت بتقول أيه وقصدك أيه ومقدر كلامك جدا
الموقف كان مستفز جدااااااا
ومع ذلك مهما كان الموقف مكانش لازم أشتم
ولكن هي جت كدة
غلطة مني
هو كان مستفز وكان بيقل أدبه ومكانش لازم أجاريه خالص
غلطي معترف بيه
بس مش يشيلني كل المواد ده
وممكن يكون مش هو السبب وغلط رصد
انا أتأسفت ولكن بصورة غير مباشرة
ولو رحتله دلوقتي يبقي معناها اني بقوله ينجحني وكدة بهين نفسي
انا ممكن أتفصل من الكلية وبعد كدة أعتذرله
انما في الموقف اللي فيه دلوقتي هيبقي ليها معاني كتير غير اللي انا أقصدها
ربنا يقدم اللي فيه الخير
انا ونصيبي بقي