انا اسه مخلص تانيه كهرباء معاك يا جورج ..انت قسم ايه و سنه ايه؟؟
عرض للطباعة
انا اسه مخلص تانيه كهرباء معاك يا جورج ..انت قسم ايه و سنه ايه؟؟
قدم على تظلم وان شاء الله خير وتخليك فى القسم الى انت عاوزه
حبيبى يا جورج انا برضو مادتين الترم الاول و4 الترم التانى ورحت اول امبارح قدمت التظلمات فى 4 مواد بعيد عنك لقيت الدفعة كلها هناك والست التيت بنت التيت وانا بدفعلهااا الفلوس بكل سخافها بتكلم زميلتها وتقولها وهيا بتضحك ضحكة مستفزة
( اية دة هوا الدفعة كلها ساقطة ولا اية )
روح قدم يا ابنى وسيبها على الله انا برضو سمعى نفس الكلام الى الناس قلهولك دة وانا الدكاترة هاتستقصد الواحد كدة بس انا قولت اسبها على الله اتعدلت النتيجة خير خفت المواد خير برضو
----------
وعلى فكرة نتيجة عين شمس السنة دى فيهاااااااا حاجة مش طبيعية
فى كل الكليات
عملت أيه ؟
ان شاء الله تكون أمتياز
انا في ميكانيكا .... قسم :_Alshmokh08[1]:
يارب
نفسي أخليني في نفس القسم
ربنا يسهل
:_Alshmokh08[1]::majd(4):
ده جامعة معفنة
تيييييييييييييييييييييييت ( شتيمة وحشة قوي )
انا هتظلم وربنا يستر
نفعت يبقي خير وبركة
منفعتش يبقي مليش نصيب بقي في ميكانيكا
انت حالل كويس طيب يا غزالي ؟
بس نفس الكلام الى انا قلتة نفع نفع منفعش يبئى الحمد لله برضو
بص يا جورج انا فى مادة بس الى كنت عاكك الدنيا فيها الى هيا الاحصاء والحاجة ماجى ربنا ياخدها انتقمت مننا فى الامتحان شر انتقام فا دة عكيت فية
غير كدة المحاسبة مثلا طبعا لازم حبة حل وحبة تعبيط وتئليف غير كدة حليت الحمد لله كويس اوى
----------
انا هاضحكك على التصحيح
فى مادة عندنا اسمها لغة بتكون نص انجليزى ونص التانى اى مادة تانية احصا اقتصاد رياضة اى حاجة حاجة حسب السنة
المهم الترم دة رياضة
كان النص بتاعهاااا 8 مسائل ب 12 درجة واللغة ب 8 درجات انا حليت الرياضة الاول واول نقطة فيها اثبات تافهة جدا جداجدا وعملة ومتاكد منة ب 2 درجة النقطة دى
والباقى فى حاجات فى المسائل فى حاجات حليتها كويس وحاجات نص نص
وفى حاجات كتبت القانون بتاعهااا ومعرفتش اكمل باقى الخطوات
واما اللغة فا مسبتش فيها حاجة معدا كلمة مكنتش عارف الترجمة فا معرفتش اجيب عسكهاا ودة كان المطلوب
تخيل خت كام فى الللغة دى
جبت 2
الى هما درجة اول نقطة فى الامتحان تقربيا بس
وسلملى على الدكاترة والتصحيح
انا معاك ان في ناس متستاهلش
بس تعنت الدكاتره مع الدفعه كلها واكيد اللي يستاهل يدخل الكليه اكتر من اللي ميستاهلش وعندك جورج كمثال جايب تقدير السنه اللي فاتت وشايل المواد كلها السنادي!!
دي بقت حالة تبلد عامه في كل الشعب هي جت على الدكاتره !
وبعدين في ناس مجانين بجد والله عمري ما تخيلت ناس كده يعني لا نقاش ولا اسئله والامتحان زفت وييجي يقولك انا مصححتش
دا غير مثلاً عندنا في القاهره قسم الكريديت اللي بفلوس اقسم بالله دكتور المساحه كنت بسأله يقولي مش فاضيلك والله لقيته واقف مع بتوع كريديت على التيودوليت في عز الشمس وواخدهم واحد واحد وتعالى يا حبيبي دا بيتظبط كده ولازم كلكو تفهمو .........
مش عايز اقول لحضرتك ان المعيد كان بيرميلنا الجهاز ويقولنا اطلعو عالسطح وعيشو معاه !
وعندك مثال تاني لدكتوره بتدرس عندنا وفي الجامعه الامريكيه
دي جت في ترم مصححتش الورق والنتيجه اتأخرت شهور مش اسابيع بسببها ولما سألت بتوع الـauc قالولي ان النتيجه كانت متعلقه الاسبوع اللي بعد الامتحان!!!!! وطبعاً النتيجه كانت طالعه لا تدل على الواقع ولا تمت له بصله والتقديرات ماشيه بالبركه ومرره في محاضره قالتلنا انتو فاكريني صححت الورق اصلاً دا انا بجيلكم بالعافيه !
ولسه عندي امثله كتير عايزه مواضيع علشان تتحكي ومن دكاتره بنحسبهم من العلماء واسماء معروفه مش اي كلام
دا غير معرفتي بناس منهم شخصياً بحكم ان والدي دكتور
وطبعاً دا ميمنعش وجود محترمين بس قليلين جداً جداً
وانا لو والدي كان بيعامل الطلبه كده مكنتش هاكل من فلوسه اصلاً لانها هتكون حرام
عملت ايه يا جورج يا حبيبي
ايه الأخبار طمني ؟