الموضوع: وامصيبتاه :(( انا في مصيبة :((

المشاركة الأصلية كتبت بواسطة mzeid

ربنا معاكم
و يا ريت تبقى الأخبار كويسة

يا مسهل الحال يا رب

المشاركة الأصلية كتبت بواسطة nile heart

انا والعياذ بالله منها كلمه

ماسك كنترول سنه بحالها فى الكليه عندى

واعتقد ان حالتك سهله جدا..لآنك بتقول شايل 6 مواد وانت السنه اللى فاتت جايب جيد جدآ.. وزميلك اللى وراك فى الكشف نفس النتيجه بالضبط

اغلب الظن انهم فى ملف الexcel عملوا copy & paste وبالغلط انت اخدت نفس السطر بتاعه

بتحصل

اتظلم.. ولما الصح يبان بتاخد كل فلوسك
وربنا معاك

تمام كدة
غالبا هو ده اللى حصل
والاحتمال التانى ان فعلا كان فيه مشاكل عند جورج في الترم التاني

المشاركة الأصلية كتبت بواسطة eng.geo

ربنا يطمنك
هي شكلها الحكاية سهلة
بس من اللي بسمعه عن التظلم يخليني أعيد السنة أحسن
ربنا يستر

مفيش اي مشكلة في التظلم

المشاركة الأصلية كتبت بواسطة ralliart

اتظلم وخد حقك وغالباً هتكون غلطه في الرصد
انا ابويا ماسك كنترول كامل ولجنه تظلمات في جامعة القاهره
ودكتور الماده مبيعرفش مين اللي عمل تظلم من اللي معملش
ممكن يكون عندكم كده
ولو انت واثق قوي ومجابوش حقك لا قدر الله
ارفع قضيه فوراً ومتسيبش حقك

صح كل كلامك مظبوط

المشاركة الأصلية كتبت بواسطة nile heart

ياجماعه انتوا بتتكلموا عن الدكاتره دى وكانهم فوق البشر وملهومش كبير!!
اقسم بالله اى دكتور حدود قدراته هى الشفوى او اعمال السنه بتاعة مادته فقط
يعنى مستحيل الدكتور ده يقدر يسقطك فى ماده غير مادته (ده لو قدر كمان)
لآن مستحيل الدكتور يعرف دى ورقة مين
ولو عرف هتبقى مادته فقط
مش هيقدر يلف على زمايله يقولهم والنبى سقطوللى الواد ده عشان شتمنى
طيب مش انت ف هندسة عين شمس
انا هاحكيلك على موقف حصل معانا
ف 3 مدنى
محاضرة المساحه للدكتور عثمان ابو بيه الله يرحمه
صاحبى قعد يتكلم والدكتور قفشه فى لحظه غضب
قام سحب كارنيهه.. ولغى المحاضره..وقالله قدام 200 طالب بالحرف "انا ابقى مره لو نجحت"..ومشى م المدرج
صاحبى ده كان من الاوائل معايا
عارف دلوقت بيشتغل ابه؟

مدرس فى نفس القسم :)

ربنا ويفقك ويوفق زميلك
وعلى فكرة مش صعب بس دكتور يلف على زمايله يقولهم سقطوا لي الطالب ده
ده مستحيل
يعني لو دكتور جه يقولي سقط الطالب ده يبقي ربنا يكون في عونه على الكلام اللى هياخده مني هاتتمسح بيه الارض
التصحيح والنتيجة المفروض وعادة مالهمش اي علاقة باي حاجة بتحصل في المدرج
ولو دكتور كان تافه ودول شواذ واستقصد طالب يبقي بيسقطه في مادته بس

المشاركة الأصلية كتبت بواسطة cheetos_892005

حضرتك ممكن تستغرب او تقول عليا قليل الادب
لو قلتلك ان 70 % من دكاترتنا اول ما تشوف وشهم
بتشتمهم اوتوماتيك
والله مش هيحس غير اللي داقهم

المشاركة الأصلية كتبت بواسطة ralliart

+1111111
دكاترة هندسه تحس ان عليهم غضب من ربنا
وتحس انهم بيخلصو منك تار وفيهم فئه اسوأ من ظباط الشرطه في الاستفزاز والابتزاز

ربنا عالظالم والمفتري :_alshmokh08[1]:

اولا الحمد لله اني مش هندسة
ثانيا منكم لله يعني 70% منهم بتحس انهم عايزين يتشتموا اوتوماتيك والطلبة كلهم عسل
ده انتم طلبة عسل

المشاركة الأصلية كتبت بواسطة ralliart

انا معاك ان في ناس متستاهلش
بس تعنت الدكاتره مع الدفعه كلها واكيد اللي يستاهل يدخل الكليه اكتر من اللي ميستاهلش وعندك جورج كمثال جايب تقدير السنه اللي فاتت وشايل المواد كلها السنادي!!
دي بقت حالة تبلد عامه في كل الشعب هي جت على الدكاتره !
وبعدين في ناس مجانين بجد والله عمري ما تخيلت ناس كده يعني لا نقاش ولا اسئله والامتحان زفت وييجي يقولك انا مصححتش

دا غير مثلاً عندنا في القاهره قسم الكريديت اللي بفلوس اقسم بالله دكتور المساحه كنت بسأله يقولي مش فاضيلك والله لقيته واقف مع بتوع كريديت على التيودوليت في عز الشمس وواخدهم واحد واحد وتعالى يا حبيبي دا بيتظبط كده ولازم كلكو تفهمو .........
مش عايز اقول لحضرتك ان المعيد كان بيرميلنا الجهاز ويقولنا اطلعو عالسطح وعيشو معاه !

وعندك مثال تاني لدكتوره بتدرس عندنا وفي الجامعه الامريكيه
دي جت في ترم مصححتش الورق والنتيجه اتأخرت شهور مش اسابيع بسببها ولما سألت بتوع الـauc قالولي ان النتيجه كانت متعلقه الاسبوع اللي بعد الامتحان!!!!! وطبعاً النتيجه كانت طالعه لا تدل على الواقع ولا تمت له بصله والتقديرات ماشيه بالبركه ومرره في محاضره قالتلنا انتو فاكريني صححت الورق اصلاً دا انا بجيلكم بالعافيه !

ولسه عندي امثله كتير عايزه مواضيع علشان تتحكي ومن دكاتره بنحسبهم من العلماء واسماء معروفه مش اي كلام

دا غير معرفتي بناس منهم شخصياً بحكم ان والدي دكتور

وطبعاً دا ميمنعش وجود محترمين بس قليلين جداً جداً
وانا لو والدي كان بيعامل الطلبه كده مكنتش هاكل من فلوسه اصلاً لانها هتكون حرام

من الاخر كدة انت بالذات تجهز شنطة هدومك علشان هطبع الموضوع ده واجي ادي نسخة منه لابوك ونسخة منه لابو مصطفي وصاحبكم التالت
واحشني يا راجل