السلام عليكم و رحمة الله و بركاته
صديق عزيز يريد شراء أحدى السيارتين المذكورتين أعلاه
مش قادر أفيده علشان أنا معرفش حد بصفه شخصيه يملك أي من السيارتين
لو في أي حد ممكن يفيدنا يبقى جزاه الله خيرا:)
السلام عليكم و رحمة الله و بركاته
صديق عزيز يريد شراء أحدى السيارتين المذكورتين أعلاه
مش قادر أفيده علشان أنا معرفش حد بصفه شخصيه يملك أي من السيارتين
لو في أي حد ممكن يفيدنا يبقى جزاه الله خيرا:)
بصراحة ردى كان لا تعليق بس علشان خطرك هرد
البريليانس دى عربية صينى تعباااااانة من جوة تحسها لعبة فعلا صحيح شكلها حلو بس مكونتها رخيصصصصة و دا واضح اول ما تركبها
دا crash test الأول بتاعها
www.youtube.com/watch?v=F06LjugtIUo
و دا crash test بعد شهرين و نصف
www.youtube.com/watch?v=0ekxvQR97O0
ألاول اكيد كل اللى فى العربية مات فدى عربية الواحد يثق فيها؟
التانى العربية حصل فيها تطور مزهل و تخطت الاختبار ب 3 نجوم
فالعربية لسه تحت التطوير و الواحد ميشتريش اى بريليان الا بعد 5-6 سنين على الأقل
معنى ان العربية نجحت بعد اقل من 3 شهور انهم عندهم مستويات للجودة و طبعا مستوى الجودة اللى بينزل مصر معروف!!!!
و حتى لو نزلوا العربية اللى واخدة 3 نجوم برده ده قليل دلوقتى , اى عربية حديثة دلوقتى لازم تاخد 5 او 4 بالقليل
انصحه يبعد عنها خالص و يبعد عن الصينى خصوصا و يتوكل على الله و يشترى السوناتا.
و دا crash test بتاع السوناتا
www.youtube.com/watch?v=nW_FTpEB1Yo
غير كدة سيبك من الجودة السوناتا اقوى (ال2000cc حصان 144)
البريليانس موتور ميتسوبيشى قديم(129 حصان برده 2000cc)
السوناتا عربية محترمة عالميا و مبيعاتها بالهبل يعنى مضمونة من الاخر التانية عربية صينى نفسها تبيع فى أوروبا و لسه فى الأول خالص
هيونداي سوناتا
sonata without speaking
متشكر جدا
أنا برضه كنت مع الكوري بس قلت أتأكد من حد عنده فكره كاملة عن الموضوع
مره تانيه باكرر شكري للجميع:)
لا دى ولا دى
قوله يجيب أوكتافيا A5 ومش هيندم أبداً - ومايقلقش من الموتور لأنه واضح من الإختيارات إن هو غاوى سرعة ومش عايز يركب 1600 سى سى
الأوكتافيا فتيس أوتوماتيك 6 سرعات أمامية بيخلى العربية فى منتهى النشاط والإستجابة عند أى سرعة ، وجسم متين جدا جدا جدا (كمر) حديد ورا الإكصدامات ، عن تجربة حادثة مع لانوس مسكينة على طريق الإسكندرية ، نتيجة الحادثة مرعبة لللانوس ونزول مياة الرادياتير ومأساه ، والسكودا مجرد قطع جزئى فى الإكصدام والله لا يتعدى طوله 10 سم بشوفه بإيدى وأنا مش مصدق ومشيت عادى طبعاً وراسها مرفوعة وسط ذهولنا !
السوناتا ضخمة و شكلها فخم الحقيقة وخصوصاً من الخارج ، وأعتقد إنها موديل له إعتمادية عالية لأنها من ضمن العربيات اللى بتشتغل تاكسى فى السعودية وده يأكد إعتماديتها العالية - لو مصمم يبقى السوناتا أكيد أفضل من جالينا بالعقل والمنطق والشكل كمان من غير تجربة حتى
إنما نصيحة الأوروبى مالوش حل - ثبات وأمان وأداء وعمر طويل و خامات عالية الجودة
ياراجل حرام عليك . هيونداي سوناتا طبعــــــــــــــــــــــ ــــاً
الفرق كبير جداً . فرق السما من العما
هيونداي سوناتا
السوناتا طبعاً .....شوف مشاركة Som3aa فى الموضوع دة ...هايحببك فى اللى عمل السوناتا
http://www.nilemotors.net/Nile/showt...515#post173515