ساعدونى

**yarisawi** · 05-08-2010 12:20 AM

وانا ماشى بالعربية الموبايل بتاعى فصل شحن فحطيت الشاحن فى الولاعة وبعد شوية بشغل الموبايل مشتغلش واكتشفت ان الولاعة مش شغالة قلت يمكن العيب من الشاحن فحطيت البتاعة اللى بنولع بيها السجاير وضغت غليها مطلعطش وجربت الكشاف اللى فى الشنطة منورش فاعيب ده اصلحه ازاى

**ahmedyehia515** · 05-08-2010 12:28 AM

انا نفس الموضوع حصل معايا بس كان السبب انو الدينامو مكانش بيشحن البطارية بسش بالإضافة للولاعة ، نور العربية مكنش بيشتغل بس عشان كنا الصبح مكنتش واخد بالى و لمبة الدينامو اللى فى التابلوه كانت محروقة بس ده احتمال بعيد شوية.

متهيألى أول حاجة انك تتأكد ان كل الفيوزات سليمة عشان أكيد الولاعة ليها فيوز و مادام كهربا العربية سليمة يبقى فى احتمالين : يا الولاعة زات نفسها فيها مشكلة أو الفيوز بتاعها.

موضوع الفيوز ده كده تخمين منى لحد لما يح يقول الخبر اليقين بس ان شاء الله بسيطة

**yarisawi** · 05-08-2010 02:34 AM

شكرا مسنى الردود الاخرى

**zezo_22** · 05-08-2010 04:03 AM

اكيد فيوز الولاعه ضرب ياأما الولاعه نفسها باظت مفيش غير كدا

**أبو عبدالله** · 05-08-2010 08:33 AM

فيوز اولاعة اكيد ان شاء الله
افتح علبة الفيوزات وحاول تشوف الرسمة اللي على ظهر الغطاء هتلاقي متصنف فيها الفيوزات كلها شوف بتاع الولاعه انهي واحد واكشف عليه شوفه محروق ولا لأ