سؤال بيجى فى بالى كتير هو الميه الى بتنزل من التكييف دى عباره عن ميه صالحه للاستخدام ولا ملهاش لزمه
يعنى هل هى فعلا ممكن تبقى زى الميه المقطره خاليه من الاملاح ويمكن استخدامها ولالا
حد يقوللى اذا كنت بخرف ولالا اصلى اخر اليوم :majd(2):
عرض للطباعة
سؤال بيجى فى بالى كتير هو الميه الى بتنزل من التكييف دى عباره عن ميه صالحه للاستخدام ولا ملهاش لزمه
يعنى هل هى فعلا ممكن تبقى زى الميه المقطره خاليه من الاملاح ويمكن استخدامها ولالا
حد يقوللى اذا كنت بخرف ولالا اصلى اخر اليوم :majd(2):
قريت قبل كده هنا ان ميه التكييف تنفع للراديتير بدل الميه الخضرا
انا بجمعها في جردل و اروي بيها الزرع
و النتيجه ان الزرع احسن و مفتح اكتر بكتييييييييير من المياه العاديه
انا بحطها في رايديتير العربية واحيانا بزود بيها البطارية وقربت المساحات
ميه التكييف هي ميه مقطره فعلا
ومفيهاش املاح
المياه الخارجة من التكييف مياه متكثفة من الهواء قليلة الأملاح في أول الأمر
ثم تنزل على ملف التبريد الألمنيوم أو النحاس فتقوم بغسله وشطفه جيداً من كل الأوساخ التي عليه نتيجة الأكسدة والصدأ والأتربة والحشرات والبكتيريا والفطريات التي تدخلها له المروحة الداخلية
ثم تنزل في مستنقع قعر المكيف المليء بالأوساخ المتراكمة والذي قد يكون قد ترك لفترة به بعض الماء والأوساخ في القعر لتختلط به بتنتج وسطاً من التلوث المحترم
ثم ينزل لحضراتكم من خرطوم التكييف إلى الجردل الذي نجعله تحته
تقدر تقول أن هذا الماء من الممكن إعتباره بنفس جودة ونقاوة مياه المجاري
ممكن تسقي بيه الزرع وأنا بعمل كده
لكن نعتبره ميه مقطرة إزاي يا رجالة
كل ما في الأمر إن الناس واخدة بالها من حاجة واحدة وهي إن هذه المياة متكثفة من الهواء
لكن الحاجات التانية مخدوش بالهم منها خالص
المية بيبقى كلها طين
دي مياة صرف التكييف
أنا عندي التكييف مش بينزل ميه خالص مع أن له فتحة صرف وأنا مستغرب من الموضوع ده... تفتكروا ليه؟
المياة الخضراء اللي في جراكن مافيهاش مانع صدأ و لا حاجة مجرد مادة بترفع درجه غليان المياة
العبوات المعدنية المستوردة هي فقك التي بها اضافات لمنع الصدأ و بها ايثيلين جليكول كما اذكر لرفع درجه غليان الماء
انما المياة اللي في جراكن بلاستك هي مياة حنفية باملاحها بمعادن ثقيلة مذابة فيها من مواسير المياة برمال و اتربة من شبكة المواسير و مضاف عليها لون اخضر وإاثيلين جليكول بسيط
يعني مياة التكييف المتكثفة افضل منها في حكاية منع الصدأ, و افضل من اضافة مستوردة في كانز, لانك برضة حاتكمل الردياتير مياة حنفية باملاحها بسلاطاتها بباباغنوجها
ايوة صح جدا
حضرتك الكلام دة صحيح اول ما تشغل التكييف اول الصيف بعدما كان مركون لا يعمل لشهور الشتاء انما بمجرد تشغيلة يومين بيكون المياة غسلت كل ملحقاتة من السربنتينة لحوض الدرين لخرطوم الصرف المياة دي تعتبر ماء جاري باستمرار لاستمرار تدفق المياة طول ما التكييف شغال و بالتالي هي تقوم بغسيل السربنتينة (المكثف) و حوض الدرين و الدليل ان حضرتك لو بصيت للون الماء بعد تجميعه من الدرين ستجدة مياة صافية و رائقة و لا يوجد بها اي عكارة او تراب او طين
+1
ياباشا زيها زي المياة المقطرة اللي بتتباع في محطة البنزين تماما و انا لسنين كنت باضيفها للبطارية و للردياتير كمان و لم اعاني من املاح في دورة التبريد بتاتا
حضرتك بص عالمياة كويس ستجدها صافية رائقة و لا يوجد بها اي تراب و لا طين
ربما اول الصيف بس عند تشغيل التكييف بعد ركنة طول الشتاء لكن بعد يوم تشغيل المياة المتجمعه ستغسل المكثف و الدرين و ستخرج صافية
هل تعلم حضرتك ان شركة بيبسي كولا تقوم بتجميع المياة المتكثفة على الشللرات و تقوم بتعبئتها في زجاجات و تطرحها في السوق باسم أكوافينا !!!! دوقها و قوللي اية رأيك
إزيك يا أدهم باشا
بالنسبة للمياه الخارجة من المكيف
في بداية تشغيل المكيف بعد توقف طويل يكون غير نظيف وبالتالي المياه تخرج منه متسخة
طيب بعد فترة تشغيل هل نقول أن هذه المياه متكثفة وخالية من الأملاح
أكيد حضرتك عارف إن التكثف بيتم من على الملف الداخلي المبخر
والملف الداخلي يتم تمرير الهواء عليه بواسطة مروحة تسحب الهواء من الغرفة
الهواء يدخل للوحدة الداخلية محمل بالغبار والبكتيريا والفطريات والعوالق من كل الأنواع
هذه العوالق بعضها يتم حجبه بالفلتر الداخلي والآخر يمر ليلتصق بسطح مواسير الوحدة الداخلية الرطبة
والمياه المتكثفة تحمل معها تلك الأوساخ لتنزل في خرطوم تصريف الماء
لذلك فلن تكون مياه مقطرة نظيفة أبداً
بل هي مياه متسخة مليئة بالأملاح والأمراض وليس من الشرط أن تكون مرئية
يعني النظر ميحكمش
طيب حضرتك لم تجد أثر تمليح في الردياتير وغيره رغم إستعمالك لها
أنا أضع في الردياتير ماء من الحنفية ولم يملح يوماً من الأيام
بالنسبة للبطارية التأثير يكون على المدى الطويل
ولو محصلش يبقى ربنا كرم
صديقي العزيز و الله زمان, ارجو ان تكون بخير
انا معك ان السربنتينة يتم تمرير هواء الغرفة عليها
لكن التراب يتم حجبة عالفلتر الداخلي
الفطريات و الامراض ياباشا منين دة هواء الغرفة اللي عايشين فيها مش مستشفى
و بعدين انا باقول للردياتير و البطارية مش للشرب
انا مع حضرتك انة اكيد المياة دي مش مياة نقية 100% و اكيج فية تراب من السربنتينة او الدرين او الخرطوم لكن اعتقد انة المياة دي 100% انقى من الاملاح من مياة مواسيرنا اللي كلها صدأ و تراب و بلاوي و جابت الفشل الكلوي للبلد
اللى انا اعرفها ان مياه التكيف خاليه من الاملاح علشان من بخار الجو بس المشكله انها قلويه وده خطر على النحاس اللى فى الريداتير وتقبلوا مرورى
للأسف لا يتم حجبه
الفلتر يحجب الأجزاء الكبيرة فقط
لكن الأجزاء الصغيرة تمر منه وللأسف الأجزاء الصغيرة غالباً هي المشكلة العظمى حيث أن أغلبها أملاح
وفي النهاية تخرج المياه مليئة بالأملاح والأوساخ
والأمر الآخر هو أن المكيف لا يكثف المياه فقط ولكنه يكثف الأحماض والقلويات وغيرها المتبخره في الهواء
أكيد طبعاً الردياتير مش هيعي ولا هيمرض
لكن لما تبقى مياه الحنفية أنظف وأنقى ألف مرة من مياه صرف المكيف
فمن الخطأ أن أضعها في الردياتير
طالما أنا هحط مياه عادية يبقى من الحنفية أحسن وأنظف وأقل أملاح وأحماض وبقايا غسيل تراب وطين المروحة
ومسألة إن في حد بيحط منه في الردياتير ومبيحصلش حاجة
لو واحد خد جردل مياه من النيل على طول وحطها في الردياتير مش هيحصل حاجة برضه
ولو من مصرف مش ترعة برضه مش هيحصل حاجة
فسلامة الردياتير هو إستنتاج لا يؤكد أي شيء
الاملاح و الاحماض حاتيجي منين في مياة اتكثفت في ثواني على سربنتينة تكييف و نزلت في درين و منة اتعبت !!!
احماض و قلويات اتكثفت من هواء غرفة في منزل صحي نظيف مش في معمل كيمياء و لا مصنع بطاريات سيارات !!!
و حيث ان المياة جارية باستمرار لا يوجد تفاعل و لا تلوث.
بينما مياة الحنفية بتمشي في مواسير متآكلة اسبوع علشان تجيلك البيت
و كلها املاح و معادن ذائبة فيها
ياباشا انا جالي املاح في جسمي من مياة الحنفية برغم الفلتر اللي في المطبخ و جبت فلتر احدث 6 مرحلة بنظام الريفرس اوسموزس علشان اشرب مياة نقية و خالية من الاملاح و ما بقدرش اشرب اي مياة خارج المنزل الان لاني كنت على وشك يجيللي حصوات في الكلي
فية جهاز اكتروني صغير لقياس نسبة الاملاح في الماء (شبة الترمومتر الديجيتال كدة) اقولك ان الاملاح في المياة 86 جزء في المللي قبل الفلتر
و بعد الفلتر بتنزل لاقل من 12 جزء في المللي, وصلت في احسن الاحوال ل 7و كسور
انت ياباشا بتشرب مياة مملحه و مليانة معادن ثقيلة
املا طبق او بانيو مياة حنفية و سيبة اكتر من يومين و بص في القاع و قوللي على الرواسب و التراب اللي حاتترسب في القاع
حاتقرف تشرب مياة تاني بعدها
يا جماعة الحقيقة أننا لسنا مختلفين
الموضوع ليس للمقارنة بين جودة الحنفية وبين مياه صرف المكيف
الموضوع هو سؤال هل مياه صرف المكيف تماثل المياه المقطرة ؟
أنا رأيي لالالالالالالالالالالالال الالالالالا
لا تمت للمقطرة بصلة
ومياه الحنفية أيضاً لا تمت للمقطرة بصلة
لأن المياه المقطرة المفروض أنها خالية من الأملاح أو شبه خالية من الأملاح
وللعلم فهناك شركات تبيع مياه مقطرة في الأسواق وهي في الحقيقة مياه حنفية معبأة في زجاجات مكتوب عليها مياه مقطرة ولا عزاء للأمانة ربنا ياخدهم
انا بستعملها في العربية والحمد لله لم يحصل اي ضرر ولما ببص للميه وهي متعبية في قزازة بتبقى رايقة وصافية ومفيهاش اي شائب
انا مش عندي بس لما بيييجي الفني اللي بيعمل صيانة للفلتر بيبقى معاه الجهاز و بيقيس للمياة قبل الفلتر و بعدة و انا باخدة منة و اقيس بنفسي و اشوف (منعا للتدليس من الشركات دي) ممكن تسأل شركات الفلاتر تشوف بيجيبوة منين
بس اعتقد اكيد حاتلاقية في شارع الجمهورية او باب اللوق
انا باستعمل مية التكييف
و هى بالسوء ده خالص