الموضوع: هى الميه الى بتنزل من التكيف خاليه من الاملاح

المشاركة الأصلية كتبت بواسطة adham

حضرتك الكلام دة صحيح اول ما تشغل التكييف اول الصيف بعدما كان مركون لا يعمل لشهور الشتاء انما بمجرد تشغيلة يومين بيكون المياة غسلت كل ملحقاتة من السربنتينة لحوض الدرين لخرطوم الصرف المياة دي تعتبر ماء جاري باستمرار لاستمرار تدفق المياة طول ما التكييف شغال و بالتالي هي تقوم بغسيل السربنتينة (المكثف) و حوض الدرين و الدليل ان حضرتك لو بصيت للون الماء بعد تجميعه من الدرين ستجدة مياة صافية و رائقة و لا يوجد بها اي عكارة او تراب او طين

إزيك يا أدهم باشا

بالنسبة للمياه الخارجة من المكيف
في بداية تشغيل المكيف بعد توقف طويل يكون غير نظيف وبالتالي المياه تخرج منه متسخة

طيب بعد فترة تشغيل هل نقول أن هذه المياه متكثفة وخالية من الأملاح
أكيد حضرتك عارف إن التكثف بيتم من على الملف الداخلي المبخر
والملف الداخلي يتم تمرير الهواء عليه بواسطة مروحة تسحب الهواء من الغرفة
الهواء يدخل للوحدة الداخلية محمل بالغبار والبكتيريا والفطريات والعوالق من كل الأنواع
هذه العوالق بعضها يتم حجبه بالفلتر الداخلي والآخر يمر ليلتصق بسطح مواسير الوحدة الداخلية الرطبة
والمياه المتكثفة تحمل معها تلك الأوساخ لتنزل في خرطوم تصريف الماء

لذلك فلن تكون مياه مقطرة نظيفة أبداً
بل هي مياه متسخة مليئة بالأملاح والأمراض وليس من الشرط أن تكون مرئية
يعني النظر ميحكمش

طيب حضرتك لم تجد أثر تمليح في الردياتير وغيره رغم إستعمالك لها
أنا أضع في الردياتير ماء من الحنفية ولم يملح يوماً من الأيام

بالنسبة للبطارية التأثير يكون على المدى الطويل
ولو محصلش يبقى ربنا كرم

المشاركة الأصلية كتبت بواسطة adham

صديقي العزيز و الله زمان, ارجو ان تكون بخير

انا معك ان السربنتينة يتم تمرير هواء الغرفة عليها

لكن التراب يتم حجبة عالفلتر الداخلي

الفطريات و الامراض ياباشا منين دة هواء الغرفة اللي عايشين فيها مش مستشفى

و بعدين انا باقول للردياتير و البطارية مش للشرب

انا مع حضرتك انة اكيد المياة دي مش مياة نقية 100% و اكيج فية تراب من السربنتينة او الدرين او الخرطوم لكن اعتقد انة المياة دي 100% انقى من الاملاح من مياة مواسيرنا اللي كلها صدأ و تراب و بلاوي و جابت الفشل الكلوي للبلد

انا مع الكلام ده واظن انها مش حتجيب امراض للريدراتير ههههههههه

لو على انها مش نضيفه دى ممكن تتعالج لكن انها فيها املاح زيها زى مياه الحنفيه دى كده يبقى ملهاش لزمه

الخلاصه يعنى تنفع للريدراتير ولالا

المشاركة الأصلية كتبت بواسطة adham

انا معك ان السربنتينة يتم تمرير هواء الغرفة عليها

لكن التراب يتم حجبة عالفلتر الداخلي

للأسف لا يتم حجبه
الفلتر يحجب الأجزاء الكبيرة فقط
لكن الأجزاء الصغيرة تمر منه وللأسف الأجزاء الصغيرة غالباً هي المشكلة العظمى حيث أن أغلبها أملاح
وفي النهاية تخرج المياه مليئة بالأملاح والأوساخ

والأمر الآخر هو أن المكيف لا يكثف المياه فقط ولكنه يكثف الأحماض والقلويات وغيرها المتبخره في الهواء

أكيد طبعاً الردياتير مش هيعي ولا هيمرض

لكن لما تبقى مياه الحنفية أنظف وأنقى ألف مرة من مياه صرف المكيف
فمن الخطأ أن أضعها في الردياتير
طالما أنا هحط مياه عادية يبقى من الحنفية أحسن وأنظف وأقل أملاح وأحماض وبقايا غسيل تراب وطين المروحة

ومسألة إن في حد بيحط منه في الردياتير ومبيحصلش حاجة
لو واحد خد جردل مياه من النيل على طول وحطها في الردياتير مش هيحصل حاجة برضه
ولو من مصرف مش ترعة برضه مش هيحصل حاجة

فسلامة الردياتير هو إستنتاج لا يؤكد أي شيء

المشاركة الأصلية كتبت بواسطة ahmed1981

للأسف لا يتم حجبه

الفلتر يحجب الأجزاء الكبيرة فقط
لكن الأجزاء الصغيرة تمر منه وللأسف الأجزاء الصغيرة غالباً هي المشكلة العظمى حيث أن أغلبها أملاح
وفي النهاية تخرج المياه مليئة بالأملاح والأوساخ

والأمر الآخر هو أن المكيف لا يكثف المياه فقط ولكنه يكثف الأحماض والقلويات وغيرها المتبخره في الهواء

أكيد طبعاً الردياتير مش هيعي ولا هيمرض

لكن لما تبقى مياه الحنفية أنظف وأنقى ألف مرة من مياه صرف المكيف
فمن الخطأ أن أضعها في الردياتير
طالما أنا هحط مياه عادية يبقى من الحنفية أحسن وأنظف وأقل أملاح وأحماض وبقايا غسيل تراب وطين المروحة

ومسألة إن في حد بيحط منه في الردياتير ومبيحصلش حاجة
لو واحد خد جردل مياه من النيل على طول وحطها في الردياتير مش هيحصل حاجة برضه
ولو من مصرف مش ترعة برضه مش هيحصل حاجة

فسلامة الردياتير هو إستنتاج لا يؤكد أي شيء

فاهم قصدك وانت فعلا كتر الف خيرك انك فسرت وحللت الموضوع تحليل علمى لكن انا بهزر فى موضوع الريدراتير يمرض ههههههههههههههه انا بهزر بس و ممكن يتخرم ويصدى بدل ميمرض
شكرا على المعلومات القيمه يا فندم