و ليه تروح تغسل صحون فى تركيا ؟؟؟؟
ليه تروح تبقى من الطبقة الدنيا ؟؟؟
و ليه تروح تغسل صحون فى تركيا ؟؟؟؟
ليه تروح تبقى من الطبقة الدنيا ؟؟؟
على فكره روسيا فيها بنات حلوه اوى
وكمان روسيا بلد متستهلش ياعنى الواحد يهاجر عشانها بس لو الواحد يقعد فى روسيا ديه سنه ولا حاجه ويقدر ساعته يطلع لأى بلد اوربيه بسهوله يبقى مفيش مشكله ومينفعش ياعنىالواحد يتجوز اى واحده من اى بلد و يعيش فى بلدها و ياخد الجنسيه و اقامه يبقى كويس حل الجواز ده
أى حته فى العالم فيها بنات حلوة ...
و إللى يسافر يدور على بنات ده مع إحترامى رجل متخلف من الدرجة الأولى ...
لو ههاجر روسيا .. أبقى أهاجر عشان انا بحب البلد دى ..
أو أهاجر لأى دولة و اكون فيها شغال شغلة محترمة و مركز ..
لكن أروح أهين نفسى و اتمرمغ فى تراب الاجانب ... يبقى انا هربت من هنا عشان انا جبان مش قادر أواجه ..
لما اروح مكان .. اروح و انا واقف على رجلى و رافع راسى لفوق
الاتنين مش كويسين............... لكن طبعا غسل الصحون شغلانة شريفة مفيهاش حاجة
طيب مايدور علي بت روسية حلوة و كويسة و يحبها و تحبه لو هوا عايز الطريق دا...
و بطريقة محترمة......... لكن عجوزة .... مش لذيذة خالص
و بعدين في مليون طريقة احسن كتير......
انا طبعا مش مع الجواز بالطريقة دي
بس يا ريت تقوليلي فين شغل التراب ولا الزبالة اللي بيكسب هنا زي هناك
وفين الاحترام للي بيشتغل هنا في الصحون
وهل احنا هنبطل نبص بصة دونية للي بيشتغل هنا فى الصحون
الاول نجاوب على الاسئلة دى وبعدين نقول للناس اشتغلو في الصحون هنا ومتشتغلوش في اوربا عشان عيب
يتزوج من عجوز شمطاء ليهاجر
يعني الهدف من الزواج هو التسلق على تلك الآدمية للوصول لروسيا
الصراحة الواحد بيدعي ربنا إنه ميتحطش في موقف يبيع فيه نفسه عشان الدنيا
الراجل ده بيفكر غلط وسكة جواز المصلحة سكة غلط
ولازم يعرف إن مفيش حاجة ببلاش
غسيل الصحون في تركيا لا أظنه يأكل عيش وغالباً مش هيفرق كثير عن هنا
طالما هو عايز ياكل عيش بصحيح ومش فارقة معاه تركيا من روسيا يبقى يتعلم السواقة ويشتغل على تاكسي في بلده وبين أهله وربنا هيكرمه
أو ينزل العتبة يشتري خردوات بالجملة ويفرش بيها في أي مكان
ولو معاه قرشين يعمل أي مشروع صغير
لكن يبيع نفسه ويتزوج زواج مصلحة لألألألألألألألألألألألأل ألألألألأ
بص انا رأى من رأى الراجل ده واؤيد كلامه بشدهاقتباس:
على فكرة أنا كنت عايزة أعمل نفس الموضوع دا من أسبوع بس أنت سبقتنى أهه
بس كنت حأسمية "عندما يبيع الرجل نفسه"
لأن الموضوع دا منتشر بقاله كام سنة و قد يبدأ من الأماكن السياحية فى الغردقة و شرم الشيخ
يعنى لما بنت صغيرة أهلها من فقرهم يجوزوها لراجل كبير أو ثرى عربى بتوع حقوق المرأة أعتبروها جريمة تجارة رقيق و المفتى حرمها أدام الله فضله
طيب الشباب كان زمان يروح يشقى زى أنت ما بتقول فى غسل الصحون أو غيره فى بلاد بره لان محدش يعرفه هناك مع أنه لو اشتغل فى التراب فى بلدنا أو حتى فى الزبال حيكسب برضوا
بس بدل ما يشتغل زى الرجاله لقى حاليا عروض من عجائز الغرب بالزواج مقابل المال يا ترى المفتى حيحرمها برضوا
و ناس كتير متجوزين فى مصر و متجوزين بره أجنبيات برضوا عشان موضوع الإقامة و ينزل لولاده ومرأته المصريه شهرين فى السنة و لا حاجة
بصراحة أنا مش عارفة دا نسمية ايه بالضبط ..........
اقتباس:
انا طبعا مش مع الجواز بالطريقة دي
بس يا ريت تقوليلي فين شغل التراب ولا الزبالة اللي بيكسب هنا زي هناك
وفين الاحترام للي بيشتغل هنا في الصحون
وهل احنا هنبطل نبص بصة دونية للي بيشتغل هنا فى الصحون
الاول نجاوب على الاسئلة دى وبعدين نقول للناس اشتغلو في الصحون هنا ومتشتغلوش في اوربا عشان عيب
للعلم فقط الراجل الى بتكلم عنه ابن ناس وابوه كان ظابط فى الجيش
وخسر تحويشه عمره اكتر من مره تقدر بألافات فى اكتر من مشروع
يعنى مش محتاج يغسل صحون او يلم زباله عشان يعيش
هو بيدور على الادميه والمعامله المحترمه الى احنا نسيناها هنا
الراجل عاوز يعيش انساااااااااااااااااان مش ............
ياخسارة يابلدي ياللي بتبيعي ولادك ببلاش عبيد للي ما يسواش .... رجاء خاص تقول لصاحبك هايسيب بلده ليه ؟ هيهرب ليه ؟ قوله لو هو راجل يقعد ويواجه مشاكله .... لسة الجمله بترن في وداني ( عشان أحنا رجالة ووقفنا وقفة رجالة ) دلوقتي بقينا بنقول أحنا لو رجاله كنا وقفنا وقفة رجالة قول لصاحبك يستهدى بالله ويستعين بيه وربنا مابينساش عبيده فهو يمهل ولا يهمل وقوله دة أبتلاء من ربك واللي ربنا يحبه يبتليه في الدنيا ويجازيه في الآخرة على صبرة فليصبر ويحتسب .
اللي يسافر برة يا جدعان يبقى واجهة مشرفة لينا ... حرام عليكوا بقى ..
كلام جميل بس انت مقتنع بيه ؟؟؟ اظن لو جاتلك فرصه للسفر حتمسك فيها بسنانك
اظن توقيعك عكس كلامك
واظن برضه ان كلها ارض ربنا ومش عاوز ادخل فى الدين واقول ان الرسول (ص ) هاجر لصعوبه المعيشه وسط الكفار واطهادهم وتعذيبهم للمسلمين
تفتكر الى احنا فيه ده مش من انواع التعذيب !!!! بص للصوره الى انت حاططها فوق اسمك وانت تعرف معنى كلامى