-
صور سيارتى A11 الجديدة ادعولى ربنا يباركلى فيها
-
اللهم بارك يا رب :)
ألف مبرووووووووووووك :)
-
جزاكى الله كل خير اختى علا
-
ربنا يباركلك فيها و يبارك فيك
و يحفظها و يحفظك
و العربية فعلا حلوة و كويسة و عملية
-
كنت مستنيك ترد يا توت يا خويا لإنك من الناس اللى بحبهم فى الله فى المنتدى هنا و جزاك الله كل خير و لك مثل ما دعوت لى و اسأل الله لك و لى و لسائر الأعضاء أن يجمعنا الله فى الفردوس الأعلى معا و مع اهالينا صحبة مع رسول الله صلى الله علية و سلم
-
اقتباس:
المشاركة الأصلية كتبت بواسطة douha_wise
كنت مستنيك ترد يا توت يا خويا لإنك من الناس اللى بحبهم فى الله فى المنتدى هنا و جزاك الله كل خير و لك مثل ما دعوت لى و اسأل الله لك و لى و لسائر الأعضاء أن يجمعنا الله فى الفردوس الأعلى معا و مع اهالينا صحبة مع رسول الله صلى الله علية و سلم
ده شرف كبير لي أن أخ مثلك يحبني في الله و انا و الله أحبك في الله و ربنا يتقبل من حضرتك الدعوة إن شاء الله و نكون بصحبة النبي الكريم و الصالحين و الرسل يارب العالمين
-
ربنا يباركلك فيها و يحفظهالك
-
مبروووووووووووووووووك وربنا يديلك خيرها ويكفيك شرها
-
جزاكم الله إخوانى فى الله كل خير و بارك فيكم
-
ألف مبروك، اللون الأسود مديها برستيج حلو
-
-
اقتباس:
المشاركة الأصلية كتبت بواسطة Hossam_Hassan
ألف مبروك، اللون الأسود مديها برستيج حلو
ياة يا حسام يا خويا متغلاش عليك إتفضلها و إبقى خلص إنت بقية أقساطها هههههه
اية رأيك بقى ؟؟؟!!!
-
اقتباس:
المشاركة الأصلية كتبت بواسطة cpt_shawky
how much???>
أنا واخدها قسط عن طريق بنك فيصل بس بتتباع كاش ب 59 ألف نصف كماليات
-
ربنا يباركلك فيها ويديك خيرها ويكفيك شرها
-
الف مبروك يا استاذ ممدوح ... ربنا يديك خيرها ويكفيك شرها ..
مع احترامى الكامل لكل السيارات الصينية .. الشيرى ايه 11 احسن سيارة صينى فى مصر ... سعراً وشكلا و عملية .وانا شايف انها بديل ممتاز ورخيص للفيرنا وحتى الفل اوبشنز سعرها 64 الف بردة فى وسط الفيرنا الاسبرانزا والانوس
-
ربنا يباركللك فيها ويديك خيرها ويكفيك شرها
هو حضرتك ساكن فى الحى 11 صح
-
اقتباس:
المشاركة الأصلية كتبت بواسطة fiatmomo
الف مبروك يا استاذ ممدوح ... ربنا يديك خيرها ويكفيك شرها ..
مع احترامى الكامل لكل السيارات الصينية .. الشيرى ايه 11 احسن سيارة صينى فى مصر ... سعراً وشكلا و عملية .وانا شايف انها بديل ممتاز ورخيص للفيرنا وحتى الفل اوبشنز سعرها 64 الف بردة فى وسط الفيرنا الاسبرانزا والانوس
+10000
فعلا و يا رب يطلع اختيارى موفق و أشكرك على مشاركتك الجميلة
-
اقتباس:
المشاركة الأصلية كتبت بواسطة bassam nagy
ربنا يباركللك فيها ويديك خيرها ويكفيك شرها
هو حضرتك ساكن فى الحى 11 صح
جزاك الله كل خير
و فعلا أنا ساكن فى الحى ال 11 المجاورة السادسة هو أنت شفتنى هناك قبل كدة و هل أنت ساكن هناك و يا ترى فين عشان اتشرف بمعرفتك
-
لا اصلى باروح 11 كتيير بس انا عرفت من الصور انا ساكن فى المتميز وياريت نبقى نتقابل
-
1000 مليون مبروك ربنا يباركلك ويعطيك خيرها
ويسعدك بيها دايما
لو مايدايقكش
ممكن اعرف كيفيه الشراء من بنك فيصل
حتى على الخاص لو تحب
-
الف الف مبرووووووووووووووووك العربيه ششكلها تحفه ربنا يكفيك الشر يارب
-
اقتباس:
المشاركة الأصلية كتبت بواسطة bassam nagy
لا اصلى باروح 11 كتيير بس انا عرفت من الصور انا ساكن فى المتميز وياريت نبقى نتقابل
خلاص حدد مكان نتقابل فية بس ياريت يكون بعد 4 مساء عشان اكون خلصت الشغل لأنى أحب اتعرف على أكبر عدد من اعضاء منتدانا الحبيب و خاصة جيرانى طبعا
-
انا بخلص شغل الساعة 5 واى يوم فاضى فية
اية رايك فى نادى 6 اكتوبر
-
اقتباس:
المشاركة الأصلية كتبت بواسطة yasserayad
1000 مليون مبروك ربنا يباركلك ويعطيك خيرها
ويسعدك بيها دايما
لو مايدايقكش
ممكن اعرف كيفيه الشراء من بنك فيصل
حتى على الخاص لو تحب
جزاك الله كل خير أخى و أكيد لا يضايقنى أن اعرفك تفاصيل القسط ببنك فيصل
بالنسبة لى انا قسطها عن طريق عملى بالشركة المصرية للإتصالات المتعاقدة مع بنك فيصل لتقديم تسهيلات لموظفيها تصل لسبع سنوات بفائدة 7 بالمائة
لكن بالنسبة لك هناك عدة طرق منها أن يكون لك احد لة وديعة أو شهادات ببنك فيصل تغطى قيمة السيارة و هنا لن يطلب منك تحويل مرتب و لا حظر بيع و لا تأمين
أو أن تحول مرتبك انت و ضامن لك على بنك فيصل و هنا تكون الفائدة من 7 الى 8 بالمائة على ما اتذكر و سيطلب منك حظر بيع و تأمين
و عموما انا اتعاملت مع بنك فيصل فرع مدينة نصر و هاكتبلك تيفونهم لتتصل بهم و تستفيد أكثر و يا رب يكون فية خير ليك
تليفون بنك فيصل : 24029472
و أنا تحت امرك
-
اقتباس:
المشاركة الأصلية كتبت بواسطة دموع الثلج
الف الف مبرووووووووووووووووك العربيه ششكلها تحفه ربنا يكفيك الشر يارب
جزاكى الله خيرا دموع الثلج
-
اقتباس:
المشاركة الأصلية كتبت بواسطة bassam nagy
انا بخلص شغل الساعة 5 واى يوم فاضى فية
اية رايك فى نادى 6 اكتوبر
طيب أنا موافق بس أنا غير مشترك فى نادى 6 أكتوبر يبقى نتقابل أمامة اية رأيك يوم الأربعاء القادم الساعة 6 مساء
-
مفيش مشكلة
ماشى انا موافق يوم الاربعاء ان شاء الله الساعة 6 عند بوابة الية ناحة جامع الحوفى
-
اللهم بارك و يديك خيرها ويكفييك شرها ان شاء الله
و الف مبروك
-
مبروك عليك ربنا يعطيك خيرها ويكفيك شرها
-
الف مبرزك يا باشا على العربيه و عقبال الs500
-
ربنا يباركك فيها ويكفيك شرها
-
ربنا يباركلك و يكفيك شر الطريق و شر المحور ياااااااارب
-
انت هتخلينى احب الشيرى بجد عربية رايقة ربنا يباركلك فيها
-
اقتباس:
المشاركة الأصلية كتبت بواسطة theking2690
الف مبرزك يا باشا على العربيه و عقبال الs500
أشكرك أخى و جزاك الله كل خير بس أية ال S500 دة موبايل دة ههههههههه
يا عم ربنا يوعدنا جميعا
-
شكرا لكل الأخوة على روحهم الجميلة و مشاركاتهم الرقيقة و يا رب يبارك لنا جميعا فى سياراتنا و يحفظنا جميعا من كل مكروة و سوء
-
اقتباس:
المشاركة الأصلية كتبت بواسطة edfeeoc
انت هتخلينى احب الشيرى بجد عربية رايقة ربنا يباركلك فيها
و الله يا أخى و من وجهة نظرى الشخصية إن ال A11 من السيارات التى تستطيع إقتنائها و إنت مطمئن و أنا لم أشتريها إلا بعد سؤال الكثير من مالكى تلك السيارة و جميعهم أجمعوا على جودة صناعتها و على تقفيلها الجيد مقارنة بسيارات اخرى منتشرة بمصر و لكن لها سمعة عن تلك السيارة
و أظن انها تحقق معادلة طيبة فسعرها جيد و شكلها أيضا بخلاف أن قطع غيارها هى نفس قطع غيار السيات توليدو موديل 96 او 97 يعنى ممكن تركبلها قطع الغيار الألمانى للسيات و ناس كتير عملوا الحكاية دى فيها
و اتكل على الله عشان نبقى زمل
-
اقتباس:
المشاركة الأصلية كتبت بواسطة أبو عمار المصرى
ربنا يباركلك و يكفيك شر الطريق و شر المحور ياااااااارب
ياااااااااااااااة مين أبو عمار جارى أخيرا ظهر فى الصورة دا انا قلت الشغل الجديد فرض عليك متكلمش حد من نايل موتورز احسن هيخصموا من مرتبك على الله ميعرفوش بقى احسن يخصموا بجد ههههههههههه
-
اقتباس:
المشاركة الأصلية كتبت بواسطة bassam nagy
مفيش مشكلة
ماشى انا موافق يوم الاربعاء ان شاء الله الساعة 6 عند بوابة الية ناحة جامع الحوفى
إن شاء الله نتقابل هناك فى نفس الموعد بس هى بوابة مسجد الحوفى التى أمام حديقة الجهاز أم البوابة اللى فى الشارع الجانبى امام الحى السابع
-
أزيكم يا رجالة - ربنا يباركلك فيها ويديك خيرها ويكفيك شرها -
العربية هايلة يا رجالة - أنا من يومين ركبت زينون عالى وفكيت اللمبة الأصلية لقيتها فيلبس وصنع فى إلمانيا - حاجة حلوة بجد
هية فعلا من أفضل العربيات الصينى وأحسن من ماركات تانية غير صينى ومش هقول علشان محدش يزعل منى والموضوع يأخد جوانب تانية
بالنسبة للمقابلة ما تخلوها يوم الجمعة علشان أحاول أجى - أنتم كدة بتسنترونى على الأخر بيوم الأربعاء
-
ما شاء الله (اية الجمال دة ) ربنا يباركلك فيها ويعطيك خيرها وخير ما صنعت له ويكفيك شرها وشر ما صنعت له