الموضوع: دايهاتسو ميرا + بياره = عايز قنطره

السلام عليكم و رحمه الله و بركاته

ازيكم يا رجاله

انا بادخل عالمنتدى من اول ما جبت الميرا السعيده و صراحه مفيد جدا جدا جدا

و قررت اشترك لما لقيت انكم الوحيدين اللي ممكن تفيدوني

المهم

القصه باختصار : ماشي في شارع ضلمه و النور مش شغال و دخلت في بياره , العربيه الله ينور من قوه الصدمه النتايج اهي :

القنطره اتنت جدا و لازم تتغير و العفشه من ادام اتبهدلت و المجموعه بتاعت الاشارات و النور و الحاجات دي اللي في الطاره راااااااااااحت اتكسرت نصين , بس الحمد لله الموتور ما حصلوش حاجه

وديتها لميكانيكي و كانت العربيه فيها رجه جامده شويه من الموتور و كانت فيها صوت من ورا علشان في حاجه في المساعدين فكت

المهم الراجل غير زيت و ظبط المكنه و نضفها و ظبط الكاربرتير و المساعدين و شدهم و كل الاصوات راحت الحمد لله بس لسه في رجه بسيطه و قالي من العفشه و القنطره و القواعد و خد له 37 للزيت علشان كان معايا لتر ونص من غيار فات و اخدله 23 ايده راجل فل اوي

المشكله الاكبر اني من طنطا و مفيش ريحه قطع غيار للديهاتسو هنا

اعمل ايه يا جماعه الخير

انا متأكد اني لو رحت الحرفيين كده من غير ما اسأل هيتنصب عليا

فاللي عنده فكره الحاجات دي بكام يا ربت يفيدني و مش هيضر برضو لو قالي اجيبها منين لاني ما نزلتش الحرفيين قبل كده غير مره رحت لاوشيين اجيب كبالن


العربيه موديل 94 و الصراحه مريحاني جدا جدا جدا جدا و باركنها في اي مكان و ما بتاخدش بنزين فمش عايز اغيرها
ايه العمل بقىىىىىىىىىى

و شكرا مقدما