لخبراء المنتدي من الرجال p: >>> ايه احلى هدية جاتلك ؟؟؟؟

السلام عليكم و رحمة الله و بركاته ,,,

انا المرة دي مش عايزة خبراء في العربيات :D عايزة خبراء في الهدايا

اكيد في كتير هنا متجوزين و خاطبين كمان و انا محتارة و واقعة في المشكلة الدائمة بتاعة اجيب ايه هدية لخطيبي:rolleyes:

المشكلة انه خلاص جاله اكتفاء ذاتي من ال perfumes و انا كمان حاسة الموضوع بوخ:confused::confused:

فيا ريت تشاركوني و تقولولي ايه احلى هدية جاتلكو و ايه اكتر حاجة بتحب مراتك او خطيبتك تجيبهالك ؟؟؟:)

ممكن ساعة حلوة
محفظة
نضارة شمس ( بس مش كل النا سبتلبسها خصوصا لو لابس نضارة )
ميدالية جميلة

كده الرجالة ما اكتر حاجتهم

الرجالة مش عاطفيين اوى زى البنات

هاتى حاجة مادية يستعملها فى حياتة اليومية زى (موبيل & كرافت & ساعة),,, انتى ادرى بيحب اية اكتر..

بالنسبالى احلى هدية جاتلى كانت لوحة جميلة رسمتها بنفسها;)

شوفي اهتماماته ايه يعني لو غاوي كمبيوتر ممكن تجيبيله فلاشة شديدة .. ممكن موبايل أو ما يتعلق به ..سماعة بلوتوث .. كاركيت
ممكت تجيبيله mp3 او 4 او 5 انا مش عارف وصلو لكام دلوقت
الميدالية بتاعة الجيش السوسري اللي فيها حاجات كتير لو له اهتمامات هندسية او غاوي اصلاحات ممكن تي شيرت شيك او قميص او بدلة حسب الميزانية
لو كل دة ما نفعش ... يبقي اديله حقه ناشف ووفري علي نفسك الحيرة :D

انا من الناس اللي لفة الهدية بتبقي عندي اهم من الهدية

اما الهدية بتفرق بين كل شخص بس لو حاجة للعربية او حاجة سينيه (نضاره شمس - ساعة -
دبله جديده (دي من أجمل الهدايا اللي جاتلي وكان عليها جملة محفورة من الداخل)

واهم حاجة المفاجأة

اقتباس:

---

المشاركة الأصلية كتبت بواسطة modux

ممكن ساعة حلوة
محفظة
نضارة شمس ( بس مش كل النا سبتلبسها خصوصا لو لابس نضارة )
ميدالية جميلة

كده الرجالة ما اكتر حاجتهم

---

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI :confused::confused::confused::confused:

اقتباس:

---

المشاركة الأصلية كتبت بواسطة Hisham_ElFeky

انا من الناس اللي لفة الهدية بتبقي عندي اهم من الهدية

اما الهدية بتفرق بين كل شخص بس لو حاجة للعربية او حاجة سينيه (نضاره شمس - ساعة -
دبله جديده (دي من أجمل الهدايا اللي جاتلي وكان عليها جملة محفورة من الداخل)

واهم حاجة المفاجأة

---

ما انا فالحة بس في الافتكاسات بتاعة اللفة دي و بدفع فيها أد تمن الهدية .. و برضه PERFUME:D:D:D:D

اقتباس:

---

المشاركة الأصلية كتبت بواسطة aif

لو كل دة ما نفعش ... يبقي اديله حقه ناشف ووفري علي نفسك الحيرة :D

---

مش كدة برضه انا بحب موضوع حقي ناشف دة:D

اقتباس:

---

المشاركة الأصلية كتبت بواسطة elrasy

الرجالة مش عاطفيين اوى زى البنات

هاتى حاجة مادية يستعملها فى حياتة اليومية زى (موبيل & كرافت & ساعة),,, انتى ادرى بيحب اية اكتر..

بالنسبالى احلى هدية جاتلى كانت لوحة جميلة رسمتها بنفسها;)

---

ايوه صح هو حتى قالى اهم حاجة مضمون الهدية:D

نا من محبى الكرافتات واللى الذ اطقم الزراير والدبوس لو سينيه ممكن كمان يبقى معاهم دبل كاف كده يبقى تمام وتقعدى تشحتى باقى الشهر :) :)

اقتباس:

---

المشاركة الأصلية كتبت بواسطة onna

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI :confused::confused::confused::confused:

---

يا اونا طالما الميزانيه عاليه يبقى عليكى وعلى بى ام دبليووووووو وتكون زيرووو وتلفيها لفه كويسه اهم حاجه اللفه دى :D:D:D:D


على فكره الستات الارشانات بيقولوا لو عودتيه على الهدايا هيتمرع عليكى خليكى واعيه يختى نفضيه اول باوووول:p:p:p:p

طقم شراب ابو صباع من اللي احنا مقاطعينهم في التوبيك التاني هههه
ممكن طقم جنط هديه .. كاوتش مقاس عريض .. فوانيس ليدات ..طقم زينون اصلي .. هههه
لاء بجد .. ممكن كاسيت او سماعات .. دباديب اللي بتتحط في العربيه .. كرافاته كلاسيك .. انتي الادري بشخصيه خطيبك .. صوابعك مش زي بعضها ;)

اقتباس:

---

المشاركة الأصلية كتبت بواسطة onna

اصل انا عاملة ميزانية عالية نفسي في حاجة حلوة
كمان مينفعش نضارة عشان عايزاها مفاجـأة و كدة لازم يقيسها
و جبتله ميدالية فضة قبل كدة و ساعته حلوة BVLGARI :confused::confused::confused::confused:

---

مرسيدس B-Class ;)

نهى ممكن سؤال صريح ومباشر اصلي بحب الافتكاسات
خطيبك سنه كام وبيشتغل ايه
والميزانية كام بدون احراج
او ممكن تبعتب على الخاص لو محرجة
هيا فعلا الحاجات العملية للرجال بتبقى افضل بكتير من الحاجات الرومانسية او الرمزية
بس الافتكاسات بتبقى حلوة برضه
وانا ليا افتكاسات جامدة برضه

اقتباس:

---

المشاركة الأصلية كتبت بواسطة emadkamel

نا من محبى الكرافتات واللى الذ اطقم الزراير والدبوس لو سينيه ممكن كمان يبقى معاهم دبل كاف كده يبقى تمام وتقعدى تشحتى باقى الشهر :) :)

---

انا بشحت كدة كدة من غير ماجيب حاجة يا عما د:D:D

بس هو فعلا الراجل لا مؤاخذة بيتمرع لما اجيبله هدية ؟؟؟:p:p

اقتباس:

---

المشاركة الأصلية كتبت بواسطة karim_monir

نهى ممكن سؤال صريح ومباشر اصلي بحب الافتكاسات
خطيبك سنه كام وبيشتغل ايه
والميزانية كام بدون احراج
او ممكن تبعتب على الخاص لو محرجة
هيا فعلا الحاجات العملية للرجال بتبقى افضل بكتير من الحاجات الرومانسية او الرمزية
بس الافتكاسات بتبقى حلوة برضه
وانا ليا افتكاسات جامدة برضه

---

ok i'll send u back

اقتباس:

---

المشاركة الأصلية كتبت بواسطة cpt_shawky

مرسيدس B-Class ;)

---

ليــــــــــــــــه ان شــــــــــاء الله !!!!!!!!!:p

انا ممكن اجيبله مرسيدس بس من اللى بيتعلقه في ميدالية:D

اقتباس:

---

المشاركة الأصلية كتبت بواسطة Xpert

طقم شراب ابو صباع من اللي احنا مقاطعينهم في التوبيك التاني هههه
ممكن طقم جنط هديه .. كاوتش مقاس عريض .. فوانيس ليدات ..طقم زينون اصلي .. هههه
لاء بجد .. ممكن كاسيت او سماعات .. دباديب اللي بتتحط في العربيه .. كرافاته كلاسيك .. انتي الادري بشخصيه خطيبك .. صوابعك مش زي بعضها ;)

---

ههههههههههههههههههههههههه ه

فعلا طقم الشراب دة عملى و فيه منه فايدة
بس هو لسه معندوش عربية :( عشان ادلعهاله:cool::cool:
طيب انا فكرت في بدلة :cool:

ايه رأيكو؟؟؟؟

اقتباس:

---

المشاركة الأصلية كتبت بواسطة onna

ليــــــــــــــــه ان شــــــــــاء الله !!!!!!!!!:p

انا ممكن اجيبله مرسيدس بس من اللى بيتعلقه في ميدالية:D

---

نيييييييييييييييههههههههه هههههه
في محل في سيتي ستارز بتاع هدايا مرسيدس يعقد
بيبيع الميدالية ب 350 جنية
والمحفظة ب 500 تقريبا والشنطة ب 2000
ومج العربية اللي بيدو كنزي بيلعبوا بيهم ليل نهار بيبعوه ب 250 تقريبا وهو هو والله بدون اي اختلاف
وحفناوي قعد يقاوح معايا يقوللي مختلف قولتلة انا الحاجة اللي لقيتها مختلفة فيه هيا علامة مرسيدس
مع اني بتاعي ماركة تيرموس اصلي مش اي حاجة يعني وكان ب 60 جنية بس مش 250
ممكن تفكري في مج العربية
ها ها ها
وهو اللي يجيب العربية بقي

اقتباس:

---

المشاركة الأصلية كتبت بواسطة karim_monir

نيييييييييييييييههههههههه هههههه
في محل في سيتي ستارز بتاع هدايا مرسيدس يعقد
بيبيع الميدالية ب 350 جنية
والمحفظة ب 500 تقريبا والشنطة ب 2000
ومج العربية اللي بيدو كنزي بيلعبوا بيهم ليل نهار بيبعوه ب 250 تقريبا وهو هو والله بدون اي اختلاف
وحفناوي قعد يقاوح معايا يقوللي مختلف قولتلة انا الحاجة اللي لقيتها مختلفة فيه هيا علامة مرسيدس
مع اني بتاعي ماركة تيرموس اصلي مش اي حاجة يعني وكان ب 60 جنية بس مش 250
ممكن تفكري في مج العربية
ها ها ها
وهو اللي يجيب العربية بقي

---

يــا لهوى:D

ان شا الله عنه ما زوقتله العربية مالها يعني مش بتمشي و خلاص:p !!!!
انا سيتي ستارز دة بيجيبلى عقدة نفسية اصلا
كبيري ال food court :D:D:D

شوفي انتي اكتر حد عارف اية هي اهتماماتة .... يعني لو من النوع اللي بيحب اللبس والبدل وكدة يبقى ممكن قميص راقي والجرافت بتاعة وطقم الدبوس ... اعتقد دي اكتر حاجة تعجب واحد بيلبس وشيك فلبسة ... اما لو عندة عربية ممكن تجيبي شاشة Lcd مع Mp4 ...انما لو الميزانية اكبر من كدة يبقى عليكي وعلى لاب تووووووووب بقى وربنا يعينك لفعل الخير :)

كريم انت اخدتلى بالك من "" الى خبراء المنتدي "" ههههههههه

كنت عايزة اكتب الحقـــــــــــــونيـــــ ـــــــــــــــــــــــي او خبر عاااااااااااااااااجل P:

البدله فكره كويسه

اقتباس:

---

المشاركة الأصلية كتبت بواسطة tohamy007

شوفي انتي اكتر حد عارف اية هي اهتماماتة .... يعني لو من النوع اللي بيحب اللبس والبدل وكدة يبقى ممكن قميص راقي والجرافت بتاعة وطقم الدبوس ... اعتقد دي اكتر حاجة تعجب واحد بيلبس وشيك فلبسة ... اما لو عندة عربية ممكن تجيبي شاشة Lcd مع Mp4 ...انما لو الميزانية اكبر من كدة يبقى عليكي وعلى لاب تووووووووب بقى وربنا يعينك لفعل الخير :)

---

صح كدة انا عايزة كمان حاجة في اطار لبس شيك
لولا ان الشتا بيخلص كنت جبت جاكت شيك كدة بس حاسة مش هيبقي ليه لازمة

انا معايا تفريبا من 2000 ل 2500

هو انا طيب لو جبت بدلة لازم اجيبها بالقميص و كرافات ولا عادي ممكن وحدها؟؟؟؟

2500 كتييييير ممكن تجيبله موبيل n95 مليان حاجات حلوه والله هيعجبه اوى

اقتباس:

---

المشاركة الأصلية كتبت بواسطة edfeeoc

2500 كتييييير ممكن تجيبله موبيل n95 مليان حاجات حلوه والله هيعجبه اوى

---

والله لو كان بيحب الموبايلات كنت جبت من غير ما اعمل موضوووووع اصلاااااااااااا


هتجننننننننننننننننن و ماشيلي بموبايل نوكيا كدة اللى بكشاف دة و بيموت فيه واستحاااااااااااااالة يغيره !!!!! :D:D

بس والله الكشاف دة نفعنا عشان كان بيكشفلى على حاجة في الرادياتير هئ هئ هئ:D

انا حاسة انكو كرهتونيييي:D

معلش استحملوني انا اختكو برضه:o

اقتباس:

---

المشاركة الأصلية كتبت بواسطة onna

صح كدة انا عايزة كمان حاجة في اطار لبس شيك
لولا ان الشتا بيخلص كنت جبت جاكت شيك كدة بس حاسة مش هيبقي ليه لازمة

انا معايا تفريبا من 2000 ل 2500

هو انا طيب لو جبت بدلة لازم اجيبها بالقميص و كرافات ولا عادي ممكن وحدها؟؟؟؟

---

بصراحة يعني ؟ هو المفروض تكون على زوقك كلها وطبعا المفروض تكون كل حاجة فيها من زوقك انتي يعني لون البدلة يكون لايق عليها القميص والجرافت وكدة يعني .... انما لو بدلة فاخمة يعني تكون تركي او الماني يبقى خلي الباقي علية ويحمد ربنا بقى :)

اقتباس:

---

المشاركة الأصلية كتبت بواسطة tohamy007

بصراحة يعني ؟ هو المفروض تكون على زوقك كلها وطبعا المفروض تكون كل حاجة فيها من زوقك انتي يعني لون البدلة يكون لايق عليها القميص والجرافت وكدة يعني .... انما لو بدلة فاخمة يعني تكون تركي او الماني يبقى خلي الباقي علية ويحمد ربنا بقى :)

---

هههههههههههههه

مش كدة برضه :)

طيب خلاص نسيبنا من التركى و المانى خلينا في العادى احسن عشان يبقي اسمي جبت حاجة كاملة

طيب ايه نظام البدلة البني ؟؟

انا صراحة مفهمش اوى في البدل بش شفت واحدة كدى لونها بنى غامق اوى قربت على الاسود و فيها تقليمة مش باينة خالص اجيب تحتها قميص لبني فاتح كدة و كرافت جامعة من اللونين دول؟؟؟

اقتباس:

---

المشاركة الأصلية كتبت بواسطة onna

انا بشحت كدة كدة من غير ماجيب حاجة يا عما د:D:D

بس هو فعلا الراجل لا مؤاخذة بيتمرع لما اجيبله هدية ؟؟؟:p:p

---

لا لا لا لا انا ضد الكلام ده خالص يا اونا ... يعنى ايه يتمرع؟ .... بصى شويه جد.. اى علاقه فى الحياه كلها عباره عن أخد وعطا .. وأى علاقه لازم الطرفينيفهموا انها علاقه متوازنه .. يعنى عطاء من الطرفين واخد من الطرفين .. انتى بتجيبى هديه علشان تعبرى عن مشاعرك فى مناسبه معينه وهو كمان عمل نفس الحكايه

نضج الطرفين المفروض يخلليهم يفهموا ان الهديه دى مش من طرف ضعيف بيحاول يرضى طرف قوى ..انما من طرف محب بيوصل رساله لحبيبه ... ابنوا كل العلاقه على الاساس ده ..... ال يتمرع آل ... طب خلليه يتمرع كده وانت تشوفى حبايبنا فى المنتدى يعملوا ايه ....

اقتباس:

---

المشاركة الأصلية كتبت بواسطة emadkamel

لا لا لا لا انا ضد الكلام ده خالص يا اونا ... يعنى ايه يتمرع؟ .... بصى شويه جد.. اى علاقه فى الحياه كلها عباره عن أخد وعطا .. وأى علاقه لازم الطرفينيفهموا انها علاقه متوازنه .. يعنى عطاء من الطرفين واخد من الطرفين .. انتى بتجيبى هديه علشان تعبرى عن مشاعرك فى مناسبه معينه وهو كمان عمل نفس الحكايه

نضج الطرفين المفروض يخلليهم يفهموا ان الهديه دى مش من طرف ضعيف بيحاول يرضى طرف قوى ..انما من طرف محب بيوصل رساله لحبيبه ... ابنوا كل العلاقه على الاساس ده ..... ال يتمرع آل ... طب خلليه يتمرع كده وانت تشوفى حبايبنا فى المنتدى يعملوا ايه ....

---

ههههههههه

ربنا يخليك ياعماد و يكرمك و نعم الاخ و كلكو والله

بس عارف كلامك صح انا بحس دايما ان لما حد بيجيبلي حتة وردة انه فكر فيه و فكر انه عايز يبسطني يكفيني الاهتمام بجد بذات لو مفاجأة لانه بحس فعلا بعطاءه و انه لو قادر و في استطاعته هيبقي عاوز يجيب الدنيا كلها

ربنا يديم المودة و الرحمة بين كل اتنين متجوزين يا رب و يعف كل اللى نفسهم يتجوزو و لو اني شاكة ان بأة في حد عايز يتجوز ..انا اخويا لسة متخرج و ربنا وفقه و اشتغل في شركة بترول و بقوله يلا خلاص اتوظفت عايزين نخطبلك والله كان هاين عليه يخبطني بحاجة :D

اقتباس:

---

المشاركة الأصلية كتبت بواسطة onna

هههههههههههههه

مش كدة برضه :)

طيب خلاص نسيبنا من التركى و المانى خلينا في العادى احسن عشان يبقي اسمي جبت حاجة كاملة

طيب ايه نظام البدلة البني ؟؟

انا صراحة مفهمش اوى في البدل بش شفت واحدة كدى لونها بنى غامق اوى قربت على الاسود و فيها تقليمة مش باينة خالص اجيب تحتها قميص لبني فاتح كدة و كرافت جامعة من اللونين دول؟؟؟

---

شوفي بقى ياستي انا بقولك على الالوان الجديدة بس انا عايش برة وبقولك على اخر الوان نازلة من تركيا والمانيا عندي هنا اوك ؟ وانتي اختاري بقى ..... اولا الجديد ان تكون البدلة فيها خطوط ممكن تكون متساوية فالحجم او خطول مقلمة وكل اربع خطوط بتلاقي خط اعرض شوية منه ودي بجد تحفة وخصوصا فالالوان الغامقة .... اما اخر الالوان فهو فعلا البني بس مش البني العادي لالا.. في بني بيكون شوية واخد نحاسي غامق دي تحفة وكمان في الرومادي الغامق وبيكون فيه الخطوط مدية على اسود ودي كمان حلوة اوووي بس عموما الغوامق هي الموضة دلوقتي ... المهم البني اللي مدي على نحاسي دي ممكن قميص لونة هو مش مدي على لبني اوي ولا موف يعني درجة بنهم هما الاتنين .. والجرافت بخليها على زوقك لاكن لازم تكسري اللون بمعني يكون فيها لو داخل ملوش علاقة خالص بلون القميص والبدلة ... بمعني تكون فيها البني واللبني وفيها خط لونة احمر مثلا .... اوك ... ومبروك مقدما

طيب بصى بقى لو بيحب يصلح فى العربية بنفسه هتيلو جيربر swiss knife وكشاف ماج لايت ودول تقريبا يعملو 1600 جنية

بالحق نسيت .... لو فضل معاكي يجي 150 او 200 جنية يعني في حمالات كتف بتكون استك وجلد طبيعي ودي بتكون منقوشة وشكلها حلو اوووي ... ودي لما يقلع الجاكت بتكون تحفة مع القميص والجرافت ..... وخلية يدعي لينا بقى :)

اقتباس:

---

المشاركة الأصلية كتبت بواسطة tohamy007

شوفي بقى ياستي انا بقولك على الالوان الجديدة بس انا عايش برة وبقولك على اخر الوان نازلة من تركيا والمانيا عندي هنا اوك ؟ وانتي اختاري بقى ..... اولا الجديد ان تكون البدلة فيها خطوط ممكن تكون متساوية فالحجم او خطول مقلمة وكل اربع خطوط بتلاقي خط اعرض شوية منه ودي بجد تحفة وخصوصا فالالوان الغامقة .... اما اخر الالوان فهو فعلا البني بس مش البني العادي لالا.. في بني بيكون شوية واخد نحاسي غامق دي تحفة وكمان في الرومادي الغامق وبيكون فيه الخطوط مدية على اسود ودي كمان حلوة اوووي بس عموما الغوامق هي الموضة دلوقتي ... المهم البني اللي مدي على نحاسي دي ممكن قميص لونة هو مش مدي على لبني اوي ولا موف يعني درجة بنهم هما الاتنين .. والجرافت بخليها على زوقك لاكن لازم تكسري اللون بمعني يكون فيها لو داخل ملوش علاقة خالص بلون القميص والبدلة ... بمعني تكون فيها البني واللبني وفيها خط لونة احمر مثلا .... اوك ... ومبروك مقدما

---

كفااااااااااااااااااااااا ااءة ياتهامى والله :D

بجد ميرسييييييييي اوى لانى كنت لسه هنزل عليك بوابل من الاسئلة اللى من عينة درجة القميص و لون الكرافت و التقليمة لونها :D:Dايه بس ما شاءالله انت عملتلي تقرير هايل و فهمتني الدنيا ماشية ازاى

انا كدة بأة عندي background حلوة
جزاك الله كل خير:)

اقتباس:

---

المشاركة الأصلية كتبت بواسطة edfeeoc

طيب بصى بقى لو بيحب يصلح فى العربية بنفسه هتيلو جيربر swiss knife وكشاف ماج لايت ودول تقريبا يعملو 1600 جنية

---

اخاف اشترى حاجة مفهمش فيها :( و انا اصلا تخصص ان الناس تضحك عليه دايما اشوف فين الحرامية و اروحلهم فخليني في حاجة مضمونة احسن .. يعني البدلة بفكر فيها خلاص جديا بس مستنية كريم منير يفتكسلي عشان هو استاذ الافتكاسات :D

كمان لسه معندوش عربيته واحده :(

اقتباس:

---

المشاركة الأصلية كتبت بواسطة onna

اخاف اشترى حاجة مفهمش فيها :( و انا اصلا تخصص ان الناس تضحك عليه دايما اشوف فين الحرامية و اروحلهم فخليني في حاجة مضمونة احسن .. يعني البدلة بفكر فيها خلاص جديا بس مستنية كريم منير يفتكسلي عشان هو استاذ الافتكاسات :D

كمان لسه معندوش عربيته واحده :(

---

والنبي سؤال يمكن يكون ساذج بس معلش !!!! يعني اية (( الافتكاسات)) دي الا كتير قالهالك دلوتي وانا زي العبيط مش فاهم :) :) اصلي من زمان مش فمصر انا

اقتباس:

---

المشاركة الأصلية كتبت بواسطة tohamy007

والنبي سؤال يمكن يكون ساذج بس معلش !!!! يعني اية (( الافتكاسات)) دي الا كتير قالهالك دلوتي وانا زي العبيط مش فاهم :) :) اصلي من زمان مش فمصر انا

---

ههههههههههههههههههه

افتكاسة يعني حركة مفتكسة ( بضم الميم):D فهمت كدة ؟؟

يعني حركة مبتكرة .جديدة .حلوة ,محدش عملها قبل كدة و دة من المعجم الوجيز في توصيف كلمة مفتكسة:p:p

ترجع بالسلامة و تنور مصر تانى ان شاء الله

بس تصدق عجبانى اوى حركة الكرافت اللى قلت عليها ,,انى ادخل لون مختلف

فعلا حركة مفتكسة ;):D

تسلمي والله العلم نور بردة :) ولازم ان شاء الله لما ارجع اخد كوورس فالكلام الجديد اللي نازل دة .... ومرة تانية الف مبروك مقدما ويارب يارب اكون قدرت افيدك والاستاذ يعجبة زوقنا وبالتوفيق ويارب يخليكو لبعض

طب ما تشوفى حاجة لعربيته، بالميزانية دى عندك اختيارات كتيرة

امم انا شخصيا بحب الالكترونيات جدا :)

فاحلى هدية جاتلي .. كان الكاسيت ال mp3/cd الي ركب في سيارتي كمفاجاءة ليا :)

و ده عندك من 700 لحد فوووووق .

بس انا بكره الدباديب و الهبل ده
و شخصيا اللبس بحب اجيبه بنفسي علشان انا كل الي عندي يا ازرق يا ازرق ! :)

تاني احلى هدية جاتلي كانت حاجة معدتش ال 25 جنيه و هي عبارة عن يافطة صفراء بتتعلق في الزجاج الخلفي للعربية :) بتاعتي مكتوب فيها ( Watch out , lunatic on board ) :)

lol