تركيب سنسور لضغط الزيت والحرارة للبيتلز

**smsmxxxxxx** · 05-08-2010 06:13 PM

اخوانى محبي البيتلز

انا جبت عداد RPM وفيه كمان عداد حرارة الزيت وضغط الزيت
وسنسور للحرارة وسنسور للضغط

وصلت ال RPM واشتغل تمام

بس فاضل الحرارة والضغط بتوع الزيت ودول اللى جايب العداد اصلا علشانهم

شفت في المنتديات الاجنبية مشترك بيتحط مكان ساعة الزيت
وبيتوصل بيه سنسور ضغط الزيت و سنسور حرارة الزيت

فمتعرفوش الاقيه فين ولو موجود سعره كام

دى صورة من المشترك ده بيتباع على النت ثمنه 9 دولار

وشكرا
-------------
محمد سالم

**ahit** · 05-08-2010 07:52 PM

السلام عليكم ورحمة الله وبركاته

محمد باشا
واحشنا و الله

مبروك الأجهزة الجديدة
مكونتها إيه ؟ و سعرها كام ؟ و منين ؟ و ياريت لو صور ليها ؟
ممكن تلاقى المشترك ده فى شارع دمشق أو عند صلاح شاكر اللى فى مصر الجديدة أو فى التوفيقية
و إبقى طمنا عملت إيه

**smsmxxxxxx** · 06-08-2010 01:49 AM

احمد باشا واحشنى جدا والله

هو العداد ده زى ما انتا عارف بيركب على اى عربية انا جبته ب 230 جنيه من التوفيقية

والسبب الرئيسي اللى خلانى اشتريه انى ببقي عايز اعرف درجة حرارة الزيت وضغطه
لان اغلب مشاويري في الزحمة فالمتور بيسخن فالعدادات دى هتعرفنى حالة الموتور ايه

هو زى ما باين في الصورة جسم عداد واحد وفيه اربع مؤشرات
المؤشر الكبير RPM
والثانى الفولت وفايدته بيعرفك الدينامو بيشحن ولا لاء
والثالث درجة حرارة الزيت ومعاه سنسور
والرابع ضغط الزيت ومعاه سنسور

وبينور سبعة الوان مختلفة عن طريق زرار بتختار منه اللون اللي بيعجبك وفيه زاكرة بتحتفظ باختيارك

وفيه مفتاح تانى بتاع اختيار مستوى الانزار لعدد اللفات الزيادة
يعنى مثلا بتختار 2500 RPM فلما المؤشر بيوصل للرقم ده اللمبة الحمرا بتنور

وطبعا في اللمبة الحمرا في اسطوانة منفصلة بتبقي فوق العداد لما تركبه مع قاعدته

ودى صورته

انا ركبته بس وصلت ال RPM بس
و المشكلة اللي قابلتنى هى انى اوصل سنسور الضغط وسنسور الحرارة مكان ساعة الزيت ازاى

ولقيت المشترك ده بيتباع على النت بحوالى 9 دولار

فقلت اسأل عليه هنا الاول ولو ملقتهوش اشوف هيتكلف كام لو اشتريته من برة
او لو خرطته هنا

----------------------
محمد سالم

**smsmxxxxxx** · 07-08-2010 10:56 PM

دى مستويات حرارة التشغيل بالدرجات المئوية للموتور جبتها من ناس مركبة سنسور الحرارة برة

من 80 الى 100 دى درجة الحرارة العادية

من 100 الى 110 يبقي الموتور سخن

من 110 الى 120 يبقي الموتور سخن جدا

اكثر من 120 يبقي لازم تطفي الموتور لحد ما يبرد

----------------------
محمد سالم

**hosamsief** · 08-08-2010 11:01 AM

اولا مبروك على الاجهزة الجميلة ده و فعلا يعنى انت من الناس اللى بتحب تحافظ على عربياتها بس عند سؤال ؟؟؟
كل الموشرات ده انا فاهم فايدتها ما عدا ضغط الزيت يعنى ايه ؟؟؟ و ايه هو المعيار اللى من خلاله تعرف ان ضغط الزيت مظبوط و لو مش كده يكون ايه مثلا سدد فى السربنتينه ولا ايه ؟؟؟

**smsmxxxxxx** · 08-08-2010 03:59 PM

اولا ممكن تعرف منه حالة الزيت بتاعك يعنى محتاج تغيره ولا لاء
يعنى ضغوط التشغيل وانتا لسة حاتط زيت جديد غير لما بيكون قرب يتغير
ومؤشر الحرارة هيأكدلك برضه
ثانيا
انا عربيتي 1200 موديل 1964
لقيت في الكتالوج ان العربية وهي في السلانسيه يعنى عند 550 rpm
ضغط الزيت بيكون 0.4 kg/sq.cm
وعند 2500 rpm بيكون 2 kg/sq.cm

بس دا باستخدام زيت 10w30

واحنا في مصر بنستخدم 20w50

يعنى الارقام ممكن تزيد 5 او 10 في المائة

بس برضه التجربة العملية احسن لان حالة المواتير بتتغير مع تقدم عمرها

-----------------
محمد سالم