حد جرب الـ ( التراسيل ) مع ( النيتروجين ) في اللانوس ؟؟؟

السلام عليكم يا جماعه الخير

كنت عايز بس استفسر منكم لو حد جرب الـ ( التراسيل ) مع ( النيتروجين ) في اللانوس ؟؟؟

طبعا النيتروجين كلنا عارفين فايدته بالنسبه لإطارات السياره بشكل عام , لكن في الدقي عندي عرفت ان في واحد بيملا نيتروجين وكمان بيحقن الإطارات بسائل الـ التراسيل , وهو سائل لـ لحام الثقوب اللي بتحصل اثناء السير بشكل فوري وبدون توقف !!

ولما عملت سيرش على الانترنت عن السائل ده عرفت ان فعلا ليه فوائد كتير جداااا

والكلام اللي جاي ده مكتوب نصاً على احد المواقع العربيه والمصريه تحديداً
-----------------------------------------------------------------


ماهوالالتراسيل

تكنولوجيا حديثه امريكيه الصنع لمعالجه ثقوب الاطارات اثناء السير لجميع انواع الاطارات التيوب و التيوبلس
عباره عن سائل متوسط القوام يتكون من مواد طبيعيه (جيلكول قطع كاوتش طبيعى مانع صدا مانع تجمد الماده الفعاله )
اختبر و جرب على نطاق واسع فى اوربا و المريكا و استرليا
و حاصل على شهاده الجوده العالميه
iso 9002
شهادهbsi
شهادة البيئه العالميه




• اختبر من قبل الهيئات التاليه

Rabra البريطانيه
Tuvالالمانيه
Tno الهولنديه
وكاله اثمسر الامريكيه
الجيش الامريكى

• كيف يصفح اطار السياره

يحقن الالتراسيل فى الاطار من خلال البلف بعد فك الابره
يضع الالتراسيل فى الاطار بواسطه مضخه بالكميه المحدوده ( حسب المقاس)
يعاد تركيب ابره البلف بعد الحقن و يزود بالهواء كما كان عليه فى السابق




• كيف يعمل الالتراسيل


بعد تصفيح الاطار و عند حدوث ثقب يندفع الهواء بشده الى الخارج سحبا معه الالتراسيل (بمساعده ضغط الهواء بالاطار و القوه الطارده المركزيه الناشئه من دوران الاطار ) فتتجمع قطع الكاوتش الموجوده بالاتراسيل داخل الثقب لتكون الماده الفعاله سدا محكما تتم هذه العمليه خلال ثلاثه ثوانى فقط فور حدوث الثقب

هل للالتراسيل اى تاثير ضار على الجسم و البيئه او الاطار ؟؟؟؟؟

الالتراسيل مصنع من مواد طبيعيه غير ضاره ولا يشتعل ولا يساعد على الاشتعال يظل فى الاطار طول عمر الاطار او الجنط به ماده مانعه للصدا عكس منتجات الايزول المحتويه على لاصق و يكمن ازالتها بسهوله من الاطار بعد غسيله



• ماهى الثقوب التتى يمكن معالجتها الاتراسيل

يعالج الثقب تلو الاخر و حتى اكثر من ماتى ثقب بالاطار الواحد فقط يراعى التالى

-يجب ان يكون الاطار جديدا او على الاقل 70%
-فى حاله الاطارت الصغيره يفضل التيوبلس يجب ان يتم ترصيص الاطار قبل التصفيح للسيارات القديمه
-يجب التصفيح بدقه بكميات متساويه حتى لا يتسبب فى غربله اثناء السير
و عموما فان الالتراسيل يلحم الثقوب فى الاطار حتى ثقب 9 ملى للثقب ان كان سببه طلقه رصاص

• فوائد استخدام الالتراسيل

1 سد اى عدد من الثقوب لثناء السير دون توقف
2 منع انفجار الاطار (يمنع تسخين الهواء داخل الاطار )
3 يظل السائل فى الاطار فغالا طوال عمر الاطار
4 يحمى ارواح و الممتلكات
5 يفر مشقه تكلفه واصلاح و تغير الاطار خاصه للشاحنات و الباصات السفريه و المحمله بالانفس و البضائع
6 يوفر الوفت الضائع و خطوره الوقوف فى الطرق النائيه
7 يحل محل الانابيب الداخليه (يمكن تحويل الانبوب الى تيوبلس )
8 يزيد من عمر الاطار
--------------------------------------------------------------

تكلفه الموضوع ده 150 جنيه , شامله الالتراسيل والنيتروجين لـ 4 اطارات

ياريت لو حد عنده تجربه او معلومه يقولها ونستفاد منها كلنا :-)

I tried the nitrogen last week,the guy deflated the tires and filled them with Nitrogen.I paid 20 pounds only.I cant find any change but ididnt try Ultra Seal

اقتباس:

---

المشاركة الأصلية كتبت بواسطة محمد الشامي

السلام عليكم يا جماعه الخير


تكلفه الموضوع ده 150 جنيه , شامله الالتراسيل والنيتروجين لـ 4 اطارات

ياريت لو حد عنده تجربه او معلومه يقولها ونستفاد منها كلنا :-)

---

الصراحه انا اول مره اسمع عن الالتراسيل ده ....بس انا حاسس ان 150 ج كتير

شويه على الحوار ده لانه لسه جديد وفى نطاق التجربه

اقتباس:

---

المشاركة الأصلية كتبت بواسطة srm

الصراحه انا اول مره اسمع عن الالتراسيل ده ....بس انا حاسس ان 150 ج كتير

شويه على الحوار ده لانه لسه جديد وفى نطاق التجربه

---

المادة اللى تلحم الكاوتش فورا دا موجود من زمان بس باختلاف اسماء المنتجات

و 150 مش كتير لانك لو حسبت مثلا 6 او 7 خروم لحامهم ب 75 جنية . عموما راجع الرابط دا و شوف الناس بتقول اية

http://www.nilemotors.net/Nile/164616-a.html

اكيد هيبقى ال 150 مش كتير

لو ممكن صاحب الموضوع يقولنا فين فى الدقى ؟؟ و اسم المحل ليستفيد باقى الاعضاء اللى عاوز يعمل الموضوع دا

اقتباس:

---

المشاركة الأصلية كتبت بواسطة karimfahmy99

لو ممكن صاحب الموضوع يقولنا فين فى الدقى ؟؟ و اسم المحل ليستفيد باقى الاعضاء اللى عاوز يعمل الموضوع دا

---

انا مش عارف العنوان بالظبط , لان واحد قريبي هو اللي شاف المحل اللي بيعمل الموضوع ده ودردش معاه شويه في المميزات والعيوب و و و

هو مكانه بعد محمد السيد في الدقي على نفس الصف بالظبط , وهي زي شركه صغيره , يعني مش مجرد محل كاوتش تقريبا


بالمناسبه ياجماعه ,, العمليه دي اسمها (تصفيح العجل) !! تقريبا على اساس ان في الحاله دي الكاوتش بيكون مقاوم لمعظم العوامل اللي ممكن تخلي الهواء يطلع من جواه

انا مجربتش السوائل دى قبل كدة بس عندى اعتقاد انها ممكن تبوظ اتزان الفردة و ممكن تعمل غربلة و انت ماشى

(دا تخيل شخصى مش اكيد طبعا)

المميزات ده كلها مش كتير عليها 150
يا ريت نعرف مكانه ونعملها

هى الفكرة ان فى ناس شككت انه بيعمل غربلة فى العربية
مهما رصصت الكاوتش

اقتباس:

---

المشاركة الأصلية كتبت بواسطة zaza_lanos

هى الفكرة ان فى ناس شككت انه بيعمل غربلة فى العربية
مهما رصصت الكاوتش

---

ما هو يمكن عشان كده هما كاتبين

اقتباس:

---

المشاركة الأصلية كتبت بواسطة محمد الشامي

• كيف يصفح اطار السياره


يضع الالتراسيل فى الاطار بواسطه مضخه بالكميه المحدوده ( حسب المقاس)

---

وطبعا بما اننا شعب الكرم كله :-) ف ممكن واحد يحب يعمل واجب مع زبون ويحطله سائل زياده او صاحب العربيه يقوله ما (تبحبح إيدك شويه) وده اللي بيعمل الغربله حتى مع احسن ترصيص لان العجله واخده كميه زياده :-))

طبعا الموضوع ممتاز ويستاهل وزى الفل بس الناس قالت انه مهما اتعمل ترصيص الكاوتش بيكون فيه غربله لأن السائل بيروح وبيجى شمال ويمين فهيترصص إزاى !!! لو ليها حل ومش هيعمل غربله كل الناس بلا شك كانت هتروح تعمله

عايزين حد تاني يكون جرب الموضوع ده ويفيدنا

انا منتظر والله الاقي حد بيقول انا جربته او يعرف حد جربه ويقولنا المميزات او النتيجه بشكل عام اياً كانت ايه هي :-)

متـــــابع

السائل ده تم الاعلان عنه فى المنتدى هنا من فترة و كان فيه فيديو عن الشركة المستورده له و كان فيه احد الاعضاء قام بعمل مشاركة كاملة عنه و التجربة من خلال الفيديو اوضحت ان حتى لو دخل فيه مسمار 6 سم فان العجلة لن تتاثر حيث انها سوف تتلحم ذانيا بسبب المادة التى تتسرب من خلال الخرم التى تتحول من حالة السائل الى الحالة الصلبة بمجرد التعرض للهواء و كان باين عبوة 250 مل تكفى الاربع فرد ب 150 جنيه او 200 جنيه تقريبا على العموم انا لم ارى احد الاعضاء جربها فعليا

تحياتى

طيب لية لا يتم الاعلان عن هذة المادة بشكل علنى عام وخاصة لو الكلام دا مظبوط هتكون فيها فايدة كبيرة وهتخلى بتوع الكاوتش ينشوا نش
ولا رقع ولا بدج ولا لحام خابور

اقتباس:

---

المشاركة الأصلية كتبت بواسطة mohfud

طيب لية لا يتم الاعلان عن هذة المادة بشكل علنى عام وخاصة لو الكلام دا مظبوط هتكون فيها فايدة كبيرة وهتخلى بتوع الكاوتش ينشوا نش
ولا رقع ولا بدج ولا لحام خابور

---

حضرتك في بعض منتجات مهمه مش بيتم الاعلان عنها بشكل متوسع او علنى زي ما حضرتك بتقول

يعني مثلا انا عمري ما شوفت اعلان عن ميا خضرا , او تيل فرامل , او او او او او :-)

.................................

انذار ووقف شهر لمخالفة القاعدة 11
يرجى مراجعة قواعد المنتدى
9:58am 2/7/2012
م.ع.4

الموضع دة تمام
وانا قرأت كتير عن المواد الى بتتحقن فى الكاوتش علشان يلحم نفسة بنفسة
وانا معجب بالفكرو ولو منك هعملها على الأقل الفردتين اللى قدام

يارجااالة
ابعدو عن الالترا سيييل فى العربيات الملاكى
الالترا سيل للنقل التقيل فققط
انا من الناس الى جربتوا واسبوع وشيلتوا فورا
وكان اعلان هنا على فكرة على نايل موتورز من سنة تقريبا
وشيلته والحمد الله رجعت فلوسى
غربلة غير طبيعية اول ماتعدى ا120
اوعوا حد يحطوا انا بتكلم عن تجربة شخصية محدش قالى
اى مادة سائلة داخل الكاوتش بتعمل غربلة جامدة على السرعات
وياريت الناس الى بتعلن عنه للعربيات المالكى تتقى ربنا فى الناس عشان هما اكيد عارفين انو بيعمل كدة

يا استاذى الفاضل لكل قاعدة شواذ وبعدان الغربلة بتحدث نتيجة زيادة فى ضخ المادة فى الكاوتش المفروض الكمية على حسب مقاس الكاوتش

اقتباس:

---

المشاركة الأصلية كتبت بواسطة dinasamier2007

يا استاذى الفاضل لكل قاعدة شواذ وبعدان الغربلة بتحدث نتيجة زيادة فى ضخ المادة فى الكاوتش المفروض الكمية على حسب مقاس الكاوتش

---

حصلت مع اكتر من واحد حضرتك هنا فى المنتدى وبعد كدة نزلو تحزير من المواد السايلة داخل الكاوتش
وفعلا الكمية ساعة ماتحطت كانت بمقاس الكاوتش مش عشوائية
حضرتك تقدر تجرب الموضوع بنفسك
انا بحزر لانى انا اتلسعت منه شخصيا