بسال عن ثبات الجيتا عامل اية فى السرعات العالية
عرض للطباعة
بسال عن ثبات الجيتا عامل اية فى السرعات العالية
ثابته......
العربية تقيلة فى الوزن و واطية مما يكسبها ثبات خرافى فى السرعات العالية (عن نفسى جربت لحد 140 كيلو/ساعة---أكتر من كده لا أجرؤ---لحد هذه السرعة ثبات خرافى مقارنة باللانسر اللى كانت معى قبل ذلك)
الالمانى عموما يعنى الثبات
لا اصل انا بسمع ان الجيتا بعد 140مش ثابتة
سمعت من مين يا باشا.... اللى سمعك كدة اقتله واستريح من الاشاعات دى..
انا معايا بولو 2009 و ثابته ماشاء الله وجبت بيها 185 وزى الفل.. مابالك بقى الجيتا.. كفايه اصلا ان عرض كاوتشها 205
مشكوررررررررررررررررررررر ر
الالمانى يعنى القوة الثبات المتانة الاعتمادية
والله الردود حقيقيه فعلا بدون مبالغه :satelite:
يا راجل ده انا معايا بيتلز و كنت بجيب بيها ال :ma:150 و اكل ف غرز من اقصى اليمييين الى اقصى الشمال و العكس و الحياه جلاش :shine[1]:
تقولى الجيتا ثباتها وحش :star1:
حرام عليك :majd(4):
بس انا كنت عايز اتاكد من معلومه
فى جيتا امريكى 2500سى سى 5 سلندر ؟؟!!!
ياباشا عن تجربة شخصية فى طريق العالمين 180 أو 185 وماشاء الله العربية زى الفل .........بس هى عيوبها أن صوت الماتور جوه الصالون عالى شويتيين مما يعنى ان العزل مش تمام قوى أو يمكن لان العربية اللى كنت راكبها كانت محتاحة service
انا معايا جيتا وهى كانت ثابته جدا علي سرعة 160 ك
سامحنى سؤال مش فى محله
1- العربيه تصميم المانى تقفيل ميكسيكى ومن العربيات المطلوبه فى السوق الأمريكى اللى مفهوش تهاون فى اى شرط من شروط السلامه
2 - انخفاض العربيه على الأرض مديها ثبات ممتاز
3- تصميم عفشتها واللى الناس بتشتكى انها ناشفه دا دليل على ثباتها
220 ومفيش احساس ان الهوا بيلعب بيها بجد عن تجربة
قمة الثبات عن تجربة حتي 220 وفي الملفات بس انت تجمد قلبك
بخصوص السؤال عن جيتا 2.5 دي مواصفات امريكي ما بتنزلناش بس المواتير الاستيراد في الحرفيين كلها 2.5 لو نفسك تسقط موتور وعلي حد علمي بيركب علي نفس الفتيس
سبحان الله ياناس 220 و ثابتة ؟!!
شوف لصاحب الموضوع و بمنتهى الحيادية العربية دى سقتها 3 شهور متواصلة يوميا وكانت شبة زيرو
المهم لو بتتكلم ع مشى فى خط مستقيم فهى تماما ثابتة ودة لحد 160 بعد كدة مطبات الهوا بيكون ليها تأئير ضخم ع ثباتها
المناورة من 160 و طالع غير مأمونة ع الاطلاق مقارنة ب318 موديل2001 كانت معايا فى فرق (ضخم) وانا كنت سايق الجيتا فاكرها فى ثبات الالمانى المعروف عن ال318 مثلا
المناورات يعنى غرزة يمين فى شمال فى تأرجح مخيف لمؤخرة العربية يعنى تحس بلعب من ورا لكن لو الكلام ع ملفات بتكون ماسكة نفسها لكن غرزة ضيقة يمين شمال لازم تكون سائق متمكن و عارف تعمل اية لو العربية عوومت مثلا
شوف سرعات مثلا 220 ودى بتجبها بعد 10دقايق مثبت سرعة لو خط مستقيم كويسة حتحرك الدركسيون يمين شمال يبقى انت ذنبك ع جمبك
ياجماعة الثبات مش معناة انك ماشى خط مستقيم والعربية ثابتة او بتاخد ملف براحتك والعربية ثابتة
الثبات هو ثبات العربية فى المناورات ع سرعات عشان كدة كل فيديوهات الثبات اللى فى العالم تلاقى العربية ع سرعة 100 او 80 وبيناوروا بين قراطيس مناورات ضيقة
مابالك بقى واحنا هنا بناور ع 170 و 180 كمان
فخد بالك هى اة ممتازة لكن مش معناة تغرز بيها ع 180 او 170 والكلام دة واللى يقولك اة و جامدة جدا و ثبات اخر حاجة متصدقوش العمر مش بعذقة
العربية ثباته وزي الفل والحمد الله انا مشيت بيها لغاية 180 زي الفل وفعلا الالماني الماني
220 ازاي ؟
انا معايا جيتا 2008 لسه شاريها من اسبوع مستعملة وعاملة 60000 كم وطلعت اجرب على طريق اسكندرية وماشاء الله بغاية 180 والعربية كانت ثابته جدا
...........................
استخدام الأحرف الانجليزية في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى
4:28pm 12/9/2010
المشرف العام 5
والله يا دكتور الكلام ده اتقالي من ابن خالي بس كان على الباسات
هو كان معه BMW 318i 2002 or 2001 مش فاكر السنه بالظبط
وبعدين جاب باسات 2009 tsi high lineee خليجي بيقولي فعلا الBMW اثبت كتيييييير في الغرز
واتصدمت بصراحه لاني كنت فاكرها ثبات وهمي بس طبعا ده مش معناه انها زي اللانسر والتويوتا والكيا والكلام الفارغ ده لا طبعاااا
واحد صحبى كان سايق عربيتى على طريق المحور 180 وما شاء الله ثابتة جدا وانا كنت ماشى بيها على الدائرى 178 وكانت ما شاء الله ماسكة فى الارض فا من احلى الحاجات الى فى الحيتا الثبات الخرافى مع السرعات العالية والغرز كمان ودا عن تجربة
الجيتا ال هاى لاين مع صحبى جبنا بيها 200 وكنه بناخد غرز كمان عشان العفشه بتعتها اسبورت ومخيطين السيفيك فى ملفات ال fgi
حضرتك ناوي علي اللي فيها ASR ولا لأ؟ أنا معرفش هو اصلا فيه Jetta من غير ASR؟
بس مع وجود الASR صعب قوي العربية تعوم أو حاجة زي كده. بس هو اصلا الالماني ثابت من غيره. أنا ركبت Passat مع واحد صاحبي و كان بياخد ملفات ( صنية واسعة مثلا زي من الدائري للرحاب ) علي 140. طبعا كنا بنميل مع الملف بس مفيش أي تعويم أو هزة في الدركسيون. غرز كان بياخدها على 180 بس مش غرز عنيفة قوي. غرز مفاجأة ( يرمي الدركسيون لنصه مثلا ويرجع تاني ) كانت لحد 120 بس هو اصلا مجربش علي اعلي من كده ( كده حلو قوي ).
سلام عليكم
اولا احب اقول ان الجيتا عربيه ممتازه من جميع النواحى
و من ناحيه الثبات هى ثابته بس فعلا مش زى البى ام (مش لدرجه انك تاخد غرز على 200 و الكلام الغريب ده)
ثانيا asr فى الجيتا على العجل الامامى فقط و ليس على الاربع عجلات و ده بعد بحث لانى كنت ناوى اجيبها
يا فندم مفيش عربية سيدان ممكن تاخد بيها غرزة عنيفة على 200 حتى لو فيها ESP أو DSC بتاع BMW كامل. مفيش غير M5 و M3. غرزة الحارة السريعة ديه مفيش حاجة الكترونية تلحق تلمها ديه بتحصل في جزء من ثانية. الESP بيمنع انزلاق العربية حولين محورها في ملفات مش غرز سريعة. ده حتى في السباقات علي سرعات عالية الغرز بتكون واسعة حبة, وديه اصلا بتكون عربيات تانية بعفشه Torsion Beam حتة واحدة وكمية Bars تربط العربية. الكلام بتاع 200 وغرز ضيقة مينفعش غير في عربيات رياضية.
For people who talk about ASR & that ASR in Jetta on front wheels. The ASR has no relation to stability of the car. It only prevents wheels from spinning-ya3ny amrikany- in hard acceleration.
ASR=Anti-Slip Regulation
When the car senses that the wheels will spin,te3mel amrikany ya3ny- it decreases the power sent to the wheels so the spin stops.
I consider it opposite of ABS
ABS=Anti-Lock Brake System
When braking hard & the car senses the wheels will lock, it holds & releases the brakes 30 times per second & this prevents the tires from locking which can make the car slide more on the asphalt.
I forgot to say, the ASR is always on the front wheels only if the car is front wheel drive. If its rear wheel drive then ASR will be only on the 2 rear wheels. ASR will never be on all 4 wheels unless the car is AWD
معلش ..هتكلم بصفتى راكب اوكتافيا ..وهى هى الجيتا
اولا و اخيرا
مهما كان نوع العربيه
عشان تاخد غرزه محترمه فوق 120 لازم تكون "سواق" صح
لو راكب s500 وانت مش سواق هتعوم منك و تتقلب كمان
تانى حاجه الثبات موضوع نسبى
بمعنى ...الجيتا اثبت من الكورولا 2006 مثلا بمرااااااااااحل
لكن زى الاوكتافيا و الفيكترا...
حرام اقارن بعربيه bmw لانهم اصلا مش من نفس الفئه ..
هو يعنى الفئه التالته فى ثبات الفئه الخامسه ؟؟
وهل البولو فى ثبات الجولف ؟؟
نقارن العربيه بالفئه الى هى فيها ..لا اعلى ولا اقل...
رأيى الشخصى فى ثبات الاوكتافيا "الجيتا"
ان العربيه ثابته جدا جدا جدا جدااااااااا
لو هنقول على عيب فى ثبات العربيه
مش هيبقى عومان فعلا ..هيبقى احساس فققققط
فى الملفات
فوق 160
"هتحس" ان العربيه بتميل منك فى الملف ..لكن هتاخد الملف بأمان كامل
تأرجح ضهر العربيه من وجهه نظرى من السواق
المهم
ان مفيش اى اختلاف على انها عربيه ثابته بدرجه آمنه