الموضوع: ميه حمراء للردياتير hepu

المشاركة الأصلية كتبت بواسطة ehab_mansour

علي فكرة انا حاليا بزود مياة التبريد عندي بمياة مقطرة الخارجة من التكييف لأنها خالية تمام من الأملاح وهو ده اهم شيء فيها وكله زي الفل والحمد لله

انا كنت باعمل كدة زمان و كانت تمام فعلا

كانوا فاتحين موضوع هنا في المنتدى اول امس و ناس كتير اعترضت ان مياة درين التكييف مش نقية و فيها املاح و تراب و فطريات و بكتريا و طين و انها اشبة بمياة المجاري
http://www.nilemotors.net/Nile/170200-a-3.html

بس انا مقتنع انها نقية (ماء تكثف بخار الماء في الجو) وخالية من الاملاح او عالاقل افضل من مياة حنفيات بلدنا الجميلة بالنسبة للسيارات مش للشرب

و ربما للشرب ايضا هههههههههه

المشاركة الأصلية كتبت بواسطة ehab_mansour

وارجو منكم لو حد عنده فكرة ايه هي المادة التي توضع في الماء لتزييت طلمبة المياة يقلنا لأني غير مقتنع بوجود مركب نضعه ف الماء ويختلط به ويعمل علي تزييت الطلمبة والثرموستات

الجلسرين

بيختلط و بيذوب في المياة و بيزيت الطلمبة و الترموستات

المشاركة الأصلية كتبت بواسطة Adham

بص ياباشا, اولا عمرك ما تشتري زيت و لا اي حاجه من المحلات اللي بتشتغل بيع زيوت دي لان كل حاجتهم مضروبة
انا مرة باشتري علبة زيت باور ATF ماركة ABRO لقيت مكتوب على حرف الستيكر الورق اللميع اللي على العلبة بالضبط: C:/my ............../ashraf/abro.jbg
بخط صغير جدا على الورقة من الجنب بطول الستيكر

هو الخواجة ابرو عندة واحد اسمة اشرف بيطبعلة الستيكرات !!!!!!!!!

المهم بقى يا سيدي الفاضل الترجمه بتقولك : إن اضافة التبريد دي مفروض تكون عالأقل40% من حجم دورة التبريد (تديك حماية من التجمد حتى درجه -25 تحت الصفر برررر) و مفروض الا تتجاوز النسبة ال 60% (حماية من التجمد حتى -40 تحت الصفر بررررررررررررر) و قبل الاستعواض استخدم جهاز اختبار لمدى ملائمة مانع التجمد في سائل التبريد

يعني بالبلدي كدة المياة دي للدول اللي فيها تلج

ريح انت بالك و حط نص الردياتير من الجركن و النص من المياة المقطرة يعني 50% و 50% علشان لو المعايرة مش دقيقة تبقى في حدود المسموح 40-60% لان اكتر من ال 60% غلط زي ما هما بيقولوا

و ان كنت ارى ان دة لمنع التجمد و انما هنا يكفي قوي ال 40% و الباقي مياة (ماهو لازم يتخفف بمياة بس هما مش قايلينها صراحه بس ما هو حايتخفف باية يعني) بس طبعا علشان احنا دولة متخلفة و مياة الحنفيات كلها رواسب و املاح الافضل ان تزود يا بمياة من فلتر المياة (ال6 مرحلة بتاع البيت يبقى استاذ لأنة بيشيل الاملاح تماما) يا اما مياة مقطرة , يا تكبر الدماغ و مياة الحنفية اللي الناس بتشربها ماهو العربية مش احسن من عامه الشعب ههههههههه



ايوة هوة دة الكلام الصح, المياة اللي فيها انتي فريز و بس دي مانعة لتجمد الماء علشان البلاد اللي فيها تلج في الشتاء و مش مفيدة عندنا (زي اللي مكتوب فوق ان النسبة 40% من الدورة لمنع التجمد حتى 25 درجه تحت الصفر و ترفع النسبة ل 60% لمنع التجمد حتى 40 درجه تحت الصفر

المهم عندنا مياة فيها موانع للصدأ و فيها رافع لحرارة الغليان (اثيلين جليكول) و فيها مزيتات للاجزاء المتحركة (طلمبة المياة و الثرموستات)

جزاك الله خير يا استاذ ادهم بس زي ماقلت ان دورة التبريد عندي بتاخد 4 لتر مياه(ايبيزا99 1000سي سي) وانا جايب مياه حمراء hepu ودي لتر ونصف انت بتقول احط نصف المياه بس لو حطينا 1.5لتر مياه حمراء نكمل الباقي بمياه مقطرة ولا ايه ياريت تفهمني ليه احط نصف الجركن(ولا المعايرة النص يبقي الجركن كله)؟؟وفعلا انا حسيت انو مضروب الحاجات اللي بيبعها حاجات غريبة صراحة يعني زيت فرامل بتاع مجموعة فولكس اللي هو العلبة الزرقاء المحل مش شكله يقدر يجيب الحاجات الأصلي دي بس الله اعلم يعني بيقللي الجركن الأحمر hepuابو 60 جنيه هو بيبعها ب35 جنيه وبيقللي بتاع الأربعين بيكسب 25 جنيه فيها الله اعلم لو لفيت شويه هجيبلكم سعرها الحقيقي ممكن يكون 35 جنيه!!!

المشاركة الأصلية كتبت بواسطة windsofchange

جزاك الله خير يا استاذ ادهم بس زي ماقلت ان دورة التبريد عندي بتاخد 4 لتر مياه(ايبيزا99 1000سي سي) وانا جايب مياه حمراء hepu ودي لتر ونصف انت بتقول احط نصف المياه بس لو حطينا 1.5لتر مياه حمراء نكمل الباقي بمياه مقطرة ولا ايه ياريت تفهمني ليه احط نصف الجركن(ولا المعايرة النص يبقي الجركن كله)؟؟وفعلا انا حسيت انو مضروب الحاجات اللي بيبعها حاجات غريبة صراحة يعني زيت فرامل بتاع مجموعة فولكس اللي هو العلبة الزرقاء المحل مش شكله يقدر يجيب الحاجات الأصلي دي بس الله اعلم يعني بيقللي الجركن الأحمر hepuابو 60 جنيه هو بيبعها ب35 جنيه وبيقللي بتاع الأربعين بيكسب 25 جنيه فيها الله اعلم لو لفيت شويه هجيبلكم سعرها الحقيقي ممكن يكون 35 جنيه!!!

رأي الشخصي لو انا مكانك حاعمل التالي :

1- اغسل و افضي دورة التبريد و احط الجركن و اكمل مياة من الفلتر او مقطرة

2- مش حاجيب المياة دي تاني علشان دي لمنع التجمد و حاشوف حاجة تنفع مع الجو الحار افضل حالف شوية و حاقرا المكتوب عالعبوات و اقرر

انا على طول باجيب الكوولرCoolerالامريكاني و دة علبة بيضة معدنية صاج شبة علبة السمنة الصغيرة النص كيلو و مكتوب عليها كوولر ب التركواز

Cooler made in USA

و عمري ما باشتري اي مياة من اللي بتيجي متعبية في جركن بلاستيك شفاف و بيسموها مياة سعودي

علشان دي كلها مضروبة و حامية و بتسخن العربية

و عملتها معايا في الهوندا اللي عمرها ما سخنت مني الا يوم ماجربت الجركن السعودي دة

و لا هو سعودي و لا اسيوطي و لا نيلة دي مياة و لون و شوية صابون سائل باين

بص .. أنا بصراحة زهقت واحترت كتير فى موضوع مياه الرادياتير

يعنى مثلا تلاقى ناس تقولك المياه الخضراء غلط على جوان وش السلندر
ومتعرفش ايه الفرق بين المياه الخضراء والحمراء ناس كتير تقولك ده مجرد لون وخلاص وفريق تانى بيقول دى تستخدم لنوع معين من المواتير والاخرى لنوع تانى

شوف أنا علشان اشترى دماغى اشتريت جركن مياه خضراء موبيل وغيرت بيه المياه بتاع الردياتير وفاض منه جزء بسيط ولما بحب ازود مياه بزود مياه مقطرة

يعنى من الآخر انا اعتبرت ان موضوع المياه الخضراء لون والمياه المقطرة مفيش حد اختلف عليها انها تؤدى نفس الغرض فى جو بلادنا

هو طلع حاجة غلط معلش الدورة بتاخد 5,6 لتر مش4 لتر زي ماقلت في الأول...وبعدين في حاجة نسيناها بعيدا عن المياه المقطرة ان المياه الحمراء او الخضراء او الزرقاء بيرفعوا درجة غليان المياه الطبيعية اللي هي 100 سيلزيوس ل 120 والله اعلم بس ده مهم في تبريد الموتور جدااااا وعندي عقربة التزويد مكتوب نوع المياه اللي المفروض احطها g12 ودي الحمراء والعربية ايبيزا من اسبانيا يعني الجو حر عندهم برده ولا ايه وشكرا لكل اللي ردوا في ميزان حسناتهم ان شاء الله