الموضوع: الفرق بين شيفرولية و دايو لانوس

يا سيدى على عينى و على راسى و ان مقصدش ناى أكون طف فى كلامى بس انا بحب لما أقول حاجه تكون مقرونه بدلائل و براهين و خاصة لما يكون الكلام خارج من شخصيه موثوق فيها يبقى لازم يكون فى اثبات و مش ده الموضوع اللى هيزعل الناس من بعضها و لا يزعلنى و يزعل اى حد من حد بس لازم التجربه و المشاهده و مش لازم نستخف بكلام بعض و لما مثلا اقول لسيادتك مع كل احترامى ان الماركه بتاعتها كذا بلاش نفترض فيها سؤ النيه فى صناعتها لانى انا شخصيا و كتير من اللى معاهم اى دايو او شيفورليه مشفناش المشاكل دى اللى بتقولوا عليها يا جماعه انا عاوز تعرفوا ان المقع ده فيه بيتمتع بمصداقيه و شعبيه ممتازه و بكلامكم ده ممكن تضروا سمعة عربيه ناجحه زى اللانوس لمجرد انها بقت علامة شيفورليه
و على العموم انا مش موضوعى مين احسن من مين لانها كلها حديد فى حديد و لما يقدر الله شئ كلها زى بعضها بلاش نستخف برأى بعضنا البعض و خصوصا لما أصور الحاجات محل الجدال و الاقى الاساذ ممدوح و هوا شخص انا بحترمه يستخف بكلامى و يقولى و ايه ياعنى لما تكون d a c مكتوبه على مكون صينى ليه مانفرضش حسن النيه
و نحاول بقدر المستطاع نثبت رأينا بدون ما نحاول اننا ندى مده من الزمن لإختبار المنتج اللى لحد وقتنا هذا شايف انه ناجح و فى ازدياد و الحمد لله بلاش تعملوا انقسام فى منتدى الدايو لأن من الممكن جماعة ينشأوا قسم خاص بالشيفورليه و الأخر للدايو فيما نا الاتنين زى بعض مع اختلاف العلامه و التوكيل

طبعا عارف الثوار بيتعمل معاهم ايه فى مصر ام الدنيا ربنا يسترها معانا يا باشا مقبول هزارك و عسل أبيض على قلبى كمان

المشاركة الأصلية كتبت بواسطة bakkarahmed

يا باشا الفروق اللي وجدت بين الدايو & الشيفروليه اللي هي اساسا امتداد لدايو لا تتجاوز ملااليم يعني سواء بوبينه ولا طرمبه ..كل ده كلام فاضي واحنا مش بنقارن الدايو المستعمل بالشيفروليه الزيرو لان كده كاني هقارن عربيتي الاحسن ولا عربيتكالموضوع كله ان الناس بتحاول تعرف ايه التغيير اللي اضافه منصور للدايو يعني مثلا عدل حاجه خلاها احسن او شال حاجه ووفر في تمنهوعلي ما اعتقد ان اساسيات العربيه استحاله يعدل فيه وان اكتشف البعض شئ من الاختلاف فكل ده حاجه بسيطه لا تنتقص من القيمه الكليه للسياره من حيث موتور وعفشه وشاسيه وحاجات تانيه كتير انا شايفها واحد..الفكره ان الواحد صعبان عليه العربيه دي ان ما اتعملش فيها تعديلات كانت هاتفرق كتير فيها وستظل اللانوس سواء اصبحت شيفروليه او اي شكل اخر افضل في نظري من عربيات كتيره في فئتها زي الفيرنا حتي لو اتغيرت كل مكوناتها وبقت صيني ...
كبر دماغك يا باشا دي مش اول عربيه وباذن الله مش اخر عربيه وعلي فكره انا علي اخر السنه دي باذن الله هاجيب لانسر سوبر اكشن علشان ماتزعلش مني وكمان علشان متقولش ان عربيتك احسن من عربيتي علشان زيرو وهاجيبها بفتحه سقف واتوماتك وممكن اجيبلك واحده معايا كمان بشرط انك تقول ان الدايو مرسيدس وان الشيفروليه 128

يا باشا لو هتجبلى واحده معاك يبقى الدايو بسكلته و الشيفورليه بسكلتتين كمان ولا تزعل نفسك بس انا عاوز مرسيدس ولا قولك هاتلى اودى ولا اقولك تعالى كمان سنتين والله اعلم نشترك و نعمل جمعيه و نجيب 2 كيلوا لحمه للعيال سعتها كيلوا اللحمه اكيد هيعدى 12000 جنيه ربنا يستر علينا من الايام دى واللى جايه و كل سنه و انتم طيبيين
خلي صدرك رحب شويه كل العربيات شويه حديد احنا بنحب ننكش في بعض شويه ...

يا خوانا الموضوع زاد عن حدة . انذار و وقف و على اية ؟؟؟؟؟؟؟؟

انا بطالب الادارة بغلق هذا الموضوع و نقلة كمان يبقى احسن.

انا اخترت اللون الاحمر لانى موجهة الطلب للادارة



المكونات الصينى اكيد معمولة فى شركات محترمة و مش تحت السلم زى حاجات عندنا . و قلت مرارا و تكرارا اللى شايفها مش كويسة يبعد عنها .. دا جيل و دا جيل و كل وقت و لة اذان و مش فاهم لية الحوار واخد السكة دى . بس لا حياة لمن تنادى

احنا هنا بنحاول نحل مشاكل العربية للاخوة الاعضاء مش داخلين نعمل مقارنات و مين قال و مين عمل . كدة بقينا قاعدين فى فسحة مش منتدى لة اسم و وزن بين المنتديات الاخرى . كفاية بقى و فضوها سيرة

اللون الاحمر مخصص للادارة

برجاء استعمال خاصية تقارير المشاركات فى حالة رغبتكم توجية اى طلبات لطاقم الاشراف او فتح موضوع جديد بقسم الاستفسارات فى حالة تقديم طلب للادارة

مشرف عام الكورى و الماليزى

يا جماعة الموضوع كده مبقاش له اي لازمة في الكلام المستمر عليه
انا واحد من الناس ركبت اللانوس 1 1999 والدايو لانوس 2006 واشتريت شيفورليه لانوس 2010 وقلت رأي علي الحوار ده قبل كده
بس المفروض ان الموضوع ما يسخنش كده
يا اخي ما فيش اي مشكلة ان القطعة تطلع صيني ولا هندي هي الصيني وحشة للدرجة دي
للمعلومية كل الماركات العالمية في جميع الصناعات بتعمل مصانع في الصين و تحت اشراف خبراء الشركات الأم وبتنتج منتجاتها هناك علشان العمالة ارخص وبالتالي الربح اكبر
الصين وصلت للفضاء وعملت محطة فضائية زيها زي امريكا وروسيا
عربية الصين إلي هي السبرانزا كانت هتبقي احسن عربية في مصر لولا الطرق بتاعتنا إلي ما ينفعاهش غير العربية الدبابة التفصيل إلي كنا بنجمعها من الوكالة
وفي الأول والأخر الموضوع موش مستاهل كل العصبية دي

حصل خير يا جماعة استهدوا بالله والاستاذ محمد ممدوح كلامه صادق وانا شخصصيا من الناس اللى بتصدقه
وعلى العموم كل ده اختلاف للراى والاختلاف فى الرأى لا يفسد (للولد ) قضية

انا اسمى وائل معايا شفولية التاكسى الابيض الجديد وهو ماشى كويس ومشغل 2 سوقين مشكلة عادية اهمها الايدل لازم ينظف والبوجيهات تكون تملى نظيفة والبزين مينزلش عن نصف التنك لان الطلمبة ضعيفة شوية مع العلم انى امشى غاز طبيعى وجبت بيها 150 عادى ولو كان فية طريق كنت عديد كمان شوية وشكرا