الفرق بين شيفرولية و دايو لانوس

**mohamedassy** · 03-09-2010 05:49 AM

المشاركة الأصلية كتبت بواسطة mohmswailam

كلام سليم وبدون تحيز فعلا

المشاركة الأصلية كتبت بواسطة bakkarahmed

للامانه
1-التقفيل من الداخل (التابلوه ) خاماته اقل من الدايو بس برده افضل من الفيرنا
2- البوبينه والطرمبه (صيني) عادي ممكن يتغيروا بعد كده
3- مؤشر الحراره ساعات بيعلق ومش بيعدي الربع (بيتصلح عادي)
4- بعض الناس بتقول ان فيها حدفه يمين مع السرعه(مش كل العربيات)
5- صوت الموتور عالي لما تسمعه من بره بس انا ركبت تاكسيات شيفروليه (هاف اوبشن) وحاسس ان الموتور ناعم مش عالي اوي زي ما بنسمعه والعربيات بتبقي عامله 60000 كيلو..وعلي فكره غطا وش الموتور ساده ومش مكتوب عليه الكلمه اللي بالابيض(e-tec) ومش عارف ده معناه ايه ؟؟ممكن يكونوا غيروا حاجات في الموتور ولا لاء لان الموتور بيجي ستوك من بره
علي العموم ممكن تسأل حد معاه تاكسي شقيان وتشوف رأيه ايه وهو هايفيدك...وكل العربيات فيها عيوب وربنا يوفقك للي فيه الخير ليك

بس علي ما اعتقد ان الاختلافات مش كبيره اوي وانها مش في الاساس لان الشيفروليه بقالها برده فتره ودي العيوب اللي ظهرت فيها

زميلى العزيز
بلا شك منصور من اوحش الوكلاء فى مصر لاى سيارة حتى اوبل سوء سمعتها
هو طبعا بقاء لانوس عموما لهذه الفترة الزمنية سلاح ذو حدين
الاول اصالة هذة العربية و كفائتها (بالطريقة النسبية - امكنيات مع فلوس)
الثانى هى لعبة مكاسب هائلة للوكلاء - كل مابقت السيارة فترة طويلة كل ما كان اللعب بيها اكثر
كل ما طال الوقت كل ما تاح للوكلاء ايجاد موردين جدد اوفر و ارخص فى الفلوس و الخامات و هى جاية لمنصور على الطبطاب الصين بقت بتعمل تقريبا كل قطع الغيار و المكونات لهذة السيارة مفيش اسهل من كدة
كلامى واضح جدا فى الافيو ابسط عيب فيها نازلة 2 ازاز كهرباء بس دلوقتى بيحاول يعدل من نفسة
الدايو لاسيتى و مسيلتها فى شيفورلية كروز الفرق واضح جدا
فما بالك بلانوس

**محمد الشامي** · 03-09-2010 02:01 PM

المشاركة الأصلية كتبت بواسطة bakkarahmed

انا ماشوفتهاش في العربيتين اللي شايفهم بعيني
اللي معاه شيفروليه ياريت ياكد الكلام ده

انا عن نفسي وانا بغير الزيت في كارجاس الدقي كان واقف جنبي تاكسي شيفروليه بيغير زيت وفاتح الكبوت ومكنش عنده e-tec

**m0hsen** · 03-09-2010 02:51 PM

المشاركة الأصلية كتبت بواسطة محمد الشامي

انا عن نفسي وانا بغير الزيت في كارجاس الدقي كان واقف جنبي تاكسي شيفروليه بيغير زيت وفاتح الكبوت ومكنش عنده e-tec

اكييييييييد ؟؟؟

**محمد الشامي** · 03-09-2010 02:55 PM

المشاركة الأصلية كتبت بواسطة m0hsen

اكييييييييد ؟؟؟

اه والله :-) وبصراحه اللي لفت نظري ان وانا ببص على شكل المكنه عنده من دواعي الفضول لمعرفه الفروق الظاهريه بين شكل المكنه في الشيفروليه والدايو , فحسيت ان المكنه في الشيفروليه فيها حاجه صماء بس مش عارف ايه هي !! لغايه لما ركزت شويه ولقيت فعلا ان e-tec مش مكتوبه على وش المكنه عنده , طبعا الكلام ده كله في خلال دقيقه

**ahmedeg1** · 03-09-2010 03:01 PM

المشاركة الأصلية كتبت بواسطة محمد الشامي

ازيك يا استاذ احمد

انا لاحظت ان حضرتك اتكلمت عن المتانه وبعدها حاولت تثبت كلامك بإن الاتنين وزنهم واحد !! هي المتانه هي الوزن ؟؟؟؟

على فكره الدايو لانوس بمنتهى الامانه افضل من الشيفروليه من حيث :-
جوده وتقفيل الخامات الداخليه لكابينه القياده
موتور افضل من ناحيه الاداء وهدوء الصوت حتى مع عدد كيلومترات اعلى , انا شخصيا معايا لانوس موديل 2000 وموتورها داخل على 120000 كم , والحمد لله صوت الموتور اهدأ من شيفروليه لانوس كتير بشوفهم

عيوب الشيفروليه لانوس بتبدأ من بعد ما العداد يعدي 2000 كم غالبا , لكن الحمد لله اللانوس حتى بعد 10 سنين شغل مش بتعاني من اي شئ غير الصيانه العاديه , او طلمبه ميا او بنزين , او رشاشات , يعني كلها حاجات معدل استهلاكها بيكون عالى دايما

بشكل عام في فروق بين الدايو والشيفروليه , والفرق مش مجرد فرق علامه او شكل شبكه , وده مع كامل احترامي لكلام حضرتك

ومش معنى كلامي ان كل الشيفروليه لانوس لازم يعاني من عيوب , لكن معدل الشكوى منها فعلا اعلى من الدايو القديم حتى

هي عربية حضرتك نوعها ايه ؟؟؟

.... ملحوظه : طلمبه البنزين والبوبينه في الشيفروليه صيني

السلام عليكم و رحمة الله و بركاته
انا سعيد فعلاا بهذه المناقشه الجميله البناءه و اللى هتخلينا فعلا نطلع من الموضوع بتقرير جميل عن العربيه و معرفة ناس زى الفل زى حضرتك و أعضاء المنتدى
و أحب أقول لحضرتك الأول كل سنه و انتا طيب و ألأس على تأخر الرد لأنى مكنتش فاضى ادخل على المنتدى لظروف العمل
و عاوز أوضح لحضرتك ان فعلا تقفيل السيارة الدايو احسن من الشيفورليه اللانوس بنسبة كبيره و ذلك بالنسبة للخامات المستخدمة يعنى ان نوعية الفيبر الموجوده بالتابلوه و نوعيه التنجيد فى الصالون أفضل بمراحل من الشيفورليه و ده راجه لقلة الضمير لدى الوكيل المعتمد الان و هو محمد بيه منصور
لكن كميكانيكيا مافيش فرق خالص غير ان الهاف أوبشن فى الشيفورليه اللانوس يساوى الكامله فى اللانوس الهاف أوبشن من حيث الموتور و علبة البيئه و جهاز ال egr و كذلك الضفيرة بتاعة كهربة العربيه بمعنى لو حضرتك حبيت تركب ساعه او شبور هتلاقى الفيوزات بتاعة الحاجات دى راكبه و الفيش راكبة فى الشيفورليه الهاف اوبشن غير كده العربيتتين زى بعد و مافيش فرق فى المتانه اواى حاجه تانيه خالص و على فكره عربيتى شيفورليه لانوس 2010 و بقالها معايا من 28-3-2010 و عامل بيها لحد دلوقتى 125000 و ده معدل عالى جدا على ال 5 شهور بالنسبه للملاكى و عاوز أوضح لحضرتك ان العربيه فعلا لما كانت زيرو كان صوت موتورها على و أنا أعتقد إن نوعية الزيت اللى فيها ممكن يكون هوا السبب لأنى لما غيرته بعد ال 5000 الأولى و بدأت أحط شيل الأصفر لاقيت فرق فى الصوت رهيب و جه ميعاد تغيير الزيت دلوقتى و جبت زيت بيشكروا فيه اسمه فيسكو و هجربه و هقولكم على النتيجه ان شاء الله و عاوز أعرفك ان العربيه كل ما تقدم معاك و تتعود على الجرى هتلاقى صوتها زى الريح الخفيفه و خاصة لو مشغل ام كلثوم و التكييف بالليل أو الصبح و ماشى زى الباشا مش هتسمع صريخ ابن يومين حواليك من حلاوة العزل اللى هوا أصلا مش كامل فى الدايو عامة و ممكن نظبط موضوع العزل الصوتى للعربيه من الأصوات الخارجيه بس هجربيه الأول و هقولكم عليه
أخوكم أحمد

**ahmedeg1** · 03-09-2010 03:07 PM

المشاركة الأصلية كتبت بواسطة محمد الشامي

انا من يومين سمعت صوت موتور شيفروليه لانوس وهي بتركن تحت البلكونه عندي ,, صوتها سئ بطريقه غريبه !!!! مع ان العربيه شكلها ملحقتش تمشي

بس اتوقع ممكن يكون تصميم الشكمان فيه حاجه متغيره عن الدايو (او جودة الصناعه نفسها) بتخلي الموتور مخنوق وصوته عالى , وده اكيد بيأثر على السحب وكل حاجه , والله اعلم

و على العكس تماماً بشوف تاكسيات شيفروليه لانوس ملهاش صوت وهي ماشيه ,,,!!!!!!!!!!!!!!!!!!!! في حاجه مش مفهومه بجد

أيوه كده يا وديع

أديك جاوبت على السؤال يتاع علو الصوت لوحدك لما العربيه تقدم فى المشى مش هتلاقى ليها صوت خالص و دده سبب هدؤ محركات التاكسى عن الملاكى ربنا ينور عليك

**ahmedeg1** · 03-09-2010 03:09 PM

المشاركة الأصلية كتبت بواسطة mmamdouh

ممكن دة يكون بسبب ان الشكمان جديد و لسة مفيش فيه ترسيبات كربون فا بيعمل صوت رنة عالية مع تشغيل الموتور... لاحظوا ان عربيات شيفرولية جديدة حتبقى عاملة كيلومترات قليلة لكن التكاسى بتبقى ماشية كتير

انا فى عربيتى لما بغير علبة شكمان واحدة صوت العربية بيبقى عالى لحد ما العلبة يترسب فيها كربون... اعتقد الوضع حيبقى سىء فعلا لو الشكمان كلة جديد

mmamdouh

الله ينور عليك و كل سنه وانتا طيب

**mohmswailam** · 03-09-2010 04:41 PM

المشاركة الأصلية كتبت بواسطة bakkarahmed

انا ماشوفتهاش في العربيتين اللي شايفهم بعيني
وكمان كان فيه موضوع في المنتدي عن عضو عنده مشكله في عربيته انها لما بتدور بترتل بعدها وتطفي وكان مصور العربيه فيديوا ولاحظت عدم وجود الكلمه ...ده اللينك وكمان العربيه كامله فول اوبشن http://www.nilemotors.net/nile/173167-a-3.html
اللي معاه شيفروليه ياريت ياكد الكلام ده

فعلا الكلمة دى مش موجودة

**hugan** · 03-09-2010 04:56 PM

125000 في 5 شهور
بحسبه بسيطه كده
5 شهور *30 يوم 150يوم
125000كيلو متر /150 يوم
اليوم استهلاك 833.33
مش كتير ورقم مبالغ فيه يوميا
.

-

الموضوع: الفرق بين شيفرولية و دايو لانوس

LinkBack

أدوات الموضوع

عرض

-

-

-

-

المواضيع المتشابهه

دايو ولا شيفرولية لانوس

الفرق بين شيفرولية لانوس و دايو لانوس

ايه الفرق بين شيفورليه لانوس و دايو لانوس ؟؟

هل فرامل شيفرولية لانوس زى دايو لانوس

شيفرولية و دايو لانوس و افيو

الكلمات الدلالية لهذا الموضوع

المفضلات

المفضلات

ضوابط المشاركة