ما هي الشركات دي معملتش حسابها ان المياة في مصر كلها املاح ومش نقية و بتعمل صدأ ههههههههههههه
عرض للطباعة
اكيد ظهور الصدأ بعد وضع المياة الخضراء او اى لون احمر او ازرق لازم هيظهر صدا و دا لية ؟ لان واضح ان صاحب الموضوع كان بيستخدم ميية عادية من مدة و دا عمل صدأ فى البلوك و عمل املاح فى وش السلندر و مع وجود الاضافات الموجودة فى الميية الخضراء بدأ التفاعل بينهم و ادى لظهو الصدأ فى الميية . الحل الامثل هو ترك الميية الحالية كام يوم و بعدين يعمل غسيل تانى كويس للردياتير و يحط ميية خضراء جديدة و ان شاء الله مش هيظهر صدأ زى اول مرة .
فى حاجة ناس كتير متعرفهاش طريقة بلدى للتنضيف بس بصراحة فعالة جدا و دى عرفتها من والدى الله يرحمة لانة كان مهندس كيماوى . اية الطريقة ببساطة جدا تفضى الرداتير من الميية و تحط زجاجتين او 3 حسب حجم الردياتير خل عادى بتاع السلطة مش مركز و لا حاجة خل عادى و تزود ميية لما تملى الردياتير و تدور العربية لحد مروحة التبريد تشتغل مرتين او 3 انا بعمل العملية دى كل سنتين مرة . الملاحظ لو انت سايب غطا الرديتير مفتوح طبعا مش اللانوس مفيش غطا بتكلم على الردياتير لاى عربية بغطا هتلاقى فوران و رغاوى زى متكون حاطط صابون مش خل و دا يوضح نجاح العملية فى اذابة الاملاح المترسبة من اول الخراطيم و انت ماشى للطلمبة و البلوك و وش السلندر حتى لو فى املاح خفيفة فى مواسير الردياتير ممكن تاكلها المهم الخل لا يزيد وجودة فى الردياتير عن 10 دقايق بس مش اكتر بعدين تفرغ و كام غسلة محترمين بميية عادية و بعدين فرغ و حط ميية خضرا
على فكرة فى تجربة بسيطة للى يحب يجربها . لو اى حد عندة غلاية ميية كهربا للشاى بتلاقى اجناب الغلاية و الهيتر مرسبين املاح و لونهم مجير و مبيض حط 5 معالق كبيرة خل و املا نص الغلاية و شغلها لحد ما تفصل و فرغ الميية هتلاق الهيتر بيلمع زى ميكون جديد و دى طبعا بعملها مرة فى الشهر فى البيت عندى . المهم دا بيوضح ان الخل بياكل الاملاح المترسبة و هى نفس الفكرة فى الردياتير تمام .
ملحوظة هامة : اللى يعمل الكلام دا واحد يكون فاهم و على دراية بالعربيات عشان محدش يقول انت جبتلى وش سلندر لانة حط ميية باردة على موتور مش شغال و دور العربية المهم ناس تكون فاهمة بتعمل اية .
ارجو ان اكون فدتكم و ان الموضوع دا مش مكرر قبل كدة
بص على الموضوع ده http://www.nilemotors.net/Nile/162567-a.html
http://www.almsdar.net/pic/files/yjg...k09a9qxctd.jpg
انا عاوز اقول حاجة غير المياه ودورة التبريد
انا عايز اتكلم عن سلامة هيكل السربانتينه بتاعة الريداتير
انتو طبعا عارفين ان اي صنايعي بيفك السربانتينه علشان ينظفها بيعمل حاجة مهمة جدا
وهي اعادة تظبيط مداخل الهواء داخل السربنتيه
اللي هي عاملة زي الشبابيك يعنى الشبابيك دي لو مقفوله الهواء مش هيدخل اصلا علشان يبرد
لكن المشكلة فى العربيات اللي ماينفعش تفك الريدياتير بتاعها علشان تنظفة بره
هتتطر تعملها بنفسك عن طريق زرادية بسن مدبب بس حاسب تخرم الريادتير
ولا ايه راي الزملاء
تنضيف الريدياتير في اللانوس بيتم كله عن طريق فك الخرطوم الراجع من القربه واضافه المياه بحيث انها تمر على دوره التبريد وتاخد الصدأ والشوائب وتنزل من خرطوم الرجوع وهكذا , ويمكن اضافه سوائل التنضيف او الخل وقفل دوره التبريد لمده دقايق وبعدها بنكرر نفس الموضوع , لكن الريدياتير نفسه مش بيخرج من العربيه ولا بنحتاج نفك حاجه من مكانها
طبعا حضرتك افدني وفكرة الخل دي مش مكررة قبل كدة
فعلا العربية كان بقالها حوالي 8 شهور فيها مياة عادية من ساعة تغيير الموتور والميكانيكي قالي ابقي غيرها وانا كنت كسلان اروح اعملها
زي ما حضرتك بتقول كدة بالظبط انا خايف من التفاعل بينهم يبوظ حاجة او يخرم الريداتير او يبوظ الطلمبة بتاعة المياة
وعشان كدة بفكر اروح انزلها بالغسالة و اديها خرطوم هوا ينزل المياة القديمة كلها وابتدي من اول وجديد
بس لو الخلط دة مش هيأثر علي حاجة يبقي هخليها شهرين كدة ولا حاجة واروح انزلها بالغسالة
الموضوع دة فية الخلاصة
وخصوصا الطريقة دي
1-الصبح هندور الماتور عشان يسخن
2-هفك طبه الرداتير تنزل المياه الفى الرداتير
3-هنفك الخرطوم الرايح على الرداتير و ندور الموتور فالمياه هتفضى
4-بكومبروسور الكاوتش هنفح فى الخركوم الرايح من الاربه للماتور عشان انزل كل المياه الفاضله
5-هفك الاربه و اطلع و انضفها و انام ساعتين يكون الماتور برد
6-هنزل اركب كل حاجه و احط اول جركن
7-هدور الماتور و ابدا احط تانى جركن
8- ناخد هوء
9 - اروح الشغل
ايه رايك و لا فى حاجه ناقصة؟؟؟
تم بحمد الله
تم تنظيف دوره المياه بكل الخطواط السابقة
مع تغير الاتى
1- استعمال 2 جركن stp بدلا من موبيل لانى لقيته 50 % مش 33
2-فى الخطوه الثالثه و مع تدوير العربيه زودت 1 لتر من المياه الخضراء عشان اطرد المياه القديمه
النتيجه تم التخالص من كل المياه ماعد 1.25 لتر
و بالتالى العربيه خدت 5.75 لتر مياه
بس طبعا عاوزة واحد فاهم هو بيعمل اية عشان مفيش حاجة تبوظ
بس معني كدة انك خلط مياة خضراء مع عادية
طب هل حصل اي تأثير معاك بعد كدة ... عشان انا خايف احسن تبوظ حاجة عندي
لو انت تقصد السربنتينة اللي امام الريداتير بتاعة التكييف هقولك علي اللي حصل
بتاع الريداتيرات جاب مسدس المياة وفضل علي السربنتينة بتاع 3 او 4 دقائق يرش بالضغط العالي
النتيجة انها طلعت كمية تراب متطلعش من عربية مركونة في الشارع بقالها سنة متغسلتش
ولما التراب اتخلط مع المياة وعمل طينة اتضر انة يفضل عليها بالمياة بتاع 10 دقائق كمان لغاية لما خلاها مش مسدودة
عشان دي اللي بتخلي الهواء يعدي من فتحاتها للريداتير
لكن لو تقصد الريداتير فهو فكة كلة من مكانة وغسلة كويس اوي
فعلا الطريقة دي انا عارفها وهي صح بس هو قالي ان كمية الصدأ عندي كتير ولازم نخلع الريداتير
و بعد فك الريداتير واللي انا شوفتة نازل منة اتأكد اني لو كنت سيبتة مكانة من غير فك
كان هيبقي ولا كأني عملت حاجة
غير بقي لو في غسالة تقلب المياة جوة يبقي ساعتها مكنتش هفكة من مكانة
لأن ضغط الغسالة مش زي ضغط طلمبة المياة